ବରଗଡ଼,୧୫।୮(ପ୍ରେମାନନ୍ଦ ଖମାରୀ): ବରଗଡ଼-ବରପାଲି ରାସ୍ତାର ସରସରା ନିକଟରେ ଶନିବାର ସକାଳୁ ଏକ ସଡ଼କ ଦୁର୍ଘଟଣା ଘଟିଛି। ବିଦ୍ୟାଳୟକୁ ସ୍ବାଧୀନତା ଦିବସ ପାଳନ ପାଇଁ ସାଇକେଲ ଯୋଗେ ଆସୁଥିବା ଛାତ୍ରୀ ଛାତ୍ରଙ୍କୁ ଧକ୍କା ଦେଇ ଏକ କାର୍ ବରଗଡ ପଟକୁ ଫେରାର୍ ହୋଇ ଯାଇଛି। କାର୍ ଧକ୍କାରେ ୫ଛାତ୍ରୀଛାତ୍ର ସୁମି ଭୋଇ, ସସ୍ମିତା ଭୋଇ, ଖଗେଶ୍ବର କଠାର, ଆକାଶ ରାଉତ, ରଘୁ ମେହେର ଆହତ ହୋଇଥିବାବେଳେ ସେମାନଙ୍କ ସାଇକେଲ ଚୂରମାର୍ ହୋଇ ଯାଇଛି। ଆହତ ଛାତ୍ରୀଛାତ୍ରଙ୍କୁ ଚିକିତ୍ସା ପାଇଁ ଜିଲା ମୁଖ୍ୟ ଡାକ୍ତରଖାନାରେ ଭର୍ତ୍ତି କରାଯାଇଛି। ଜିଲାପାଳ ଆଦିତ୍ୟ ଗୋୟଲ ଆହତ ଛାତ୍ରୀ ଛାତ୍ରଙ୍କୁ ଭେଟି ସେମାନଙ୍କ ସ୍ବାସ୍ଥ୍ୟାବସ୍ଥା ପଚାରି ବୁଝିଛନ୍ତି। ଆହତ ଛାତ୍ରୀ ଛାତ୍ର ନିକଟସ୍ଥ ଚାରପାଲି ଗ୍ରାମରୁ ସରସରା ବିଦ୍ୟାଳୟକୁ ଆସୁଥିବା ବେଳେ ଏହି ସଡ଼କ ଦୁର୍ଘଟଣା ଘଟିଥିଲା।
