ନୂଆଦିଲ୍ଲୀ,୨୩।୬: ଭାରତୀୟ ଦଳର ଷ୍ଟାର ବ୍ୟାଟସମ୍ୟାନ ରୋହିତ ଶର୍ମା ସାଧାରଣତଃ ତାଙ୍କର ମଜାଳିଆ ଏବଂ ଶାନ୍ତ ଆଚରଣ ପାଇଁ ଜଣାଶୁଣା। ପଡ଼ିଆ ଭିତରେ ହେଉ କିମ୍ବା ବାହାରେ, ତାଙ୍କର ଆକର୍ଷଣୀୟ ଭିଡିଓ ପ୍ରାୟତଃ ସୋସିଆଲ ମିଡିଆରେ ଭାଇରାଲ ହୁଏ। କିନ୍ତୁ ନିକଟରେ ଭାଇରାଲ ଏକ ଭିଡିଓ ସମସ୍ତଙ୍କ ଦୃଷ୍ଟି ଆକର୍ଷଣ କରୁଛି। କ୍ଲିପରେ ରୋହିତ ଶର୍ମା ନିଜ ବଡିଗାର୍ଡଙ୍କୁ ଧକ୍କା ଦେଉଥିବା ଦେଖାଯାଇଛି। ଭିଡିଓଟି ମୁମ୍ବାଇ ବିମାନବନ୍ଦରର ବୋଲି ଜଣାପଡିଛି। ଭାଇରାଲ ଫୁଟେଜରେ, ରୋହିତ ଏକ ଟି-ସାର୍ଟ, ଟ୍ରାଉଜର, ସନଗ୍ଲାସ ଏବଂ ଏକ କ୍ୟାପ ପିନ୍ଧିଥିବାର ଦେଖାଯାଉଛି। ହଠାତ୍ ତାଙ୍କର ଦୃଷ୍ଟି କଳା ଟି-ଶର୍ଟ ପିନ୍ଧି ତାଙ୍କ ପଛରେ ଠିଆ ହୋଇଥିବା ବଡିଗାର୍ଡଙ୍କ କାନ୍ଧକୁ ଧରି ଧୀରେ ଧୀରେ ପଛକୁ ଠେଲି ଦିଅନ୍ତି ଏବଂ ତାଙ୍କୁ କିଛି କହୁଥିବାର ଦେଖାଯାଏ। ଏହି ଘଟଣା ପରେ, ସେ ଜଣେ ପ୍ରଶଂସକଙ୍କ ସହ ଫଟୋ ପାଇଁ ପୋଜ ଦିଅନ୍ତି, ତାଙ୍କ ମୁହଁରେ ହସ ଫେରି ଆସିଥାଏ।
ତାଙ୍କ ବଡିଗାର୍ଡ ପ୍ରଶଂସକମାନଙ୍କୁ ରୋହିତଙ୍କ ନିକଟତର ହେବାକୁ ବାରଣ କରୁଥିଲେ। ଏହି କାରଣରୁ ରୋହିତ ତାଙ୍କୁ ଧକ୍କା ଦେଇଥିଲେ ଏବଂ ନିଜେ ପ୍ରଶଂସକଙ୍କ ସହ ଫଟୋ ଉଠାଇବାକୁ ଯାଇଥିଲେ। ପରେ ବିମାନବନ୍ଦରରେ ପ୍ରବେଶ କରିବା ସମୟରେ ରୋହିତ ବଡିଗାର୍ଡଙ୍କ ସହିତ କଥାବାର୍ତ୍ତା କରୁଥିବାର ଦେଖାଯାଇଥିଲା।
ନିକଟରେ ଆଫଗାନିସ୍ତାନ ବିପକ୍ଷ ଦିନିକିଆ ସିରିଜ ସମୟରେ, ରୋହିତ ୧୬, ୪୮ ଏବଂ ୭୬ ରନର ଇନିଂସ ଖେଳିଥିଲେ। ଏବେ, ସେମାନଙ୍କର ଧ୍ୟାନ ୧୪ ଜୁଲାଇରୁ ଆରମ୍ଭ ହେଉଥିବା ଇଂଲଣ୍ଡ ବିପକ୍ଷ ଦିନିକିଆ ସିରିଜ ଉପରେ ରହିବ।
Rohit Sharma’s bodyguard was pushing the fan back and saying something to him. Rohit got angry and told the bodyguard not to treat fans like that. Later, so that the bodyguard wouldn’t feel bad, Rohit called him over and spoke to him kindly.🥹❤️ pic.twitter.com/2gHyXsZ9EY
— 𝐑𝐮𝐬𝐡𝐢𝐢𝐢⁴⁵ (@rushiii_12) June 22, 2026
Dharitri – Odisha’s No.1 Odia Daily
