ନିରବଚ୍ଛିନ୍ନ ପ୍ରୟାସ ଓ ଦୃଢ଼ ଇଚ୍ଛାଶକ୍ତି ଦ୍ୱାରା ସଫଳତା ମିଳେ, ଯାହା ପ୍ରମାଣ କରିଛନ୍ତି ରାଜସ୍ଥାନ ଏକାଲଖୋରି ଗାଁର ରାଣାରାମ ବିଷ୍ଣୋଇ । ଗଛ ପରିବେଶ ଓ ଜୀବନର ସୁରକ୍ଷା କରିବ ବୋଲି ସେ ୫ ଦଶନ୍ଧି ପୂର୍ବରୁ ଚିନ୍ତା କରିଥିଲେ ଏବଂ ବୃକ୍ଷରୋପଣ ଆରମ୍ଭ କରିଥିଲେ। ୮୬ ବର୍ଷୀୟ ରାଣାରାମ ଯୋଧପୁର ଜିଲାର ତାଙ୍କ ଗାଁ ନିକଟରେ ୧୦ ଏକର ଜମିରେ ୨୭,୦୦୦ ଗଛ ଲଗାଇ ବଢ଼ାଇପାରିଛନ୍ତି। ସେ ବିଶେଷକରି ଖଜୁରି, ନିମ୍ବ, ବବୁଲ ଗଛ ଲଗାଇଛନ୍ତି। ଏହିକ୍ରମରେ ଗଛ ଉତ୍ତାରିବାକୁ ତାଙ୍କୁ ୫ ଦଶନ୍ଧି ଲାଗିଯାଇଛି। ଦିନେ ଛାଡ଼ି ଦିନେ ସେ ଦୀର୍ଘ ୩ କିଲୋମିଟର ଦୂରରୁ ତାଙ୍କର ଜଣେ ବନ୍ଧୁଙ୍କ ଟ୍ୟୁବଓ୍ବେଲରୁୁ ଓଟ ଦ୍ୱାରା ପାଣି ଆଣି ଗଛ ବଢ଼ାଇଛନ୍ତି। ଗଛର ସୁରକ୍ଷା ପାଇଁ ସେ ବାଡ଼ ଦେଇଥିଲେ। ଏବେ ଗଛ ବଢ଼ିଗଲାଣି। ଲୋକେ ରାଣାରାମଙ୍କୁ ‘ଆହୁ’ ବା ଗଛ ମଣିଷ ବୋଲି ସମ୍ବୋଧନ କରୁଛନ୍ତି। ଏହି କାର୍ଯ୍ୟରେ ଗାଁର ମହିଳା ଓ ତାଙ୍କ ପରିବାର ଲୋକେ ମଧ୍ୟ ସହଯୋଗ କରିଛନ୍ତି। ଏବେ ଗଛ ଯୋଗୁ ମରୁବାଲି ଆଉ ଚାଷଜମିରେ ଜମା ହେଉନାହିଁ । ଫଳରେ ଲୋକେ ଚାଷ କରିପାରୁଛନ୍ତି।
