ରୟାଲ ଚ୍ୟାଲେଞ୍ଜର୍ସ ବିପକ୍ଷ ମ୍ୟାଚ ଯଦିଓ ମୁମ୍ବାଇ ଇଣ୍ଡିଆନ୍ସ ହାରିଯାଇଛି, କିନ୍ତୁ ଦଳର ଯୁବ ବ୍ୟାଟ୍ସମ୍ୟାନ ଇଶାନ କିଶନ ତାଙ୍କ ଚମତ୍କାର ଇନିଂସରେ ସମସ୍ତଙ୍କ ହୃଦୟ ଜିତିଥିଲେ। ଇଶାନ ମୁମ୍ବାଇ ଇଣ୍ଡିଆନ୍ସର ଇନିଂସକୁ କଠିନ ସମୟରେ ରକ୍ଷା କରିଥିଲେ। ୫୮ ବଲରେ ୯୯ ରନର ଚମତ୍କାର ଇନିଂସ ଖେଳିଥିଲେ। ତାଙ୍କ ଇନିଂସ ଯୋଗୁ ମୁମ୍ବାଇ ଇଣ୍ଡିଆନ୍ସ ମ୍ୟାଚକୁ ଫେରିବାରେ ସକ୍ଷମ ହୋଇଥିଲା। ତାଙ୍କୁ ସୁପରଓଭରରେ ବ୍ୟାଟିଂ କରିବାକୁ ପଠାଯାଇଥିଲା। ଏହି ସମୟରେ ଇଶାନ କିଶନଙ୍କ ଗର୍ଲଫ୍ରେଣ୍ଡ ଅଦିତି ହୁଣ୍ଡାଇ ଇନଷ୍ଟାଗ୍ରାମ ଷ୍ଟୋରୀରେ ଏହି ପୋଷ୍ଟ ଶେୟାର କରିଛନ୍ତି। ଭିଡିଓରେ ଇଶାନ କିଶନ ୯୯ ରନ୍ରେ ଆଉଟ୍ ହୋଇ ଫେରୁଥିବା ନଜର ଆସିଛନ୍ତି। ଭିଡିଓର କ୍ୟାପସନରେ ସେ ଲେଖିଛନ୍ତି, ମୁଁ ତୁମ ପାଇଁ ଗର୍ବିତ ବେବି। ଇଶାନ କିଶନଙ୍କ ଗର୍ଲଫ୍ରେଣ୍ଡ ମିସ ଇଣ୍ଡିଆ ୨୦୧୭ର ଫାଇନାଲିଷ୍ଟ ଥିଲେ। ଏଥି ସହିତ, ସେ ୨୦୧୮ରେ ମିସ ସୁପରନାଚ୍ୟୁରାଲ ଇଣ୍ଡିଆ ମଧ୍ୟ ହୋଇଥିଲେ। ଇଶାନ କିଶନଙ୍କ ସହ ତାଙ୍କ ପ୍ରେମ ସମ୍ପର୍କ ବିଷୟରେ ଦୀର୍ଘ ଦିନ ଧରି ଚର୍ଚ୍ଚା ହୋଇଆସୁଛି।
