ଖତ ହେଉଛି ଜବତ ଗାଡ଼ି

ଅନୁଗୋଳ ଅଫିସ, ୪ା୯ – ଖତ ଖାଉଛି କୋଟି କୋଟି ଟଙ୍କାର ଗାଡ଼ି। ନୂଆ ମଡେଲ ଠାରୁ ଆରମ୍ଭ କରି ପୁରୁଣା ସ୍କୁଟର ପର୍ଯ୍ୟନ୍ତ ବହୁ ଗାଡ଼ି ବର୍ଷ ବର୍ଷ ଧରି ପଡ଼ିରହିଛି ଥାନାରେ। ଜିଲାର ବିଭିନ୍ନ ଥାନା, ଅବକାରୀ କାର୍ଯ୍ୟାଳୟରେ ଏହି ସଂଖ୍ୟା ସର୍ବାଧିକ। ଏଠାରେ ରକ୍ଷଣାବେକ୍ଷଣର କିଛି ସୁବିଧା ନ ଥିବାବେଳେ ଅଧିକାଂଶ ଫେରସ୍ତ ମଧ୍ୟ ହୋଇପାରୁ ନାହିଁ। ନିଲାମ ପ୍ରକ୍ରିୟାରେ ସରକାରୀ ଆଇନ ପ୍ରତିବନ୍ଧକ ସାଜୁଥିବାରୁ ଏହି ସଂଖ୍ୟା ଦିନକୁ ଦିନ ବଢ଼ିବାରେ ଲାଗିଥିବା ସୂଚନା ମିଳିଛି।
ଅନୁଗୋଳ ଜିଲାରେ ୨୨ଟି ଥାନା ରହିଛି। ଏସବୁ ଥାନାରେ ଦୈନିକ ଏକାଧିକ ମାମଲା ରୁଜୁ ହେଉଛି। ତେବେ ସଡ଼କ ଦୁର୍ଘଟଣାଜନିତ ମାମଲାରେ ଥାନାକୁ ଅଧିକ ଗାଡ଼ି ଟଣାହୋଇ ଆସୁଛି। ସେହିପରି ସଂଗଠିତ ଅପରାଧରେ ବ୍ୟବହୃତ ଓ ଚୋରାଗାଡ଼ିକୁ ଜବତ କରାଯାଇ ଥାନାରେ ରଖାଯାଉଛି। ଜବତ ଗାଡ଼ି ମଧ୍ୟରୁ ଅଧିକାଂଶ ବାଇକ୍‌ ହୋଇଥିବାବେଳେ ଅଟୋ ଠାରୁ ନେଇ ଦାମୀ ଚାରିଚକିଆ ଓ ରୋଲର ମଧ୍ୟ ରହିଛି। ତଦନ୍ତ ଓ କାଗଜପତ୍ର ଯାଞ୍ଚପରେ ଚୋରା ଓ ଦୁର୍ଘଟଣାଗ୍ରସ୍ତ ଗାଡ଼ିଗୁଡ଼ିକ ମଧ୍ୟରୁ କିଛି ଗାଡ଼ିମାଲିକଙ୍କୁ ହସ୍ତାନ୍ତର କରାଯାଉଛି। ଦେଖିବାକୁଗଲେ ମାତ୍ର ୬୦ ପ୍ରତିଶତ ଗାଡ଼ି ସମୟସୀମା ମଧ୍ୟରେ ଥାନାରୁ ଫେରୁଛି। ବାକି ୪୦ ପ୍ରତିଶତ ଆଇନଗତ ସମସ୍ୟା ଓ ବିଳମ୍ବିତ ତଦନ୍ତ ପାଇଁ ଥାନା ପରିସରରେ ପଡ଼ିରହୁଛି। ସେହିପରି ପଡ଼ିରହୁଥିବା ଗାଡ଼ିର ପ୍ରାୟ ୧୦ ପ୍ରତିଶତ କ୍ଷେତ୍ରରେ କୌଣସି ଦାବିଦାର ରହୁନାହାନ୍ତି। ଏହି ଗାଡ଼ିଗୁଡ଼ିକ ମୁଖ୍ୟତଃ ବଡ଼ ଧରଣର ଅପରାଧରେ ବ୍ୟବହୃତ ହେଉଥିବାରୁ ଏମିତି ହେଉଛି ବୋଲି ଅନୁଗୋଳ ପୋଲିସ ପକ୍ଷରୁ ସୂଚନା ମିଳିଛି। ଜଣେ ବରିଷ୍ଠ ପୋଲିସ ଅଧିକାରୀଙ୍କ କହିବା ଅନୁଯାୟୀ, କୋର୍ଟରେ ବିଚାରାଧୀନ ମାମଲା ଫଇସଲା ନ ହେବାଯାଏ ଗାଡ଼ି ଫେରସ୍ତ ଅନୁମତି ନାହିଁ। ଯେଉଁଥିପାଇଁ ଗାଡ଼ିଗୁଡ଼ିକ ସେମିତି ପଡ଼ିରହୁଛି। କେବଳ ଥାନା ନୁହେଁ, ଜିଲାପାଳଙ୍କ କାର୍ଯ୍ୟାଳୟ, ବନ ବିଭାଗ, ପୂର୍ତ୍ତ ବିଭାଗ, ପୌରପାଳିକା, ଡାକ୍ତରଖାନା ପରିସରରେ ମଧ୍ୟ ଅନେକ ଗାଡ଼ି ଏପରି ପଡ଼ିରହିଛି। ଜିଲାରେ ରହିଥିବା ଅବକାରୀ କାର୍ଯ୍ୟାଳୟ ଗୁଡ଼ିକରେ ମଧ୍ୟ ଜବତ ଗାଡ଼ି ସଂଖ୍ୟା କମ୍‌ ନୁହେଁ। ଏଠାରେ ପ୍ରାୟ ୫୦ ଲକ୍ଷରୁ ଊର୍ଦ୍ଧ୍ୱ ଟଙ୍କାର ଗାଡ଼ି ଓ ସାଇକେଲ ବର୍ଷ ବର୍ଷ ଧରି ପଡ଼ିରହିଛି। ଚୋରା ମଦ ଓ ଡ୍ରଗ୍ସ ମାମଲାରେ ଅଧିକ ଗାଡ଼ି ଜବତ କରାଯାଉଛି ବୋଲି ଅବକାରୀ ବିଭାଗ ପକ୍ଷରୁ ସୂଚନା ମିଳିଛି। ତେବେ ଆଇନଗତ ସମସ୍ୟା ଠାରୁ ବଳିଯାଉଛି ଏହାର ରକ୍ଷଣାବେକ୍ଷଣା ସମସ୍ୟା। ଏତେ ସଂଖ୍ୟାରେ ଗାଡ଼ିକୁ ସୁରକ୍ଷିତ ଭାବେ ରଖିବା ପାଇଁ ଥାନା ପରିସରରେ ଆବଶ୍ୟକ ସ୍ଥାନ ନାହିଁ। ତେଣୁ ବାଧ୍ୟ ହୋଇ ସେସବୁକୁ ଖୋଲାରେ ରଖିବାକୁ ପଡ଼ୁଛି। ଯେଉଁସବୁର ଆଦୌ ଫେରାଇବା ସମ୍ଭବନା ନାହିଁ, ସେଗୁଡ଼ିଗୁ ନିଲାମ ପ୍ରକ୍ରିୟାରେ ବିକ୍ରି କରାଯିବା ଆବଶ୍ୟକ। ଏକ ନର୍ଦ୍ଦିଷ୍ଟ ସମୟସୀମା ସ୍ଥିର କରାଯାଇ ଧାର୍ଯ୍ୟ ସମୟ ମଧ୍ୟରେ ଗାଡ଼ି ନ ନେଲେ ତାହାକୁ ମଧ୍ୟ ନିଲାମ ପ୍ରକ୍ରିୟାରେ ସାମିଲ କରାଗଲେ ଏମିତି କୋଟି କୋଟି ଟଙ୍କାର ଗାଡ଼ି ପଡ଼ିରହି ନଷ୍ଟ ହୁଅନ୍ତା ନାହିଁ ବୋଲି ଜିଲାର ଜଣେ ବରିଷ୍ଠ ପୋଲିସ ଅଧିକାରୀ କହିଛନ୍ତି। କିନ୍ତୁ ପୂର୍ବ ପ୍ରଚଳିତ ନିୟମ ଏଥିରେ ପ୍ରତିବନ୍ଧକ ସାଜିଥିବାରୁ କିଛି କରାଯାଇପାରିବ ନାହିଁ ବୋଲି ଅଧିକାରୀଜଣକ କହିଛନ୍ତି। ଏ ସମ୍ପର୍କରେ ଅନୁଗୋଳ ଏସ୍‌ପି ଜଗମୋହନ ମୀନା କହିଛନ୍ତି, କୋର୍ଟରେ ବହୁ ମାମଲାର ବିଚାର ଚାଲିଥିବାରୁ ଗାଡ଼ିଗୁଡ଼ିକ ଥାନାରେ ପଡ଼ି ରହୁଛି। ମଝିରେ ମଝିରେ ଗାଡ଼ି ମାଲିକମାନଙ୍କୁ ଖୋଜି ଗାଡ଼ି ପ୍ରଦାନ କରାଯାଉଛି। କିନ୍ତୁ ତାହା ଯଥେଷ୍ଟ ନୁହେଁ ବୋଲି ଏସ୍‌ପି ସ୍ବୀକାର କରିଛନ୍ତି। ତେବେ ଥାନା ସହ ଜିଲାର ବିଭିନ୍ନ କାର୍ଯ୍ୟାଳୟରେ ପଡ଼ିରହିଥିବା ଗାଡ଼ିଗୁଡ଼ିକର ମୂଲ୍ୟ ପ୍ରାୟ ୭ କୋଟି ଟଙ୍କାରୁ ଊଦ୍ଧର୍‌ବ ହେବ ବୋଲି ଆକଳନ କରାଯାଉଛି।


Enter your email to get our daily news in your inbox.

All Right Reserved By Dharitri.Com

ଆଜି ରାଜ୍ୟରୁ ୧୦,୨୭୩ ଆକ୍ରାନ୍ତ ଚିହ୍ନଟ, ଏମାନଙ୍କ ମଧ୍ୟରେ ଅଛନ୍ତି ୧୦୬୫ ଶିଶୁ

ଭୁବନେଶ୍ୱର,୧୪ା୧(ବ୍ୟୁରୋ): ଶୁକ୍ରବାର ରାଜ୍ୟରୁ ୧୦,୨୭୩ ପଜିଟିଭ୍‌ ଚିହ୍ନଟ ହୋଇଛନ୍ତି। ଏହାକୁ ମିଶାଇ ବର୍ତ୍ତମାନ ମୋଟ୍‌ କରୋନା ଆକ୍ରାନ୍ତଙ୍କ ସଂଖ୍ୟା ୧୧,୧୧,୮୭୯ରେ ପହଞ୍ଚିଥିବା ରାଜ୍ୟ ସୂଚନା ଓ...

ନୂଆ ପ୍ରଜାତିର ‘ବ୍ଲାଇଣ୍ଡ୍‌ ଇଲ୍‌’ ଆବିଷ୍କୃତ

ଭୁବନେଶ୍ୱର, ୩୦।୯(ବ୍ୟୁରୋ): ଆଶ୍ଚର୍ଯ୍ୟ ହେଲେ ବି ସତ। ଏକ ବ୍ଲାଇଣ୍ଡ୍‌ ସ୍କୁଲ ବା ଦୃଷ୍ଟିହୀନ ବିଦ୍ୟାଳୟ ପରିସର କୂଅ ଭିତରୁ ମିଳିଥିବା ବ୍ଲାଇଣ୍ଡ୍‌ ଇଲ୍‌ (ଯେଉଁ...

CORONAVIRUS UPDATE: ଆଉ ନୂଆ ୧୪୬ ପଜିଟିଭ୍‌ ଚିହ୍ନଟ; ରାଜ୍ୟରେ ମୋଟ ଆକ୍ରାନ୍ତଙ୍କ ସଂଖ୍ୟା ୩,୧୪୦କୁ ବୃଦ୍ଧି

ଭୁବନେଶ୍ୱର,୯।୬(ବ୍ୟୁରୋ): ରାଜ୍ୟରେ ମଙ୍ଗଳବାର ପୁଣି ୧୪୬ କରୋନା ପଜିଟିଭ୍‌ ଚିହ୍ନଟ ହୋଇଛନ୍ତି। ଏହାକୁ ମିଶାଇ ରାଜ୍ୟରେ ମୋଟ୍‌ ଆକ୍ରାନ୍ତଙ୍କ ସଂଖ୍ୟା ୩,୧୪୦କୁ ବୃଦ୍ଧି ପାଇଛି। ଏ...

ଫନୀ ପାଇଁ ମିଳିଛି ଜାତୀୟ ବିପର୍ଯ୍ୟୟ ସହାୟତା ପାଣ୍ଠିରୁ ୩୧୧୪.୪୬ କୋଟି

ଭୁବନେଶ୍ୱର,୧୬।୧୧(ବ୍ୟୁରୋ): ଗତ ମେ ୩ ତାରିଖରେ ଉପକୂଳ ଓଡ଼ିଶାରେ ହୋଇଥିବା ପ୍ରଳୟଙ୍କରୀ ବାତ୍ୟା ଫନୀ ଯୋଗୁ ବହୁ ଧନଜୀବନ କ୍ଷତିଗ୍ରସ୍ତ ହୋଇଛି। ବାତ୍ୟାରେ କ୍ଷତିଗ୍ରସ୍ତ ଲୋକମାନଙ୍କର...

କଟକରେ ଖୋଲିବ ବାଣ ଦୋକାନ: ମିଳିଲା ଅନୁମତି

କଟକ ଅଫିସ, ୨।୧୧: ଆଗକୁ କାଳୀ ପୂଜା ଓ ଦୀପାବଳି। ତେବେ କୋଭିଡ୍‌ କଟକଣା ଭିତରେ ପାଳିତ ହେବ ଏହିସବୁ ପର୍ବ। କଟକରେ ପୂର୍ବଭଳି ଚଳିତ...

ଘରୋଇ ହସ୍ପିଟାଲ ଚିକିତ୍ସା ସେବାକୁ ନେଇ ବିଧାନସଭାରେ ଉଦ୍‌ବେଗ: ରୋଗୀ ସେବା ତଦନ୍ତ ପାଇଁ କମିଟି ଗଠନ କରିବାକୁ ଦାବି

ଭୁବନେଶ୍ୱର, ୧।୭(ବ୍ୟୁରୋ): ଭୁବନେଶ୍ୱରରେ ଥିବା ଘରୋଇ ହସ୍ପିଟାଲଗୁଡ଼ିକ ଗରିବ ରୋଗୀଙ୍କୁ ଶୋଷଣ କରୁଛନ୍ତି। ସରକାରଙ୍କଠାରୁ ବିନାମୂଲ୍ୟରେ ଜମି ନେଇ ହସ୍ପିଟାଲ କରିଥିବା ସଂସ୍ଥାଗୁଡିକ ଜଣେ ହେଲେ...

ଡାକ୍ତରଶୂନ୍ୟ ଡାକ୍ତରଖାନା

ବଇଣ୍ଡା,୧୯ା୩(ଡି.ଏନ.ଏ.) ରାଜପଥ ପାର୍ଶ୍ୱରେ ଡାକ୍ତରଖାନା। ପ୍ରତିଦିନ ଏକାଧିକ ଦୁର୍ଘଟଣାଗ୍ରସ୍ତଙ୍କୁ ପ୍ରାଥମିକ ଚିକିତ୍ସା ପାଇଁ ଅଣାଯାଉଛି ଏଠାକୁ। ଆଖପାଖ ୭ଟି ପଞ୍ଚାୟତରୁ ବହୁ ରୋଗୀ ମଧ୍ୟ ଆସୁଛନ୍ତି।...

ଆସିଲା ସୌମ୍ୟରଞ୍ଜନଙ୍କ ପୋଷ୍ଟମର୍ଟମ ରିପୋର୍ଟ

କଟକ ଅଫିସ,୨୬ା୭: ଗଜପତି ଜିଲା ପାରଳାଖେମୁଣ୍ଡି ସହକାରୀ ବନ ସଂରକ୍ଷକ(ଏସିଏଫ୍‌) ସୌମ୍ୟରଞ୍ଜନ ମହାପାତ୍ର ପୋଷ୍ଟମର୍ଟମ ରିପୋର୍ଟ ଆଜି ଆସିଛି। କଟକ ମର୍କତନଗର ଥାନାରୁ ସୌମଙ୍କ ପରିବାର...

Advertisement
Archives

Model This Week