ନୂଆଦିଲ୍ଲୀ,୨୫/୧୦: ପରିବାରର ୧୦୦ କୋଟି ଟଙ୍କାର ଜମି ବିକ୍ରି ଅଭିଯୋଗରେ ମୁମ୍ବାଇ ପୋଲିସ ଜଣେ ୫୮ ବର୍ଷୀୟ ମହିଳାଙ୍କୁ ଗିରଫ କରିଛି। ମହିଳା ଜଣକ ତାଙ୍କର ଭାଇଙ୍କୁ ନ ଜଣାଇ ଗୋଟିଏ ଜମିର କିଛି ଅଂଶକୁ ୧୦୦ କୋଟି ଟଙ୍କାରେ ବିକ୍ରି କରିଦେଇଥିଲେ, ଯାହାଙ୍କ ପାଖରେ ଜମିର ସମାନ ଭାଗ ରହିଥିଲା। ବିକ୍ରି ହୋଇଥିବା ଜମି ମୁମ୍ବାଇର ଏକ ପ୍ରମୁଖ କେନ୍ଦ୍ରରେ ରହିଥିବାରୁ ଏହା ବିବାଦ ମଧ୍ୟକୁ ଆସିଛି।
ମହିଳା ଜଣଙ୍କ ନାଁରେ ତାଙ୍କର ସାବତ ଭାଇ ଥାନାରେ ଅଭିଯୋଗ କରିବା ପରେ ଅବିଦା ଇସାମେଲ ନାମକ ମହିଳାଙ୍କୁ ମୁମ୍ବାଇ ପୋଲିସ କର୍ଣ୍ଣାଟକର ମୟୁଶୂରୁ ଗିରଫ କରିଛି। ଅଭିଯୋଗ କରିଥିବା ବ୍ୟକ୍ତି ଜଣକ ଅବିଦାଙ୍କ ସାବତ ବାପାଙ୍କର ପୁଅ ଆୟେଜ଼ କପାଡିଆ। ତେବେ ଏହି ଜମି ବାସ୍ତବରେ ଆୟାଜଙ୍କର ସ୍ୱର୍ଗତ ବାପା, ଜାଫର କାପଡ଼ିଆ ଏବଂ ତାଙ୍କ ଭାଇ ଲତିଫ କାପଡ଼ିଆଙ୍କ ନାମରେ ଥିଲା।
ଆୟାଜ ନିକଟରେ ଜାଣିବାକୁ ପାଇଥିଲେ କି ଲତିଫ/ ଆବିଦାଙ୍କ ପରିବାର, ଜମିର କିଛି ଅଂଶ ବିକ୍ରି କରିଛନ୍ତି ସେମାନଙ୍କୁ କୌଣସି ସୂଚନା ନ ଦେଇ। ଠିକାଦାରଙ୍କ ସହ ବିକ୍ରି ଆଲୋଚନା କରୁଥିବାବେଳେ ଆବିଦା ଏବଂ ଅନ୍ୟମାନେ ପଞ୍ଜୀକରଣ କାର୍ୟ୍ୟାଳୟରେ ନକଲି ଦଲିଲ ଦାଖଲ କରି ଗୁରୁତର ତଥ୍ୟ ପ୍ରକାଶ ନକରି ସମ୍ପତ୍ତିର ସମ୍ପୂର୍ଣ୍ଣ ମାଲିକାନା ଦାବି କରିଥିଲେ।
ପୋଲିସର ସୂଚନାନୁସାରେ, ଅବିଦାଙ୍କ ତାଙ୍କର ସାବତ ଭାଇ ପରିବାରକୁ କୌଣସି ସୂଚନା ନ ଦେଇ ସମ୍ପତି ବିକ୍ରି କରି ଆର୍ଥିକ ଲାଭର ରହିବାକୁ ଚାହିଁଥିଲେ। ପରେ ଆୟାଜ ଏହା ସମ୍ପର୍କରେ ସୂଚନା ପାଇବା ପରେ ସେ ମୁମ୍ବାଇ ପୋଲିସର ଇକୋନୋମିକ୍ ଅଫେନ୍ସ ୱିଙ୍ଗରେ ଅଭିଯୋଗ କରିଥିଲେ, ଯାହା ଫଳରେ ମାଇସୋରରେ ଆବିଦା ଗିରଫ ହୋଇଥିଲେ।
