ବହରାଇଚ, ୫।୮: ଜଣେ କି ଦୁଇଜଣ ନୁହେଁ। ଦୁଇ ଦିନରେ ୨୬ ଜଣ ଲୋକଙ୍କୁ ଦଂଶନ କଲା ନାଗୁଣୀ। ଏହା କୌଣସି ଫିଲ୍ମର କାହାଣୀ ପରି ଲାଗୁଥିଲେ ମଧ୍ୟ ଘଟଣାଟି ସତ। ଉତ୍ତର ପ୍ରଦେଶର ବହରାଇଚ ଜିଲାରୁ ଚକିତ କଲାଭଳି ନାଗୁଣୀର ଏକ ଖବର ସାମ୍ନାକୁ ଆସିଛି। କୁହାଯାଉଛି କି, ନାଗପଞ୍ଚମୀ ଦିନ ନାଗକୁ ମାରି ଦିଆଯିବାରୁ ଏଥିରେ ପ୍ରତିଶୋଧ ପରାୟଣ ହୋଇଉଠିଛି ନାଗୁଣୀ। ଆଉ ୨ ଦିନରେ ୨୬ ଜଣ ଲୋକଙ୍କୁ ଦଂଶନ କରିସାରିଛି। ଯାହାକୁ ନେଇ ସ୍ଥାନୀୟ ଲୋକଙ୍କ ମଧ୍ୟରେ ଆତଙ୍କ ଖେଳି ଯାଇଛି।
କଲା ଭଳି ଏହି ଘଟଣାଟି ବହରାଇଚ ଜିଲା ରୂପଇଦିହା ଥାନା ଅନ୍ତର୍ଗତ ବାବାଗଞ୍ଜ ଇଲାକାରେ ଘଟିଛି। ଏହି ଇଲାକାରେ ଗତ ୨ ଦିନ ମଧ୍ୟରେ ୨ ଡଜନରୁ ଊର୍ଦ୍ଧ୍ୱ ଲୋକ ସାପ ଦଂଶନର ସମ୍ମୁଖୀନ ହୋଇଛନ୍ତି। ସମସ୍ତ ଲୋକ ଏବେ ହସ୍ପିଟାଲରେ ଚିକିତ୍ସାଧୀନ ରହିଥିବାବେଳେ ଜଣଙ୍କର ମୃତ୍ୟୁ ହୋଇଛି। ଗ୍ରାମବାସୀ କହିଛନ୍ତି, ପାଖରେ ଥିବା ଶିବ ମନ୍ଦିରରେ ଏକ ନାଗ-ନାଗୁଣୀ ରହୁଥିଲେ। କିନ୍ତୁ ଗତ ନାଗ ପଞ୍ଚମୀ ଦିନ ଗ୍ରାମବୀସୀଙ୍କ ଦ୍ୱାରା ନାଗକୁ ମାରି ଦିଆଯାଇଥିଲା। ସେହିଦିନଠାରୁ ପ୍ରତିଶୋଧ ପରାୟଣ ହୋଇ ନାଗୁଣୀ ଗ୍ରାମରେ ଜଣଙ୍କପରେ ଜଣଙ୍କୁ କାମୁଡ଼ି ଆତଙ୍କ ଖେଳାଇ ଚାଲିଛି। ଅଧିକାଂଶ ଗ୍ରାମବାସୀ କହିଛନ୍ତି, ଶୋଇଲାବେଳେ ସେମାନେ ସାପ କାମୁଡ଼ିବାର ଅନୁଭବ କରନ୍ତି। କିନ୍ତୁ ଘରେ କୌଣସି ସାପକୁ ଦେଖିପାରନ୍ତି ନାହିଁ। ନାଗୁଣୀ ଭୟରେ ଲୋକମାନେ ଏବେ ସେମାନଙ୍କ ପିଲାମାନଙ୍କୁ ସମ୍ପର୍କୀୟଙ୍କ ଘରକୁ ପଠାଇ ଦେଇଛନ୍ତି। ଏପରିକି ଝଡ଼ା ଫୁଙ୍କା କରୁଥିବା ଲୋକମଧ୍ୟ ଏହି ଗ୍ରାମକୁ ଯିବାକୁ ଭୟ କରୁଛନ୍ତି।
