ଭୁବନେଶ୍ୱର,୧୪।୩(ସ୍ପୋର୍ଟ୍ସ ବ୍ୟୁରୋ): ଏଠାରେ ଚାଲିଥିବା ଓଡ଼ିଶା ଓମେନ୍ସ ଫୁଟ୍ବଲ ଲିଗ୍ରେ ଶନିବାର ଖେଳାଯାଇଥିବା ମ୍ୟାଚ୍ଗୁଡିକରେ ଓଡ଼ିଶା ପୋଲିସ୍, ଇଷ୍ଟକୋଷ୍ଟ ରେଲଓ୍ବେ ଓ ରାଇଜିଂ ଷ୍ଟୁଡେଣ୍ଟ ବିଜୟ ହାସଲ କରିଛନ୍ତି।
କ୍ୟାପିଟାଲ ଗ୍ରାଉଣ୍ଡରେ ଖେଳାଯାଇଥିବା ଲିଗ୍ର ୧୩ ନମ୍ବର ମ୍ୟାଚ୍ରେ ଓଡ଼ିଶା ପୋଲିସ ୧-୦ ଗୋଲରେ ଓଜିପି କ୍ଲବ୍କୁ ପରାସ୍ତ କରିଛି। ମ୍ୟାଚ୍ ୩୦ତମ ମିନିଟ୍ରେ ଜାସମିନ ସମାଦ ଏକମାତ୍ର ଗୋଲ ପ୍ରଦାନ କରିଥିଲେ। ମନୀଷା ନାଏକଙ୍କୁ ପ୍ଲେୟର ଅଫ୍ ଦି ମ୍ୟାଚ୍ ବିବେଚିତ କରାଯାଇଥିଲା। ଜ୍ୟୋତିରଞ୍ଜନ ସ୍ବାଇଁ, ଚନ୍ଦ୍ରକାନ୍ତ ବାରିକ, ସୁଲତାନା ପରବୀନ, ବିଚିତ୍ର ପ୍ରଧାନ ଓ ଦୁର୍ଗାମାଧବ ନାଏକ ମ୍ୟାଚ୍ ପରିଚାଳନା କରିଥିଲେ।
ସେହିପରି ୧୪ ନମ୍ବର ମ୍ୟାଚ୍ରେ ଇଷ୍ଟକୋଷ୍ଟ ରେଲଓ୍ବେ ୧-୦ ଗୋଲରେ ସ୍ପୋଟର୍ସ ହଷ୍ଟେଲକୁ ପରାସ୍ତ କରିଛି। ରେଲଓ୍ବେ ତରଫରୁ ପ୍ରଥମ ମିନିଟ୍ରେ ସରୋଜିନୀ ତିର୍କୀ ଗୋଲ ସ୍କୋର କରି ପ୍ଲେୟର ଅଫ୍ ଦି ମ୍ୟାଚ୍ ବିବେଚିତ ହୋଇଥିଲେ। ଦିଗ୍ବିଜୟ ଦାସ, ଅମିରା ପ୍ରଧାନ, ଏମ. ଲକ୍ଷ୍ମୀ ପ୍ରସାଦ ନାୟିଡୁ, ଶଶିକାନ୍ତ ଦାସିଆ, ସୁଦୀପ୍ତା ଦାସ ମ୍ୟାଚ୍ ପରିଚାଳନା କରିଥିଲେ।
ଅନ୍ୟପଟେ ୧୫ ନମ୍ବର ମ୍ୟାଚ୍ରେ ରାଇଜିଂ ଷ୍ଟୁଡେଣ୍ଟ ୧-୦ ଗୋଲରେ ସାଇ-ଏସ୍ଟିସିକୁ ପରାସ୍ତ କରିଛି। ରାଇଜିଂ ତରଫରୁ ଯଶୋଦା ମୁଣ୍ଡା ୨୦ତମ ମିନିଟ୍ରେ ଏକମାତ୍ର ଗୋଲ ସ୍କୋର କରିଥିଲେ। ବିଷ୍ଣୁପ୍ରିୟା ଦାସ, ଅମିରା ପ୍ରଧାନ, ବିଚିତ୍ର ପ୍ରଧାନ, ଜ୍ୟୋତିରଞ୍ଜନ ସ୍ବାଇଁ, ଦୁର୍ଗାମାଧବ ନାଏକ ଓ ସୁଦୀପ୍ତା ଦାସ ମ୍ୟାଚ୍ ପରିଚାଳନା କରିଥିଲେ। ୧୫ ତାରିଖ ସୋମବାର ୩ଟି ମ୍ୟାଚ୍ ଖେଳାଯିବ। କ୍ୟାପିଟାଲ ଗ୍ରାଉଣ୍ଡରେ ଓଡ଼ିଶା ପୋଲିସ ଓ ଇଷ୍ଟକୋଷ୍ଟ ରେଲଓ୍ବେ, କଳିଙ୍ଗ ଷ୍ଟାଡିୟମରେ ସାଇ- ଏସିଟିସି ଓ ସ୍ପୋଟର୍ସ ହଷ୍ଟେଲ, କ୍ୟାପିଟାଲ ଗ୍ରାଉଣ୍ଡରେ ଓଜିପି କ୍ଲବ ଓ ରାଇଜିଂ ଷ୍ଟୁଡେଣ୍ଟ ପରସ୍ପରକୁ ଭେଟିବେ।
