କ୍ୱାକ୍‌ କାଳ

ବିହାରର ସରନ ଜିଲାରେ ୧୫ ବର୍ଷର ବାଳକ କ୍ରିଷ୍ଣ କୁମାର ବା ଗୋଲୁ ପାକସ୍ଥଳୀରେ ଯନ୍ତ୍ରଣା ଅନୁଭବ କରିବାରୁ ପରିବାର ଲୋକେ ତାଙ୍କୁ ଧର୍ମବାଗି ବଜାରରେ ଥିବା ଏକ ଘରୋଇ କ୍ଲିନିକ୍‌କୁ ନେଇଯାଇଥିଲେ। ସେଠାରେ ଡାକ୍ତରୀ ପାଠ ପଢ଼ି ନ ଥିବା ଅଜିତ କୁମାର ପୁରୀ ଗୋଲୁଙ୍କ ପରୀକ୍ଷା କରି ଜାଣିପାରିଲେ ଯେ ତାଙ୍କ ଗଲ୍‌ ବ୍ଲାଡର ବା ପିତ୍ତକୋଷରେ ପଥର ରହିଛି। ସେ ତାହାକୁ ଅସ୍ତ୍ରୋପଚାର କରି ବାହାର କରିଦେବାକୁ ଚିନ୍ତା କଲେ। ଅସ୍ତ୍ରୋପଚାରକୁ କେହି ଯେମିତି ଜାଣିପାରିବେ ନାହିଁ ଗୋଲୁଙ୍କ ଜେଜେଙ୍କୁ ଅଜିତ ବଜାରରୁ ଡିଜେଲ ଆଣିବା ଲାଗି କହିଥିଲେ। ତା’ ପରେ କ୍ୱାକ୍‌ ଅଜିତ ୟୁଟ୍ୟୁବ୍‌ର ଏକ ଭିଡିଓ ଦେଖି ଗୋଲୁଙ୍କ ଅସ୍ତ୍ରୋପଚାର କରିଥିଲେ। ଅସ୍ତ୍ରୋପଚାର ଶେଷ ହେବା ପରେ ତାଙ୍କ ଅବସ୍ଥା ଅତ୍ୟନ୍ତ ଖରାପ ହୋଇଯିବାରୁ ଗୋଲୁଙ୍କୁ ପାଟନା ହସ୍ପିଟାଲକୁ ନିଆଯାଉଥିଲା। ହେଲେ ବାଟରେ ତାଙ୍କର ମୃତ୍ୟୁ ଘଟିଥିଲା। ମୃତ୍ୟୁ ପରେ ଗୋଲୁଙ୍କ ଜେଜେ କହିଛନ୍ତି, ଅଜିତ ଅସ୍ତ୍ରୋପଚାର କଥା ତାଙ୍କୁ କହି ନ ଥିଲେ। ୟୁଟ୍ୟୁବ୍‌ ଦେଖି ଅସ୍ତ୍ରୋପଚାର କରୁଥିବାରୁ ଜେଜେଙ୍କ ମନରେ ସନ୍ଦେହ ଜାତ ହୋଇଥିଲା ଓ ସେ ପ୍ରତିବାଦ କରିଥିଲେ। କିନ୍ତୁ ସୁଫଳ ମିଳି ନ ଥିଲା। ଇତିମଧ୍ୟରେ ସମ୍ପୃକ୍ତ କ୍ୱାକ୍‌ଙ୍କୁ ଗିରଫ କରାଯାଇଛି। ଏହି ଘଟଣାକୁ ଦେଖିଲେ ଅଜିତ ଅସ୍ତ୍ରୋପଚାର କ୍ଷେତ୍ରରେ ତାଙ୍କ ପ୍ରଥମ ଅଭିଜ୍ଞତା ପାଇବା ପାଇଁ ସମ୍ଭବତଃ ୟୁଟ୍ୟୁବ୍‌ ସାହାରା ନେଇଛନ୍ତି। ଯେତେବେଳେ ସ୍ଥିତି ଅସମ୍ଭାଳ ହୋଇପଡ଼ିଲା, ସେ ଘାବରେଇ ଗଲେ। ଉଲ୍ଲେଖଯୋଗ୍ୟ ଯେ, ୟୁଟ୍ୟୁବ୍‌ରେ ମିଳୁଥିବା ସବୁ ଭିଡିଓରୁ ଠିକ୍‌ ତଥ୍ୟ ମିଳି ନ ଥାଏ। ଡାକ୍ତରୀ ଯୋଗ୍ୟତା ହାସଲ କରିଥିବା ବ୍ୟକ୍ତି ଅସ୍ତ୍ରୋପଚାର କରିବା ବେଳେ ସର୍ବାଧିକ ସତର୍କତା ଅବଲମ୍ବନ କରି ରୋଗୀଙ୍କ ଜୀବନ ବଞ୍ଚାଇ ଥାଆନ୍ତି। ୟୁଟ୍ୟୁବ୍‌ ଦେଖି ଅସ୍ତ୍ରୋପଚାର କରାଯାଉଥିବା ବିଷୟ ଶୁଣିଲା ବେଳକୁ ଆଶ୍ଚର୍ଯ୍ୟ ଲାଗୁଛି।
କେବଳ ବିହାରର ସରନ ଅଞ୍ଚଳ ନୁହେଁ, ଓଡ଼ିଶା ସମେତ ଦେଶର ବିଭିନ୍ନ ପ୍ରାନ୍ତରେ କ୍ୱାକ୍‌ଙ୍କ ଦ୍ୱାରା ଅନେକ ରୋଗୀ ଠକାମିର ଶିକାର ହେଉଥିବା ବେଳେ ସେମାନଙ୍କ ମଧ୍ୟରୁ କେତେକଙ୍କ ପ୍ରାଣହାନି ଘଟୁଥିବା ଖବର ବାରମ୍ବାର ଶୁଣିବାକୁ ମିଳୁଛି। ନିକଟରେ ବଳାଙ୍ଗୀର ଜିଲା ସିନ୍ଧିକେଲା ଅଞ୍ଚଳରେ ଜଣେ ବାଳିକାଙ୍କ ଖପୁରିରେ କ୍ୱାକ୍‌ ଜଣଙ୍କ ୨୨ଟି ଛୁଞ୍ଚତ୍ ଫୋଡ଼ାଇ ରଖିଥିଲେ। ଫଳରେ ତାଙ୍କ ସ୍ବାସ୍ଥ୍ୟାବସ୍ଥା ବିଗିଡ଼ିଯାଇଥିଲା। ପରେ ତାଙ୍କୁ ଭୀମଭୋଇ ମେଡିକାଲ କଲେଜ ଆଣ୍ଡ୍‌ ହସ୍ପିଟାଲରେ ଭର୍ତ୍ତି କରାଯିବାରୁ ଖବର ପଦାକୁ ଆସିଥିଲା। ଏଭଳି ଘଟଣା ବାରମ୍ବାର ଘଟୁଥିଲେ ମଧ୍ୟ କ୍ୱାକ୍‌ ଚିକିତ୍ସା ବନ୍ଦ କରାଯାଇପାରୁ ନାହିଁ। ୨୦୦୮ ମସିହାରେ ଦେଶରେ ବଡ଼ ଧରଣର କିଡ୍‌ନୀ ର଼୍ୟାକେଟ ଧରାପଡ଼ିଥିଲା। ନୂଆଦିଲ୍ଲୀ ନିକଟ ଗୁରଗାଓଁରେ ଠାବ କରାଯାଇଥିବା ଉକ୍ତ ର଼୍ୟାକେଟର କିଙ୍ଗପିନ୍‌ ଥିଲେ ଅମିତ କୁମାର। ସେଥିରେ ଡାକ୍ତରୀ ଡିଗ୍ରୀ ନ ଥିବା ଅସଂଖ୍ୟ ବ୍ୟକ୍ତି ସମ୍ପୃକ୍ତ ଥିଲେ। ଦେଶବ୍ୟାପୀ ଆଲୋଡ଼ନ ସୃଷ୍ଟି ହେବା ପରେ କେନ୍ଦ୍ର ସରକାର ବିଧିବଦ୍ଧ ଆଇନ ଆଣିବାକୁ ଚେଷ୍ଟା କରିଥିଲେ। କ୍ୱାକ୍‌ ବିରୋଧୀ ବିଲ୍‌କୁ ନେଇ ତର୍ଜମା କରାଯାଇଥିଲା। ପରବର୍ତ୍ତୀ ସମୟରେ ଅଣାଯାଇଥିବା ଆଇନରେ ଡାକ୍ତରୀ ଡିଗ୍ରୀ ନ ଥାଇ ଯେଉଁମାନେ ପ୍ରାକ୍ଟିସ୍‌ କରୁଥିବାର ବୋଲି ଧରାପଡ଼ିବେ, ସେମାନଙ୍କୁ ୧ ବର୍ଷ ଜେଲ ସହ ହଜାରେ ଟଙ୍କା ଜରିମାନା ବ୍ୟବସ୍ଥା ରଖାଯାଇଥିଲା। ଏଭଳି ଭୟଙ୍କର ଅପରାଧ ପାଇଁ କମ୍‌ ଦଣ୍ଡାଦେଶ ଥିବାରୁ ଭାରତୀୟ ମେଡିକାଲ ସଂଘ ତାହାକୁ ବିରୋଧ କରିଥିଲା। ଅନୁରୂପ ଭାବେ ଓଡ଼ିଶା ହାଇକୋର୍ଟ ରାଜ୍ୟର ପ୍ରତି ଜିଲାରେ କ୍ୱାକ୍‌ ବିରୋଧୀ ସେଲ୍‌ ଗଠନ କରିବା ଲାଗି ସରକାରଙ୍କୁ ନିର୍ଦ୍ଦେଶ ଦେଇଥିଲେ। ସରକାର ଜିଲାଓ୍ବାରୀ ସେଲ୍‌ ଗଠନ କରିଥିଲେ ମଧ୍ୟ ତାହାର ସୁଫଳ ମିଳିପାରୁ ନାହିଁ।
ଦେଖିବାକୁ ଗଲେ ସରକାର ହୁଅନ୍ତୁ କିମ୍ବା ଆଇନ ଦ୍ୱାରା ଏଭଳି ବେଆଇନ କାର୍ଯ୍ୟକୁ ରୋକିବା କଷ୍ଟକର। ତେଣୁ ଜନସାଧାରଣ ସଚେତନ ହେବା ଦରକାର। ଅନେକ ସମୟରେ ସରକାରୀ ବିଜ୍ଞାପନ ମାଧ୍ୟମରେ କ୍ୱାକ୍‌ଙ୍କଠାରୁ ଦୂରେଇ ରହିବା ପାଇଁ କୁହାଯାଉଛି। ଦେଶର ଅପହଞ୍ଚ ଇଲାକାରେ ଯେ ଏସବୁ ଘଟୁଛି ତାହା ନୁହେଁ, ଡାକ୍ତରୀ ସୁବିଧା ଥିବା ଅଞ୍ଚଳରେ ମଧ୍ୟ କିଛି ଲୋକ ନିକଟସ୍ଥ କ୍ୱାକଙ୍କ ପାଖକୁ ଚାଲିଯାଉଛନ୍ତି। ଫଳରେ ସେମାନେ ରୋଗୀଙ୍କ ପାଇଁ କାଳ ସାଜୁଛନ୍ତି। ଏଭଳି ସ୍ଥଳେ ବ୍ୟାପକ ସଚେତନତା ସୃଷ୍ଟି କରାଯାଇ ଲୋକେ କିଭଳି କ୍ୱାକ୍‌ଙ୍କଠାରୁ ଦୂରେଇ ରହିବେ ସେଦିଗରେ ସଘନ ପ୍ରୟାସ ହେଉ। ନ ହେଲେ ଡିଗ୍ରୀବିହୀନ ଠକ ଡାକ୍ତରଙ୍କ ସଂଖ୍ୟା ବଢ଼ିଚାଲୁଥିବ।


Enter your email to get our daily news in your inbox.

All Right Reserved By Dharitri.Com

ସୋନିଆ ଗାନ୍ଧୀଙ୍କ ଇଟାଲୀସ୍ଥିତ ଘର ହେବ ସଂଗ୍ରହାଳୟ; ମାଲିକ ସୁଖଦେବ ସିଂହ କାଙ୍ଗ କଲେ ବଡ଼ ଘୋଷଣା

ଇଟାଲୀ,୨୧ା୧୧: କଂଗ୍ରେସ ନେତ୍ରୀ ସୋନିଆ ଗାନ୍ଧୀଙ୍କ ପିଲାଦିନର ଘରକୁ ନେଇ ଇଟାଲୀରୁ ଏକ ରୋଚକ କଥା ସାମ୍ନାକୁ ଆସିଛି। ଇଟାଲୀରେ ରହୁଥିବା ଶିଖ୍ ବ୍ୟବସାୟୀ ସୁଖଦେବ ସିଂହ…

ୟେମେନ୍‌ରେ ଏୟାରଷ୍ଟ୍ରାଇକ୍‌: ୪୧ ମୃତ

ସାନା/ ରିୟାଦ,୨୧ା୧୧: ସାଉଦି ଆରବ ଗତ ୨୪ ଘଣ୍ଟା ମଧ୍ୟରେ ୟେମେନ୍‌ର ବିଭିନ୍ନ ସ୍ଥାନରେ କରିଥିବା ଏୟାରଷ୍ଟ୍ରାଇକ୍‌ରେ ୧୧ ପିଲା ଓ ୭ ମହିଳାଙ୍କ ସମେତ ଅନୂ୍ୟନ…

ତାମିଲନାଡୁରେ ଚାଞ୍ଚଲ୍ୟ: ଟ୍ରେନ୍‌ରେ ମହିଳାଙ୍କୁ ବଳାତ୍କାର ପରେ ହତ୍ୟା

ଚେନ୍ନାଇ,୨୧ା୧୧: ତାମିଲନାଡୁର କନ୍ୟାକୁମାରୀ ଜିଲା ଅନ୍ତର୍ଗତ ନାଗେରକଏଲ ରେଲ୍‌ଓ୍ବେ ୟାର୍ଡରେ ଗତ ୧୩ ତାରିଖରେ ଏକ ଅବ୍ୟବହୃତ ଟ୍ରେନ୍‌ ବଗିରୁ ଜଣେ ୫୪ ବର୍ଷୀୟ ମହିଳାଙ୍କ ମୃତଦେହ…

ପୁଣି ତେଜିଲା ଓଡ଼ିଶା-ଆନ୍ଧ୍ର ସୀମା ବିବାଦ: କୋଟିଆର ତଳ ଗଞ୍ଜେଇପଦର ପାଇଁ ଆନ୍ଧ୍ରରେ ପ୍ରାର୍ଥୀପତ୍ର ଦାଖଲ କଲେ ଦୁଇ ପ୍ରାର୍ଥୀ

ପଟ୍ଟାଙ୍ଗି,୨୧।୧୧(ଶରତ କୁମାର ଧଳ): କୋରାପୁଟ ଜିଲା ପଟ୍ଟାଙ୍ଗି ବ୍ଲକ ଅନ୍ତର୍ଗତ ବିବାଦୀୟ କୋଟିଆ ପଞ୍ଚାୟତର ତଳ ଗଞ୍ଜେଇପଦର ଗ୍ରାମ ପାଇଁ ଦୁଇ ଜଣ ସରପଞ୍ଚ ପ୍ରାର୍ଥୀ ନାମାଙ୍କନ…

‘ଅକ୍ୱାନ’ ବର୍ଷାରେ ଉଜୁଡ଼ି ଗଲା ପାଚିଲା ଧାନ, ଚିନ୍ତାରେ ଚାଷୀ

ଦିଗପହଣ୍ଡି,୨୧।୧୧(ଅଶେଷ ନାଥ ମିଶ୍ର): ବାତ୍ୟା ‘ଅକ୍ୱାନ’ ପ୍ରଭାବରେ ଲଗାଣ ବର୍ଷା ଯୋଗୁ ଗଞ୍ଜାମ ଜିଲା ଦିଗପହଣ୍ଡି ସହର ସମେତ ଗ୍ରାମାଞ୍ଚଳର ଶହ ଶହ ଏକର ପାଚିଲା ଧାନ…

Kartik Purnima 2026: ସ୍ନାନ-ଦାନଠାରୁ ଆରମ୍ଭ କରି ଦୀପଦାନ ପର୍ଯ୍ୟନ୍ତ, ଏହି ଦିନ ନିଶ୍ଚୟ କରନ୍ତୁ ଏହି ୫ଟି ଶୁଭ କାର୍ଯ୍ୟ!

କାର୍ତ୍ତିକ ମାସ ଶୁକ୍ଳ ପକ୍ଷ ପୂର୍ଣ୍ଣିମା ତିଥିରେ ପାଳିତ ହେଉଥିବା କାର୍ତ୍ତିକ ପୂର୍ଣ୍ଣିମାକୁ ହିନ୍ଦୁ ଧର୍ମରେ ଅତ୍ୟନ୍ତ ପବିତ୍ର ଓ ମହତ୍ତ୍ୱପୂର୍ଣ୍ଣ ମନେ କରାଯାଏ। ସ୍ନାନ, ଦାନ,…

ତୃତୀୟ ଦିନ ଖେଳ ଶେଷ ସୁଦ୍ଧା ଭାରତ ୪୮୬/୪

ଓ୍ବେଲିଂଟନ,୨୧।୧୧: ଲୋକେଶ ରାହୁଲଙ୍କ ଶତକ ଏବଂ ଅଧିନାୟକ ଶୁବମନ ଗିଲଙ୍କ ୯୮ ରନର ଇନିଂସ ବଳରେ ଏଠାରେ ନ୍ୟୁଜିଲାଣ୍ଡ ବିପକ୍ଷରେ ଚାଲିଥିବା ପ୍ରଥମ ଟେଷ୍ଟ କ୍ରିକେଟ ମ୍ୟାଚ୍‌ରେ…

ନାବାଳିକା ବଳାତ୍କାରୀଙ୍କୁ ମିଳିଲା ଏହି ଦଣ୍ଡ, ଜାଣନ୍ତୁ…

ବ୍ରହ୍ମପୁର,୨୧ା୧୧(ସୁବାସ ଚନ୍ଦ୍ର ପାଢ଼ୀ): ଗଞ୍ଜାମ ଜିଲା ତାରସିଂ ଥାନା ଅଞ୍ଚଳର ଏକ ନାବାଳିକା ବଳାତ୍କାର ମାମଲାର ବିଚାର କରି ଫାଷ୍ଟ ଟ୍ରାକ୍‌ ପୋକ୍‌ସୋ ଜଜ୍‌ ରୋହିତ ଲାଲ…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?