ନୂଆଦିଲ୍ଲୀ, ୬।୮ : କେନ୍ଦ୍ରୀୟ ଟିକସ ବୋର୍ଡର ମୁଖପାତ୍ର ଆୟକର ବିଭାଗର କାର୍ଯ୍ୟ ସମ୍ପର୍କରେ ସୂଚନା ଦେଇଛନ୍ତି। ସେ କହିଛନ୍ତି ଯେ ଅଗଷ୍ଟ ୨ ତାରିଖରେ ଆୟକର ବିଭାଗ ଟିମ ଚଳଚ୍ଚିତ୍ର ଶିଳ୍ପ ସହିତ ଜଡିତ କେତେକ ନିର୍ମାତା, ବିତରକ ଏବଂ ଫାଇନାନ୍ସରଙ୍କ ଘରେ ଚଢ଼ାଉ କରିଥିଲା।
ସେ କହିଛନ୍ତି ଯେ ଚେନ୍ନାଇ, ମଦୁରାଇ, କୋଏମ୍ବାଟୁର ଏବଂ ଭେଲୋରରେ ଅବସ୍ଥିତ ପ୍ରାୟ ୪୦ଟି କୋଠାରେ ସର୍ଚ୍ଚ ଓ ଜବରଦଖଲ ଅପରେଶନ କରାଯାଇଥିଲା। ଏହି ସମୟ ମଧ୍ୟରେ ଅନାବଶ୍ୟକ ନଗଦ କାରବାର ଏବଂ ପୁଞ୍ଜି ବିନିଯୋଗ ସମ୍ବନ୍ଧୀୟ ଅନେକ କାଗଜପତ୍ର ଜବତ କରାଯାଇଥିଲା। ଏହା ସହିତ ୨୦୦ କୋଟିରୁ ଅଧିକ ଅଘୋଷିତ ଆୟ ଜବତ କରାଯାଇଛି।
ସେଣ୍ଟ୍ରାଲ ବୋର୍ଡ ଅଫ ଡାଇରେକ୍ଟ ଟ୍ୟାକ୍ସ ମୁଖପାତ୍ର କହିଛନ୍ତି ଯେ ସର୍ଚ୍ଚ ଅପରେଶନ ସମୟରେ ଅନାବଶ୍ୟକ ନଗଦ କାରବାର ଏବଂ ପୁଞ୍ଜି ବିନିଯୋଗ ସହ ଜଡିତ ଅନେକ କଗେଜପତ୍ର ଏବଂ ଡିଜିଟାଲ ପ୍ରମାଣ ଜବତ କରାଯାଇଛି। କେବଳ ଏତିକି ନୁହେଁ, ତଦନ୍ତ ସମୟରେ ଅନ୍ୟାନ୍ୟ ଲୁକ୍କାୟିତ ସ୍ଥାନ ସମ୍ପର୍କରେ ମଧ୍ୟ ସନ୍ଧାନ ମିଳିଛି। ଏହା ବ୍ୟତୀତ ୨୬ କୋଟି ଟଙ୍କା ମୂଲ୍ୟର ନଗଦ ଅଘୋଷିତ ଆୟ ୩ କୋଟିରୁ ଅଧିକ ମୂଲ୍ୟର ସୁନା ଅଳଙ୍କାର ଜବତ କରାଯାଇଛି। ଅଧିକ ଅନୁସନ୍ଧାନ ଚାଲିଛି ବୋଲି ସେ ସୂଚନା ପ୍ରଦାନ କରିଛନ୍ତି।
