ବେଲପଡ଼ା,୧୫ା୧(ମନୋଜ କୁମାର ମିଶ୍ର): ବଲାଙ୍ଗୀର ଜିଲା ବେଲପଡ଼ା ଥାନା ଅଞ୍ଚଳରେ ଏକ ଅଭାବନୀୟ ଘଟଣା ଘଟିଛି, ଯାହାକି ସଭ୍ୟ ସମାଜ ପାଇଁ କଳଙ୍କ ପାଲଟିଛି ା ଜଣେ ବ୍ୟକ୍ତି ନିଜ ଝିଅ ସହ ଶାରୀରିକ ସମ୍ପର୍କ ରଖି ତାଙ୍କୁ ଗର୍ଭବତୀ କରିବା ଅଭିଯୋଗରେ ଗିରଫ ହୋଇ ଜେଲ ଯାଇଛନ୍ତି। ଏଭଳି ଲଜ୍ଜାଜନକ ଖବର ଜଣାପଡ଼ିବା ପରେ ସାଧାରଣରେ ଗଭୀର ଆଲୋଡ଼ନ ସୃଷ୍ଟି ହୋଇଛି ା
ମିଳିଥିବା ସୂଚନା ଅନୁଯାୟୀ, ବେଲପଡ଼ା ଥାନା ଅଞ୍ଚଳର ଅଭିଯୁକ୍ତ ବ୍ୟକ୍ତି ଜଣକ ପୂର୍ବରୁ ପୁଣେ ଅଞ୍ଚଳରେ ରହି ଶ୍ରମିକ ଭାବେ କାମ କରୁଥିଲେ। ସେଠାରେ ରହିବା ସମୟରେ ସେଠିକାର ଜଣେ ଯୁବତୀଙ୍କୁ ଭଲପାଇ ସ୍ବାମୀ ସ୍ତ୍ରୀ ଭାବରେ ରହୁଥିଲେ। ତାଙ୍କର ୩ ଝିଅ ଏବଂ ୩ ପୁଅ ଅଛନ୍ତି। ତେବେ ୭ ବର୍ଷ ତଳେ କୌଣସି କଥାକୁ ନେଇ ସ୍ତ୍ରୀ ସହ ଗଣ୍ଡଗୋଳ କରି ସାନ ଝିଅକୁ ଧରି ସେ ବେଲପଡ଼ା ଅଞ୍ଚଳକୁ ଚାଲି ଆସିଥିଲେ। ପରବର୍ତ୍ତୀ ସମୟରେ ଝିଅକୁ ସ୍ଥାନୀୟ ସ୍କୁଲରେ ନାମ ଲେଖାଇ ଥିଲେ। ନିଜେ ମୂଲ ଲାଗିବା ସହ ନିଜର ଥିବା ଅଳ୍ପ ଜମିରେ ଚାଷ କରି ଚଳୁଥିଲେ। ସେହି ଚାଷ ଜମିରେ କୁଡ଼ିଆ କରି ବାପଝିଅ ରହୁଥିଲେ। ତେବେ ଗତ କିଛିଦିନ ହେବ ସେହି ଜମି ବାଟ ଦେଇ କେହି ଯିବା ଆସିବା କରିଲେ ଅଭିଯୁକ୍ତ ବାପା ଗାଳିଗୁଲଜ କରିବା ସହ ଟାଙ୍ଗିଆ ଧରି ଗୋଡ଼ାଉ ଥିଲେ। ତାଙ୍କର ଏପରି ଅସ୍ବାଭାବିକ ବ୍ୟବହାରରେ ଗାଁ ଲୋକେ ସନ୍ଦେହ କରିଥିଲେ। ପରେ ନାବାଳିକା ଝିଅ ଗର୍ଭବତୀ ଥିବାର ଜାଣି ଗଁା ଲୋକେ ବେଲପଡ଼ା ସିଡିପିଓଙ୍କୁ ଜଣାଇଥିଲେ। ସିଡିପିଓ ବିଦ୍ୟୁତ୍ପ୍ରଭା ନାଗ ଏନେଇ ସୋମବାର ଥାନାରେ ଏତଲା ଦେଇଥିଲେ। ପରେ ପୋଲିସ ସହାୟତାରେ ସମ୍ପୃକ୍ତ ନାବାଳିକାଙ୍କୁ ଉଦ୍ଧାର କରାଯାଇ ବଲାଙ୍ଗୀରସ୍ଥିତ ବାଲ ସୁଧାର ଗୃହକୁ ପଠାଯାଇଥିଲା। ପୋଲିସ ଏହି ଘଟଣାରେ ଅଭିଯୁକ୍ତ ବାପାଙ୍କୁ ଗିରଫ କରି ମଙ୍ଗଳବାର କୋର୍ଟଚାଲାଣ କରିଥିଲା। କୋର୍ଟରେ ଜାମିନ ନାମଞ୍ଜୁର ହେବାରୁ ତାଙ୍କୁ ଜେଲ ହାଜତକୁ ପଠାଇ ଦିଆଯାଇଛି। ଏନେଇ ବେଲପଡ଼ା ପୋଲିସ ବିଏନ୍ଏସ୍ର ଦଫା ୬୪(୨) ଏବଂ ପୋକ୍ସୋ ଆଇନର ଦଫା ୬ରେ ଏକ ମାମଲା(ନଂ. ୧୪/୨୦୨୫) ରୁଜୁ କରିଛି। ଘଟଣା ସମ୍ପର୍କରେ ଅଧିକ ତଦନ୍ତ ଚାଲିଥିବା ବେଲପଡ଼ା ଥାନା ଅଧିକାରୀ ଅନନ୍ତ ପଧାନ ସୂଚନା ଦେଇଛନ୍ତି।
