Advertisement

ବିପଦ ବଢ଼ାଉଛି ବିଦ୍ୟୁତ୍‌ ଫାଶ

ଖମାର,୧୯ା୧୧ (ଡି.ଏନ.ଏ.): ଜନ୍ତୁ ଶିକାର ପାଇଁ ଜଙ୍ଗଲରେ ବିଛାଯାଉଛି ବିଦ୍ୟୁତ୍‌ ତାର। ଶିକାରୀଙ୍କ ବିଦ୍ୟୁତ୍‌ ଫାଶରେ ପଡ଼ି ପ୍ରାଣ ହରାଉଛନ୍ତି ବନ୍ୟଜନ୍ତୁ। କୁଟୁରା, ବାର୍‌ହା, ଶମ୍ବର ଆଦି ଜଙ୍ଗଲୀ ଜନ୍ତୁଙ୍କ ପାଇଁ ବସାଯାଉଥିବା ଏହି ବିଦ୍ୟୁତ୍‌ ଫାଶ ଅନେକ ସମୟରେ ଐତିହ୍ୟ ପ୍ରାଣୀ ହାତୀ ପାଇଁ ମଧ୍ୟ ବିପଦ ସାଜୁଛି। ବେଳେ ବେଳେ ମଣିଷ ବି ଆଘାତପ୍ରାପ୍ତ ହେଉଛି। ଅନୁଗୋଳ ଜିଲା ଖମାର ବନାଞ୍ଚଳରେ ଏପରି ଭାବେ ଶିକାରୀ ସକ୍ରିୟ ଥିଲେ ବି ନୀରବ ବସିଛି ବନ ବିଭାଗ। ଫଳରେ ବଢ଼ୁଥିବା ବିଦ୍ୟୁତ୍‌ ବିପଦ ଯୋଗୁ ଜଙ୍ଗଲକୁ ଯିବାକୁ ଭୟ କରୁଛନ୍ତି ଅଞ୍ଚଳବାସୀ।
ଦେବଗଡ଼ ବନଖଣ୍ଡ ଅଧୀନରେ ରହିଛି ଅନୁଗୋଳ ଜିଲା ଖମାର ରେଞ୍ଜ। ଏହି ରେଞ୍ଜରେ ଅଛି ଖମାର, ନୂଆଗାଁ ଓ ସହର ଗୁରୁଜାଙ୍ଗ ବିଟ୍‌। ଏଠାରେ ୩ ଫରେଷ୍ଟରଙ୍କ ସହ କର୍ମଚାରୀ ନିଯୁକ୍ତି ପାଇଛନ୍ତି। ହେଲେ ଜଙ୍ଗଲ ଓ ଜଙ୍ଗଲୀ ଜନ୍ତୁଙ୍କୁ ଉପଯୁକ୍ତ ସୁରକ୍ଷା ମିଳିପାରୁ ନ ଥିବା ଅଭିଯୋଗ ହେଉଛି। ଏପରି କି ରେଞ୍ଜରେ ଥିବା ବିଭିନ୍ନ ଜଙ୍ଗଲରେ ଶିକାରୀମାନଙ୍କ ପ୍ରାଦୁର୍ଭାବ ବଢ଼ିବାରେ ଲାଗିଛି। ବିଦ୍ୟୁତ୍‌ ତାର ବିଛାଇ ଏମାନେ ବନ୍ୟଜନ୍ତୁ ଶିକାର କରୁଥିବା ବହୁଳ ଭାବେ ଦେଖିବାକୁ ମିଳୁଛି। କିନ୍ତୁ ବନ ବିଭାଗ ପକ୍ଷରୁ ନିୟମିତ ଚଢ଼ାଉ କରାଯାଉ ନ ଥିବାରୁ ଧୀରେ ଧୀରେ ଶିକାରୀମାନେ ଗ୍ରାମାଞ୍ଚଳ ଜଙ୍ଗଲଗୁଡ଼କୁ ମଧ୍ୟ ଟାର୍ଗେଟ୍‌ କରୁଛନ୍ତି। ଫଳରେ ଧାନ, ଆଖୁ ଓ ପରିବା ଫସଲ ଖାଇବାକୁ ଗ୍ରାମାଭିମୁଖୀ ହେଉଥିବା ହାତୀ ଏହି ବିଦ୍ୟୁତ୍‌ ତାର ସଂସ୍ପର୍ଶରେ ଆସି ପ୍ରାଣ ହରାଉଥିବା ଅନେକ ସମୟରେ ଦେଖିବାକୁ ମିଳୁଛି। ସେହିପରି ଗଁା ନିକଟ ଜଙ୍ଗଲକୁ ଯାଉଥିବା ସ୍ଥାନୀୟ ଲୋକଙ୍କ ପାଇଁ ମଧ୍ୟ ଏହି ବିଦ୍ୟୁତ୍‌ ଫାଶ ଭୟର କାରଣ ହୋଇଛି। ଏହାଛଡ଼ା ଏହି ଫାଶ ଯୋଗୁ ଗଁା ଗୁଡ଼ିକରେ ବିଦ୍ୟୁତ୍‌ ବିଭ୍ରାଟ ଘଟୁଛି। ଏ ନେଇ ରେଞ୍ଜ ଅଞ୍ଚଳର ଜନସାଧାରଣଙ୍କ ମଧ୍ୟରେ ଅସନ୍ତୋଷ ଦେଖାଦେଇଛି। କାଠ ମାଫିଆ ଓ ଶିକାରୀଙ୍କୁ ଧରିବାକୁ ସେମାନେ ବାରମ୍ବାର କର୍ତ୍ତୃପକ୍ଷଙ୍କ ଦୃଷ୍ଟି ଆକର୍ଷଣ କରୁଛନ୍ତି। ହେଲେ ବନ ବିଭାଗ ପକ୍ଷରୁ ଦୃଢ଼ ପଦକ୍ଷେପ ନିଆଯାଉ ନାହିଁ। ଏପରି କି ଜଙ୍ଗଲରେ ପାଟ୍ରୋଲିଂକୁ କଡ଼ାକଡ଼ି କରାଯାଉ ନାହିଁ। କାଠ ମାଫିଆ କି ଶିକାରୀଙ୍କ ଗତିବିଧି ଉପରେ ନଜର ରଖିବା ଦିଗରେ ଆଗ୍ରହ ପ୍ରକାଶ କରାଯାଉ ନ ଥିବା ଅଞ୍ଚଳବାସୀ ଅଭିଯୋଗ କରୁଛନ୍ତି।

ଖୋଲାରେ ବିକ୍ରି ହେଉଛି ବନ୍ୟଜନ୍ତୁ ମାଂସ
ଶିକାରୀମାନେ ଜଙ୍ଗଲରେ ନିୟମିତ ବିଦ୍ୟୁତ୍‌ ଫାଶ ବସାଇ ବନ୍ୟଜନ୍ତୁ ଶିକାର କରୁଛନ୍ତି। ଏହାର ମାଂସ ଖୋଲାଖୋଲି ବିକ୍ରି କରୁଛନ୍ତି। ହେଲେ ବନ ବିଭାଗ ପକ୍ଷରୁ ସେମାନଙ୍କୁ ଧରାଯାଉ ନାହିଁ କି କଠୋର ଦଣ୍ଡରେ ଦଣ୍ଡିତ କରାଯିବା ଦିଗରେ ପଦକ୍ଷେପ ନିଆଯାଉ ନାହିଁ।
-ବଳରାମ ସାହୁ, ଶଙ୍ଖମୁର

ଗ୍ରାମାଞ୍ଚଳରେ ହେଉଛି ବିଦ୍ୟୁତ୍‌ ବିଭ୍ରାଟ
ଶିକାରୀମାନେ ବିଛାଉଥିବା ବିଦ୍ୟୁତ୍‌ ତାର ପାଇଁ ଅନେକ ସମୟରେ ଗଁାଗୁଡ଼ିକରେ ବିଦ୍ୟୁତ୍‌ ବିଭ୍ରାଟ ଦେଖାଦେଉଛି। ଏହାକୁ ଠିକ୍‌ କରିବାକୁ ଜଙ୍ଗଲକୁ ଯାଉଥିବା କର୍ମଚାରୀଙ୍କ ଜୀବନ ପ୍ରତି ବିପଦ ଦେଖାଦେଉଛି। ବନ ବିଭାଗର ଏ ନୀରବତା ଆଗକୁ ଅଧିକ ବିପଦ ସୃଷ୍ଟି କରିବ।
-ଗୋପବନ୍ଧୁ ସାହୁ, ଓଡସ

ଶିକାରୀଙ୍କୁ ଧରିବାକୁ ଉଦ୍ୟମ କରାଯାଉଛି
ବିଦ୍ୟୁତ୍‌ ବିଭାଗ ଓ ବନ ବିଭାଗ ମିଳିତ ଭାବେ ପାଟ୍ରୋଲିଂ କରୁଛନ୍ତି। ଶିକାରୀଙ୍କୁ ଧରିବା ପାଇଁ ଚେଷ୍ଟା କରାଯାଉଛି। ବିଦ୍ୟୁତ୍‌ ତାର ଦ୍ୱାରା ବନ୍ୟଜନ୍ତୁ ଶିକାର ନେଇ ଏଯାବତ ବଳିଷ୍ଠ ପ୍ରମାଣ ମିଳିନାହିଁ। ସେଥିପାଇଁ କାହାରିକୁ ଗିରଫ କରାଯାଇ ନାହିଁ। ଆଗକୁ ଚଢ଼ାଉକୁ ଜୋର୍‌ଦାର କରାଯିବ।
-ଚନ୍ଦ୍ରଶେଖର ଗଡ଼ନାୟକ, ରେଞ୍ଜର, ଖମାର


Enter your email to get our daily news in your inbox.

All Right Reserved By Dharitri.Com

କରୋନା କଟକଣା ଭିତରେ ଜି.ଉଦୟଗିରିରେ ଉଡିଲା ତ୍ରିରଙ୍ଗା

ଜି.ଉଦୟଗିରି,୧୫।୮(ଡି.ଏନ୍‌.ଏ.): କନ୍ଧମାଳ ଜିଲା ଜି.ଉଦୟଗିରି ହବାକ ହାଇସ୍କୁଲ ଖେଳ ପଡିଆରେ ଶନିବାର ନିରାଡ଼ମ୍ବର ଭାବେ ସ୍ବାଧୀନତା ଦିବସ ପାଳିତ ହୋଇଯାଇଛି। ସ୍ଥାନୀୟ ବିଡିଓ ତଥା ଭାରପ୍ରାପ୍ତ...

ଆଖଣ୍ଡଳମଣି ମନ୍ଦିରରେ ସାଧାରଣ ଦର୍ଶନ ବନ୍ଦ

ଆରଡ଼ି,୨।୫(ଡି.ଏନ୍‌.ଏ.): ରାଜ୍ୟରେ କରୋନା ସଂକ୍ରମଣ ବଢ଼ିବାରେ ଲାଗିଛି। ଏହାକୁ ଦୃଷ୍ଟିରେ ରଖି ଭଦ୍ରକ ଜିଲା ପ୍ରଶାସନ ବାବା ଆଖଣ୍ଡଳମଣିଙ୍କ ମନ୍ଦିରକୁ ଶନିବାର ସନ୍ଧ୍ୟାଠାରୁ ଅନିର୍ଦ୍ଦିଷ୍ଟ କାଳ...

ଚିକିତ୍ସାରେ ଅର୍ଥାଭାବ, ବିଛଣାରେ ରୋଗାକ୍ରାନ୍ତ

ଅମରପାଲି,୩୦ା୧୧(ଡି.ଏନ.ଏ.): ସୁବର୍ଣ୍ଣପୁର ଜିଲା ବୀରମହାରାଜପୁର ବ୍ଲକ ବହଳପଦର ପଞ୍ଚାୟତ ଅନ୍ତର୍ଗତ ଚିଙ୍ଗିରାନାଲି ଗ୍ରାମରେ ପଞ୍ଚାନନ ଛତ୍ରିଆ(୫୫)। ଏବେ ସେ ଅଜଣା ରୋଗରେ ଆକ୍ରାନ୍ତ। ଗତ ଦେଢ...

ଟ୍ରେନ୍‌ରୁ ଖସି ପଡ଼ି କଟିଲା ଗୋଡ଼

ଧର୍ମଶାଳା,୫ା୧୦(ଡି.ଏନ୍‌.ଏ.): ଧର୍ମଶାଳା ବ୍ଲକ ଅନ୍ତର୍ଗତ ଗଡ଼ମଧୁପୁର ଷ୍ଟେଶନ ନିକଟରେ ଶୁକ୍ରବାର ଟ୍ରେନ୍‌ରୁ ଖସିପଡି ଜଣେ ବ୍ୟକ୍ତିଙ୍କ ୨ ଗୋଡ କଟିଯାଇଛି। ସେ ହେଉଛନ୍ତି ଧର୍ମଶାଳା ବ୍ଲକ...

ସଂରକ୍ଷିତ ଜଙ୍ଗଲରେ ଶିକାରୀ ସକ୍ରିୟ

ଢେଙ୍କାନାଳ ଅଫିସ, ୨୮।୧୧ – ସଂରକ୍ଷିତ ଜଙ୍ଗଲରେ ଗର୍ଜୁଛି ବନ୍ଧୁକ। ବିଦ୍ୟୁତ୍‌ ଫାଶରେ ପଡ଼ି ବନ୍ୟଜନ୍ତୁ ପଡୁଛନ୍ତି ମୃତ୍ୟୁମୁଖରେ। ମାଂସ, ଚମଡ଼ା, ଦାନ୍ତ ଲୋଭରେ ଶିକାରୀମାନେ ଅବାଧ...

ଗାଁକୁ ଫେରିଲା ଦାଦନ ଶ୍ରମିକଙ୍କ ମୃତଦେହ

କୋକସରା,୫।୧୧(ଡି.ଏନ୍‌.ଏ.): କଳାହାଣ୍ଡି ଜିଲା କୋକସରା ବ୍ଲକ ମୂଷାପାଳି ପଞ୍ଚାୟତ ବଗଡିଆପଡ଼ାର ଜୟଲାଲ ରାଉତଙ୍କ ପୁଅ ଚନ୍ଦ୍ରମଣି ରାଉତ(୨୭) ଗତ ସପ୍ତାହରେ ଆନ୍ଧ୍ରପ୍ରଦେଶ ନିଜାମାବାଦକୁ ଦାଦନ ଖଟିବାକୁ...

ଆଗରୁ ପଢ଼ାଉଥିଲେ, ଏବେ କାଢ଼ି ନେବେ

ଫୁଲବାଣୀ ଅଫିସ, ୫ା୬- କନ୍ଧମାଳ ଜିଲାରେ ଅନ୍ବେଷା ଯୋଜନାରେ ବ୍ୟାପକ ଜାଲିଆତି ଚାଲିଛି। ୩ ବର୍ଷ ଧରି ଜିଲା ମଙ୍ଗଳ ବିଭାଗ ପକ୍ଷରୁ ସରକାରୀ ଗାଇଡ...

କୃତ୍ରିମ ଗୋଡ଼ ଲଗାଇବା ପାଇଁ ଆସିଥିଲେ ଦିବ୍ୟାଙ୍ଗ: ମିଳିଲା ମୃତଦେହ

କଣ୍ଟାପଡ଼ା, ୧୪।୧୦(ଡି.ଏନ୍‌.ଏ.)- କଟକ ଜିଲା ଓଲଟପୁରସ୍ଥିତ ଏସ୍‌.ଭି.ନିର୍‌ତାର ଦିବ୍ୟାଙ୍ଗ ସ୍ବାସ୍ଥ୍ୟ ଓ ଗବେଷଣା ପ୍ରତିଷ୍ଠାନରେ ଗୁରୁବାର ଏକ ଅଭାବନୀୟ ଘଟଣା ଘଟିଛି। ନିର୍ମାଣାଧୀନ ଏକ ୱାର୍ଡ...

Advertisement
Archives

Model This Week