ନରେନ୍ ହାଁସଦ। ସମର୍ପିତ ଜୀବନର ଏକ ଜ୍ୱଳନ୍ତ ଦୃଷ୍ଟାନ୍ତ। ପଶ୍ଚିମବଙ୍ଗର ସାନ୍ତାଳି ଲୋକ ସଙ୍ଗୀତର ଗାୟକ ନରେନ୍ କେବଳ କଳା କ୍ଷେତ୍ରରେ ସୀମିତ ରହିନାହାନ୍ତି, ସେ ସାମାଜିକ ସେବା ଓ ବନୀକରଣକୁ ବି ବ୍ରତ ଭାବେ ଗ୍ରହଣ କରିଛନ୍ତି। ‘ସିଡୋକାହ୍ନୁ ମିଶନ’ ମାଧ୍ୟମରେ ତାଙ୍କ ଅଭିଯାନ ଚଳାଇଛନ୍ତି। ସିଡୋ କାହ୍ନୁ ମିଶନ୍ ସ୍କୁଲ ମଧ୍ୟ ପ୍ରତିଷ୍ଠା କରିଛନ୍ତି। ଉକ୍ତ ସ୍କୁଲ୍ରେ ୪୦୦ରୁ ଊର୍ଦ୍ଧ୍ୱ ଅସହାୟ ଛାତ୍ର ମାଗଣାରେ ପଢୁଛନ୍ତି। ନରେନ୍ ୩୦ଜଣ ଅନାଥ ପିଲାଙ୍କୁ ପୋଷ୍ୟ ଭାବେ ଗ୍ରହଣ କରିଛନ୍ତି। ସେ ଅଷ୍ଟମ ଯାଏ ପଢ଼ିଛନ୍ତି। ୨୦୧୨ରେ ପୈତୃକ ଗାଁ ଜାହାଜପୁର ଛାଡ଼ି ପୁରୁଲିଆ ଜିଲାର ଅଯୋଧ୍ୟା ପାର୍ବତ୍ୟାଞ୍ଚଳରେ ରହୁଛନ୍ତି । କଳାକାର ଲସାରାମ ଟୁଟୁଙ୍କଠାରୁ ମ୍ୟୁଜିକ୍ ଶିକ୍ଷା କରିବାକୁ ସେଠାକୁ ଯାଇଥିଲେ। ପରେ ଲସାରାମ ଭାଲିଡୁଙ୍ଗ୍ରି ଗାଁରେ ନରେନ୍ଙ୍କୁ ଅଧ ଏକର ଜମି ଦେବା ପରେ ସେ ସେଠାରେ ରହୁଛନ୍ତି । ପଶ୍ଚିମବଙ୍ଗ ସମେତ ଝାଡ଼ଖଣ୍ଡ, ବିହାର, ଦିଲ୍ଲୀ, ପଞ୍ଜାବ ଏବଂ ମହାରାଷ୍ଟ୍ରରେ ନରେନ୍ ଲୋକଗୀତ ପ୍ରଦର୍ଶନ କରୁଛନ୍ତି। କଳାର ବିକାଶ, ଅସହାୟ ପିଲାମାନଙ୍କ ଯନତ୍ ସହିତ ୪୩ ଏକର ଜମିରେ ଜଙ୍ଗଲ ସୃଷ୍ଟି କରିପାରିଛନ୍ତି ନରେନ୍।
