ମୁମ୍ବାଇ, ୧୯।୮: ଆଗକୁ ଗଣେଶ ପୂଜା ଆସୁଛି। ଏନେଇ ମୁମ୍ବାଇରେ ଏକ ନିଆରା ଗଣେଶ ମୂର୍ତ୍ତି ନିମାର୍ଣ କରାଯାଇଛି। ପ୍ରଭୁ ଭକ୍ତଙ୍କୁ ଦର୍ଶନ ଦେବା ସହିତ ଭକ୍ତଙ୍କ ହାତ ମଧ୍ୟ ସାନିଟାଇଜ୍ କରିବେ। ମୂର୍ତ୍ତିଙ୍କ ପାଦରୁ ସାନିଟାଇଜର ଝରୁଛି। ଭକ୍ତ ପାଦତଳେ ହାତ ରଖି ଏହାକୁ ସଂଗ୍ରହ କରିବେ। ପରେ ଦୁଇହାତ ଘସି ସାନିଟାଇଜ୍ କରିବେ। ଲୋକଙ୍କ ମଧ୍ୟରେ ସୁରକ୍ଷା ସଚେତନତା ସୃଷ୍ଟି ପାଇଁ ଏଭଳି ମୂର୍ତ୍ତି ନିର୍ମାଣ କରାଯାଇଛି। ସ୍ଥାନୀୟ ଘାଟକୋପରସ୍ଥିତ ମୂର୍ତ୍ତି ନିର୍ମାତା ରାମଦାସ ଚୌଧୁରୀ ଏହାକୁ ନିର୍ମାଣ କରିଛନ୍ତି। ଭକ୍ତ ପ୍ରଭୁଙ୍କ ପାଦତଳକୁ ହାତ ନେଲେ ସାନିଟାଇଜର ବାହାରିବ ବୋଲି ସେ କହିଛନ୍ତି। ମୂର୍ତ୍ତି ପାଦତଳେ ଡିସପେନ୍ସ୍ର ଲଗାଯାଇଥିବା ସେ କହିଛନ୍ତି। ପ୍ରତିବର୍ଷ ନୂଆ ନୂଆ ବାର୍ତ୍ତା ଦେଉଥିବା ଗଣେଶ ମୂର୍ତ୍ତି ସେ ନିର୍ମାଣ କରୁଥିବା ସୂଚନା ଦେଇଛନ୍ତି।
