ବଲିଉଡ୍ ଅଭିନେତା ସୁଶାନ୍ତ ସିଂ ରାଜପୁତ ମୃତ୍ୟୁ ଘଟଣାକୁ ୨ ମାସ ବିତିଯାଇଛି। ହେଲେ ଆଜି ପର୍ଯ୍ୟନ୍ତ ତାଙ୍କ ମୃତ୍ୟୁକୁ ପରିବାର ତଥା ପ୍ରଶଂସକମାନେ ଗ୍ରହଣ କରିପାରୁ ନାହାନ୍ତି। ସୁପ୍ରିମକୋର୍ଟ ଏହି ଘଟଣାର ତଦନ୍ତ ଭାର ସିବିଆଇକୁ ଦେଇଛନ୍ତି। ତେବେ ଏହା ମଧ୍ୟରେ ବାଲାଜି ଟେଲି ଫିଲ୍ସର ମାଲିକାଣୀ ଏକତା କପୁର ସୋସିଆଲ ମିଡିଆରେ ସୁଶାନ୍ତଙ୍କ ନାମରେ ‘ପବିତ୍ର ରାସ୍ତା’ ନାମରେ ଏକ ପାଣ୍ଠି ଖୋଲିଛନ୍ତି। ଯାହାକି ମାନସିକ ରୋଗୀଙ୍କ ଚିକିତ୍ସା ନିମନ୍ତେ ସଚେତନତା ସୃଷ୍ଟି କରିବ। ଏହି ପାଣ୍ଠିର ପୋଷ୍ଟରରେ ସୁଶାନ୍ତଙ୍କ ଫଟୋକୁ ବ୍ୟବହାର କରାଯାଇଛି। ଏହାପରଠାରୁ ଏକତାଙ୍କୁ ଟ୍ରୋଲ କରାଯାଉଛି। ମୃତ୍ୟୁ ବ୍ୟବସାୟ ନୁହେଁ ବୋଲି କେହି କେହି ମଧ୍ୟ କହୁଛନ୍ତି।
