ଦିଗପହଣ୍ଡି,୫ା୮(ଡି.ଏନ.ଏ.): ଗଞ୍ଜାମ ଜିଲା ଦିଗପହଣ୍ଡି ବ୍ଳକ୍ରେ ବିଦ୍ୟୁତ୍ ବିଭ୍ରାଟ ସମସ୍ୟା ଦିନକୁ ଦିନ ବୃଦ୍ଧି ପାଉଛି। ବ୍ଳକ୍ର ବିଭିନ୍ନ ଅଞ୍ଚଳରେ ଅଘୋଷିତ ବିଦ୍ୟୁତ୍ କାଟ୍ ହେଉଛି। ଗୁରୁବାର ଦିଗପହଣ୍ଡି ବ୍ଳକ୍ର ଭୀଷ୍ମଗିରି ଫିଡର୍ ଅଧୀନରେ ଥିବା ଭୀଷ୍ମଗିରି, ଏସ୍.ଟିକରପଡା ଓ ଗଜପତି ଜିଲା ଢେପାଗୁଡା ପଞ୍ଚାୟତର ୨୪ଟି ଗାଁକୁ ବିଦ୍ୟୁତ୍ ସେବା ବିଛିନ୍ନ କରାଯାଇଥିଲା। ପୂର୍ବରୁ କୌଣସି ସୂଚନା ଦିଆ ନ ଯାଇ ଦିନତମାମ୍ ବିଦ୍ୟୁତ୍ ବିଛିନ୍ନ କରିଥିବା ଯୋଗୁ ଲୋକେ ସମସ୍ୟାର ସମ୍ମୁଖୀନ ହେବା ସହ ଅସନ୍ତୋଷ ଦେଖାଦେଇଛି। ଏ ସମ୍ପର୍କରେ ସମ୍ପୃକ୍ତ ଏସ୍ଡିଓ, କନିଷ୍ଠ ଯନ୍ତ୍ରୀ ଓ ଲାଇନ୍ ମ୍ୟାନ୍କୁ ପଚାରିବାକୁ ଉଦ୍ୟମ କରିଥିଲେ ମଧ୍ୟ କେହି ଫୋନ୍ ଉଠାଇ ନ ଥିଲେ।
