ସାଧାରଣତଃ ଶିଶୁମାନଙ୍କ ରୋଗ ପ୍ରତିରୋଧକ ଶକ୍ତି ବଡ଼ମାନଙ୍କ ତୁଳନାରେ ଖୁବ୍ କମ୍; ଯେଉଁଥିଲାଗି ସେମାନେ ସହଜରେ ଥଣ୍ଡା, ଜ୍ୱର, କାଶ ଭଳି ଅନ୍ୟାନ୍ୟ ସମସ୍ୟାର ସମ୍ମୁଖୀନ ହୋଇଥାନ୍ତି। ତେଣୁ କେଉଁ ସବୁ ଦିଗ ପ୍ରତି ଧ୍ୟାନ ଦେଲେ ଶିଶୁଙ୍କ ରୋଗ ପ୍ରତିରୋଧକ ଶକ୍ତି ବୃଦ୍ଧି ହେବ ଜାଣି ରଖନ୍ତୁ ସେ ସମ୍ପର୍କରେ…
ଯଥା ସମ୍ଭବ ବାହାର ଖାଦ୍ୟ ପରିବର୍ତ୍ତେ ମା’ର କ୍ଷୀର ଅଧିକ ଖୁଅନ୍ତୁ। ମା’ ନିଜ କ୍ଷୀରର ଗୁଣବତ୍ତା ବୃଦ୍ଧିଲାଗି ଭିଟାମିନ୍ ସି ଏବଂ ଭିଟାମିନ୍ ଇ ଯୁକ୍ତ ଖାଦ୍ୟ ଅଧିକ ଖାଆନ୍ତୁ। କାରଣ ମା’ କ୍ଷୀରରୁ ଶିଶୁକୁ ସମସ୍ତ ମାଇକ୍ରୋନ୍ୟୁଟ୍ରିଏଣ୍ଟ ମିଳିଥାଏ; ଯାହାକି ତା’ର ରୋଗପ୍ରତିରୋଧକ ଶକ୍ତି ବଢାଇବାରେ ସାହାଯ୍ୟ କରିଥାଏ। ଶିଶୁ ସଲିଡ୍ ଖାଦ୍ୟ ଖାଇବା ଆରମ୍ଭ କରିବା ପରେ ସବୁ ପ୍ରକାରର ପରିବା ସିଝା, ଫଳ ଆଦି ଖାଇବାକୁ ଦିଅନ୍ତୁ।
ସମ୍ପୂର୍ଣ୍ଣ ଘର ଭିତରେ ନ ରଖି ପ୍ରତିଦିନ କିଛି ସମୟ ସୂର୍ଯ୍ୟକିରଣ ସଂସ୍ପର୍ଶରେ ଆଣନ୍ତୁ। ବିଶେଷ କରି ସକାଳ ସୂର୍ଯ୍ୟ କିରଣ ସବୁଠାରୁ ଉପକାରୀ। ଏହାଦ୍ୱାରା ଦ୍ୱାରା ଶିଶୁକୁ ପର୍ଯ୍ୟାପ୍ତ ଭିଟାମିନ୍ ଇ ମିଳିବା ସହ ରୋଗପ୍ରତିରୋଧକ ଶକ୍ତି ବଢିଥାଏ; ଯାହାକି ଥଣ୍ଡା, କାଶ, ଛିଙ୍କ, ଜ୍ୱର ଏବଂ ଅନ୍ୟାନ୍ୟ ଭାଇରାଲ୍ ଡିଜିଜ୍ରୁ ରକ୍ଷା କରିଥାଏ।
ପ୍ରତିଦିନ ତେଲ ମସାଜ କରିବା ବି ରୋଗପ୍ରତିରୋଧକ ଶକ୍ତି ବଢାଇବାରେ ସାହାଯ୍ୟ କରିଥାଏ। କାରଣ ଏହାଦ୍ୱାରା ସେମାନଙ୍କ ହାଡ ସହ ମାଂସପେଶୀକୁ ମଜଭୁତ କରିଥାଏ ଏବଂ ପିଲାଙ୍କୁ ଭଲ ନିଦ ହେବାରେ ସାହାଯ୍ୟ କରିଥାଏ।
ପରିଷ୍କାର ପରିଚ୍ଛନ ରଖିବା ଏକ ଭଲ ଅଭ୍ୟାସ। ହେଲେ ଏଥିପାଇଁ ସେମାନଙ୍କୁ ବାହାରେ ଖେଳିବା କିମ୍ବା କୌଣସି ଜିନିଷ ଛୁଇଁବା ଆଦିରୁ ନିବୃତ୍ତ କରିବା ଠିକ୍ ନୁହେଁ। ସେମାନଙ୍କୁ ଏସବୁ କରିବାକୁ ଦିଅନ୍ତୁ ଏବଂ ଖେଳିବା ପରେ ଭଲ ଭାବେ ହାତ, ଗୋଡ ଆଦି ସଫା କରି ଦିଅନ୍ତୁ। ଏପରି କରିବା ଦ୍ୱାରା ପିଲାଙ୍କ ରୋଗପ୍ରତିରୋଧକ ଶକ୍ତି ବଢିବ। ନଚେତ୍ ହଠାତ୍ ପିଲା ବଡ ହେଲେ ଏଭଳି କୌଣସି ଜିନିଷ ସଂସ୍ପର୍ଶରେ ଆଜିଲେ ଆଲର୍ଜି ଭଳି ସମସ୍ୟାର ସମ୍ମୁଖୀନ ହୋଇପାରନ୍ତି।
