ପ୍ୟୋଙ୍ଗୟାଙ୍ଗ,୭ା୮: ଉତ୍ତର କୋରିଆରେ ବର୍ତ୍ତମାନ ପ୍ରବଳ ଗରମ ଅନୁଭୂତ ହେଉଛି। ଏହି ଗରମ ଯୋଗୁ ସେଠାକାର ଲୋକମାନଙ୍କୁ ଏମିତି ନିର୍ଦ୍ଦେଶ ଦିଆଯାଇଛି ଯାହା ଆଶ୍ଚର୍ଯ୍ୟଜନକ। ଉତ୍ତର କୋରିଆର ଲୋକମାନଙ୍କୁ ପାରମ୍ପରିକ କୁକୁର ମାଂସ ସୁପ୍ ପିଇବାକୁ କିମ୍ ଜୋଙ୍ଗ୍ ଉନ୍ ନିର୍ଦ୍ଦେଶ ଦେଇଛନ୍ତି ଯାହାକି ଡାକ୍ତରଙ୍କ ପରାମର୍ଶରେ। କୁହାଯାଉଛି କି, ଏହି ସୁପ୍ ଶରୀରକୁ ଶକ୍ତି ପ୍ରଦାନ କରେ ଏବଂ ଗରମ ଷ୍ଟ୍ରୋକ୍ ଭଳି ସମସ୍ୟାକୁ ରୋକିବାରେ ସାହାଯ୍ୟ କରେ।
ଗଣମାଧ୍ୟମ ରିପୋର୍ଟ ଅନୁସାରେ, କୋରିଆନ ଉପଦ୍ୱୀପରେ ପ୍ରବଳ ଗରମ ପ୍ରବାହ ଅନୁଭୂତ ହେଉଛି। ଅନେକ ଅଞ୍ଚଳରେ ତାପମାତ୍ରା ୪୦ ଡିଗ୍ରୀ ସେଲସିୟସ ଅତିକ୍ରମ କରିଛି। ଏହି ପରିପ୍ରେକ୍ଷୀରେ, ଉତ୍ତର କୋରିଆର ସରକାରୀ ଖବରକାଗଜରେ ଜଣେ ବରିଷ୍ଠ ଡାକ୍ତରଙ୍କ ସହ ଏକ ସାକ୍ଷାତକାର ପ୍ରକାଶିତ ହୋଇଥିଲା, ଯେଉଁଥିରେ ଲୋକଙ୍କୁ ପାରମ୍ପରିକ କୁକୁର ମାଂସ ସୁପ୍ ପିଇବାକୁ ପରାମର୍ଶ ଦିଆଯାଇଛି।
ଗଣମାଧ୍ୟମ ରିପୋର୍ଟ ଅନୁସାରେ, ଏହି ଖାଦ୍ୟକୁ କୋରିଆନ ୟିରେ ଡାଙ୍ଗୋଗି ଗୁକ କୁହାଯାଏ, ଯାହାର ଅର୍ଥ ‘ମିଠା ମାଂସ ସୁପ’। ସରକାରୀ ଖବରକାଗଜ ଦାବି କରିଛି ଯେ, ଏହି ମିଠା ସୁପ୍ ବହୁତ ପୁଷ୍ଟିକର, ଅତ୍ୟଧିକ ଗରମ ସମୟରେ ଶରୀରକୁ ଶକ୍ତି ପ୍ରଦାନ କରେ ଏବଂ ଗରମ ଷ୍ଟ୍ରୋକ ସମ୍ବନ୍ଧୀୟ ସମସ୍ୟା ସହିତ ଲଢ଼ିବାରେ ସାହାଯ୍ୟ କରେ। ରିପୋର୍ଟ ଅନୁଯାୟୀ, ଏହା ହାର୍ଟ ସମ୍ବନ୍ଧୀୟ ରୋଗ ପାଇଁ ଲାଭଦାୟକ। ମଧୁମେହ ଏବଂ ହାଇପରଥାଇରଏଡିଜ୍ମା ଭଳି ପରିସ୍ଥିତିରେ ପୀଡ଼ିତ ଲୋକଙ୍କୁ ଲାଭ ମିଳିଥାଏ।
ଉତ୍ତର କୋରିଆରେ, ବହୁ ଦିନ ଧରି ଏକ ବିଶ୍ୱାସ ରହିଆସିଛି ଯେ, କୁକୁର ମାଂସ ସୁପ୍ ପୁରୁଷଙ୍କ ଶାରୀରିକ ଶକ୍ତି ବୃଦ୍ଧି କରେ ଏବଂ ଶରୀରର ରୋଗ ପ୍ରତିରୋଧକ ଶକ୍ତିକୁ ଦୃଢ଼ କରେ। ତଥାପି ବୈଜ୍ଞାନିକମାନେ ଏହି ଦାବିଗୁଡ଼ିକ ଉପରେ ବିଭାଜିତ, ଏବଂ ଏହାକୁ ସମର୍ଥନ କରିବା ପାଇଁ ପର୍ଯ୍ୟାପ୍ତ ବୈଜ୍ଞାନିକ ପ୍ରମାଣ ନାହିଁ।
ରିପୋର୍ଟ ଅନୁଯାୟୀ, ରାଜଧାନୀ ପ୍ୟୋଙ୍ଗୟାଙ୍ଗର ଏକ ରେଷ୍ଟୁରାଣ୍ଟରେ କେବଳ କୁକୁର ମାଂସରୁ ତିଆରି ସୁପ୍ ପରିବେଷଣ କରାଯାଏ। ଦାବି କରାଯାଇଛି, ଉତ୍ତର କୋରିଆର ନେତା ଏବଂ ଏକଛତ୍ରବାଦୀ କିମ୍ ଜୋଙ୍ଗ୍ ଉନ୍ ଏହି ଖାଦ୍ୟର ପ୍ରଶଂସକ। ଏହା ପ୍ରାୟତଃ ରାଜ୍ୟ ଭୋଜି ଏବଂ ଡିନର ପାର୍ଟିରେ ପରିବେଷଣ କରାଯାଏ।
କୋରିଆନ ଉପଦ୍ୱୀପ ବର୍ତ୍ତମାନ ୧୦୦ ବର୍ଷ ମଧ୍ୟରେ ସବୁଠାରୁ ଗରମ ଲହରି ଅନୁଭବ କରୁଛି। ସେହିପରି ଦକ୍ଷିଣ କୋରିଆର ୟାଙ୍ଗସାନରେ ତାପମାତ୍ରା ୪୨.୫ ଡିଗ୍ରୀ ସେଲସିୟସରେ ପହଞ୍ଚିଛି, ଯାହା ଏକ ଶତାବ୍ଦୀ ମଧ୍ୟରେ ସର୍ବାଧିକ ରେକର୍ଡ କରାଯାଇଛି।
