କୋଭିଡ୍ ସହ ସଂଗ୍ରାମ କରି ଜୀବନ ବଞ୍ଚାଇ ପାରିଥିବା ଜଣେ ଯୁବକ ଏବେ କୋଭିଡ୍ ରୋଗୀଙ୍କ ସେବାରେ ଲାଗିଛନ୍ତି।
ଯୁବକଙ୍କ ନାମ ମହେନ୍ଦ୍ର ରେଡ୍ଡୀ। ବୟସ ୩୯। ରହନ୍ତି ହାଇଦ୍ରାବାଦରେ। କୋଭିଡ-୧୯ରେ ଆକ୍ରାନ୍ତ ହୋଇ ସୁସ୍ଥ ହେବା ପରେ ତାଙ୍କ ବାଇକରେ ଅନ୍ୟ ଆକ୍ରାନ୍ତଙ୍କୁ ହସ୍ପିଟାଲରେ ପହଞ୍ଚାଉଛନ୍ତି। ସେ କୋଭିଡରୁ ବଞ୍ଚତ୍ଗଲେ ସିନା ତାଙ୍କ ଭାଗୀଦାରି ବ୍ୟବସାୟୀ ବନ୍ଧୁ କିନ୍ତୁ ଚାଲିଗଲେ ଆରପାରିକୁ। ଠିକ୍ ସମୟରେ ହସ୍ପିଟାଲରେ ପହଞ୍ଚତ୍ ନ ପାରିବାରୁ ତାଙ୍କ ଜୀବନ ଚାଲିଗଲା। ଏହାପରେ ଅନ୍ୟ କେହି ଏଭଳି ପରିସ୍ଥିତିର ସାମ୍ନା ନ କରନ୍ତୁ ସେଥିପାଇଁ ମହେନ୍ଦ୍ର ଆକ୍ରାନ୍ତଙ୍କଠାରୁ ଖବର ପାଇବା କ୍ଷଣିି ବାଇକରେ ନେଇ ବଞ୍ଜରାହିଲ୍ସ୍ଥ ଟାଇମ୍ସ କ୍ଲିନିକରେ ପହଞ୍ଚାଇ ଦେଉଛନ୍ତି। ଚିକିତ୍ସା ଓ ସୁସ୍ଥତା ଲାଭ ଲାଗି ମନୋବଳ ଦୃଢ କରିବାକୁ ଆକ୍ରାନ୍ତମାନଙ୍କୁ ଆଶ୍ୱାସନା ଦେଉଛନ୍ତି। ଗତ ତିନି ମାସ ମଧ୍ୟରେ ସେ ୧୦୦ ଜଣ ଆକ୍ରାନ୍ତଙ୍କୁ ହସ୍ପିଟାଲରେ ପହଞ୍ଚାଇ ସାରିଲେଣି।
ତାଙ୍କର ଏଭଳି ସେବା ସମ୍ପର୍କରେ ସେ ପ୍ରଚାର କରି ଲୋକମାନଙ୍କୁ ଜଣାଉନାହାନ୍ତି କି କୌଣସି ସୋସିଆଲ ମିଡିଆର ସାହାଯ୍ୟ ନେଉନାହାନ୍ତି । ବରଂ ସାଙ୍ଗସାଥୀ କିମ୍ବା ଆକ୍ରାନ୍ତଙ୍କ ପରିବାରଠାରୁ ଖବର ପାଇଲେ ବାଇକ୍ ଧରି ପହଞ୍ଚତ୍ ଯାଉଛନ୍ତି । ଏଥିପାଇଁ କାହାଠାରୁ କିଛି ଅର୍ଥ ନେଉନାହାନ୍ତି । ବରଂ ଯେଉଁମାନଙ୍କ ପାଖରେ ଟଙ୍କା ନାହିଁ ସେମାନଙ୍କୁ ସାହାଯ୍ୟ କରୁଛନ୍ତି । ମହେନ୍ଦ୍ର ରିୟଲ ଇଷ୍ଟେଟରେ କାର୍ଯ୍ୟ କରିବା ସହ ଗୋଟିଏ ଛାତ୍ରୀ ହଷ୍ଟେଲର ପରିଚାଳନା କରୁଛନ୍ତି । କୋଭିଡ୍ ସଂକ୍ରମଣ ନ କମିବା ଯାଏ ଏଭଳି କାର୍ଯ୍ୟ ଜାରି ରହିବ ବୋଲି କହିଛନ୍ତି ।
