ଦାରିଙ୍ଗବାଡି,୧୧।୧(ଅରୁଣ ସାହୁ):କନ୍ଧମାଳ ଜିଲା ଦାରିଙ୍ଗବାଡି ଅଞ୍ଚଳରେ ଶନିବାର ପ୍ରବଳ ଜାଡ଼ ଅନୁଭୂତ ହେବା ସହ ଠାଏ ଠାଏ ତୁଷାରପାତ ହୋଇଛି। ପ୍ରତିବର୍ଷ ୯ରୁ ୧୫ ପର୍ଯ୍ୟନ୍ତ ଏହି ସମୟରେ ଅଞ୍ଚଳରେ ତୁଷାରପାତ ହେବା ନଜିର ରହିଥିବା ବେଳେ ସେହି ସମାନ ପ୍ରକ୍ରିୟା ଜାରି ରହିଛ। ହଠାତ ଅସହ୍ୟ ଜାଡ଼ ପାଇଁ ଜନଜୀବନ ଅସ୍ତବ୍ୟସ୍ତ ହୋଇପଡିବା ସହ କାମ ଧନ୍ଦା ପାଇଁ ଲୋକ ଘରୁ ପଦାକୁ ବାହାରିବା ମୁସ୍କିଲ ହୋଇପଡିଛି। ଦାରିଙ୍ଗବାଡିକୁ ଆସିଥିବା ପର୍ଯ୍ୟଟକ କିନ୍ତୁ ଶୀତର ମଜା ନେବା ସହ ତୁଷାରପାତ ଦେଖି ଆଶ୍ଚର୍ଯ୍ୟ ଅନୁଭବ କରିଛନ୍ତି। ପର୍ଯ୍ୟଟକ ମାନେ ବିଭିନ୍ନ ତୁଷାରପାତ ହୋଇଥିବା ସ୍ଥାନ ଗୁଡିକ ବୁଲୁଥିବା ବେଳେ ପର୍ଯ୍ୟଟନକ୍ଷେତ୍ର ବୁଲି ତାର ମଜା ନେଉଛନ୍ତି। ଆଜି ଦାରିଙ୍ଗବାଡିରେ ଶୀତ ମହୋତ୍ସବ ହେବାକୁ ରହିଥିବା ବେଳେ ଦାରିଙ୍ଗବାଡିରେ ତୁଷାରପାତକୁ ନେଇ ଅଞ୍ଚଳବାସୀଙ୍କ ମଧ୍ୟରେ ଖୁସିର ଲହରୀ ଦେଖାଯାଇଛି। ଶୀତ ମହୋତ୍ସବ ପଡିଆରେ ମଧ୍ୟ ତୁଷାରପାତ ହୋଇଥିବା ସହ କଫି ବଗିଚା, ଇଲେକ୍ଟ୍ରି କାର୍ଯ୍ୟାଳୟ ନିକଟ, ଡୁଲୁରୀ, ଆଦି ଅଞ୍ଚଳରେ ତୁଷାରପାତ ହୋଇଛି।
