ବରଗଡ଼,୨୬।୪(ପ୍ରେମାନନ୍ଦ ଖମାରୀ): ବରଗଡ଼ ସାମାଜିକ ଅନୁଷ୍ଠାନ ସଂକଳ୍ପ ପରିବାରର ସ୍ବେଚ୍ଛାସେବୀମାନେ ଶନିବାର ଜଣେ ଅଚିହ୍ନା ଯୁବକଙ୍କ ମୃତଦେହକୁ ସତ୍କାର କରିଛନ୍ତି । ଗତ ୨୧ତାରିଖ ବରଗଡ଼ କେନଲରୁ ଭାସମାନ ଅବସ୍ଥାରେ ଶବ ଉଦ୍ଧାର ହୋଇଥିଲା। ବରଗଡ଼ ଟାଉନ ଥାନା ପୋଲିସ ଏକ ଅପମୃତ୍ୟୁ ମାମଲା ରୁଜୁ କରି ତଦନ୍ତ ଚଲାଇଥିଲା। ଶବକୁ ସ୍ଥାନୀୟ ଡାକ୍ତରଖାନାର ଶବ ସଂରକ୍ଷଣ ଗୃହରେ ରଖାଯାଇଥିଲା। କିନ୍ତୁ ଶନିବାର ସକାଳ ସୁଦ୍ଧା ଯୁବକଙ୍କ ପରିଚୟ ଜଣା ପଡି ନଥିଲା। ଫଳରେ ବରଗଡ଼ ଟାଉନ ଥାନା ପୋଲିସର ଅନୁରୋଧକ୍ରମେ ସାମାଜିକ ଅନୁଷ୍ଠାନ ସଂକଳ୍ପ ପରିବାରର ସ୍ବେଚ୍ଛାସେବୀମାନେ ଟାଣଖରାକୁ ଖାତର ନ କରି
ଖବର ପାଇବା ମାତ୍ରେ ଶବ ସତ୍କାର ପାଇଁ ବାହାରିଥିଲେ । ବରଗଡ଼ ଜିଲା ମୁଖ୍ୟ ଚିକିତ୍ସାଲୟ ଶବ ସଂରକ୍ଷଣ ଗୃହରୁ ମହାପ୍ରୟାଣ ଗାଡି ସାହାଯ୍ୟରେ ମୃତ ଶବ ନେଇ ପିପାଳମୁଣ୍ଡାସ୍ଥିତ ସ୍ବର୍ଗଦ୍ୱାରରେ ସତ୍କାର କରିଥିଲେ। ସଂକଳ୍ପ ପରିବାରର ସମ୍ପାଦକ ଜି. ରମେଶ, ନୀଲେଶ ପଧାନ, ଚନ୍ଦନ ପଧାନ, ଶେଷଦେବ ପଧାନ, ଅନନ୍ତ ଚରଣ ପାଢ଼ୀ, ସାଶାଙ୍କ ଦୁବେ ପ୍ରମୁଖ ଶବ ସତ୍କାରରେ ସାମିଲ ଥିଲେ।
