ଭୁବନେଶ୍ୱର, ୪।୫(କ୍ରୀଡ଼ା ପ୍ରତିନିଧି)-
ରାଜ୍ୟର ଅଗ୍ରଣୀ ପ୍ରଶିକ୍ଷଣ ପ୍ରତିଷ୍ଠାନ ଏସ୍ଆର ଚେସ୍ ସେଣ୍ଟର ଆନୁକୂଲ୍ୟରେ ଆୟୋଜିତ ୨୭ତମ ଅନ୍ଲାଇନ୍ ଚେସ୍ରେ ଲୋୟଲା ସ୍କୁଲର ଆରିନ ଅନ୍ବେଷ ସ୍ବାଇଁ ଚାମ୍ପିୟନ ହୋଇଛନ୍ତି। ୬ ରାଉଣ୍ଡ ବିଶିଷ୍ଟ ପ୍ରତିଯୋଗିତାରେ ସେ ୫.୫ ପଏଣ୍ଟ ହାସଲ କରିଛନ୍ତି। ୫ ପଏଣ୍ଟ ସହ ରବୀନ୍ଦ୍ର ଓଝା ରନର୍ସଅପ୍ ହୋଇଛନ୍ତି। ୪.୫ ପଏଣ୍ଟ ପାଇଥିବା ଲକ୍ଷ୍ମୀକାନ୍ତ ସାହୁ ତୃତୀୟ ସ୍ଥାନ ଅଧିକାର କରିଛନ୍ତି। ବିଭିନ୍ନ ବୟସ ବର୍ଗରେ ଜ୍ୟୋତ୍ସ୍ନାଭ ତାଲୁକଦାର, ଧୀର ଚାଓ୍ବଲା, ସଞ୍ଜୟ ପଟ୍ଟନାୟକ, ଶୁଭମ୍ ପ୍ରତୀକ ମିଶ୍ର, ସିଦ୍ଧାର୍ଥ ମିଶ୍ର, ଦେବପ୍ରୀତ ମିଶ୍ର, ଅଭିଷେକ ଦାଶ, ଅଦିତି ମହାରଣା ପ୍ରମୁଖ ଉଲ୍ଲେଖନୀୟ ପ୍ରଦର୍ଶନ କରିଛନ୍ତି। ଏସ୍ଆର୍ ଚେସ୍ ସେଣ୍ଟରର ସମ୍ପାଦକ ସତ୍ୟରଞ୍ଜନ ପଟ୍ଟନାୟକ ଏବଂ କୋଚ୍ ସତ୍ୟଜିତ ପଟ୍ଟନାୟକଙ୍କ ତତ୍ତ୍ୱାବଧାନରେ ଟୁର୍ନାମେଣ୍ଟ ଅନୁଷ୍ଠିତ ହୋଇଥିଲା।
