ଗଞ୍ଜାମ ଜିଲା: ଘୋଷଣା ହେଉନି ନୂଆ ମ୍ୟୁନିସିପାଲିଟି, ଏନ୍‌ଏସି

ବ୍ରହ୍ମପୁର ଅଫିସ,୨୫ା୮: ଆସନ୍ତା ୩୧ ତାରିଖରେ ପାଳନ ହେବ ନିଖିଳ ଭାରତ ସ୍ବାୟତ୍ତ ଶାସନ ଦିବସ। ୨୦୧୮ ଅକ୍ଟୋବର ପହିଲାରୁ ଗତ ମାର୍ଚ୍ଚ ମାସ ପର୍ଯ୍ୟନ୍ତ ସ୍ବାୟତ୍ତ ଶାସନ ସଂସ୍ଥାରେ ଚାଲିଥିଲା ଅମଲାତନ୍ତ୍ରୀ ଶାସନ। ଅନ୍ୟପକ୍ଷରେ ମହାମାରୀ କରୋନା କାରଣରୁ ଗତ ୩ ବର୍ଷ ଏହି ଦିବସ ପାଳନ ପାଇଁ କଟକଣା ରହିଥିଲା। ଚଳିତବର୍ଷ କୋହଳ ହୋଇଛି ଏବଂ ନିର୍ବାଚିତ ପରିଷଦ ଗଠନ ହୋଇଛି। ଗଞ୍ଜାମ ଜିଲାରେ ବ୍ରହ୍ମପୁର ମହାନଗର ନିଗମ ଓ ହିଞ୍ଜିଳିକାଟୁ ମ୍ୟୁନିସିପାଲିଟି ଏବଂ ଆଉ ୧୬ ଏନ୍‌ଏସି ରହିଛି। ସ୍ବାୟତ୍ତ ଶାସନ ଦିବସ ପାଳନ ନିମନ୍ତେ ସବୁ ପୌରସଂସ୍ଥାରେ ବ୍ୟାପକ ପ୍ରସ୍ତୁତି ଚାଲିଛି। ବ୍ରହ୍ମପୁର ମହାନଗର ନିଗମ ପକ୍ଷରୁ ଗୁରୁବାରଠାରୁ ସପ୍ତାହେ ବ୍ୟାପି ବିଭିନ୍ନ କାର୍ଯ୍ୟକ୍ରମ ଆୟୋଜନ କରାଯିବାକୁ ସ୍ଥିର ହୋଇଛି। ଅନ୍ୟପକ୍ଷରେ ଦୀର୍ଘବର୍ଷର ଦାବି ବହୁ ପୁରାତନ ଛତ୍ରପୁର, ଭଞ୍ଜନଗର ଓ ଆସିକା ଏନଏସିକୁ ମ୍ୟୁନିସିପାଲିଟି ଘୋଷଣା କରିବାରେ ସରକାର ଅଣଦେଖା କରିଛନ୍ତି। ସେହିପରି ମୁଖ୍ୟମନ୍ତ୍ରୀଙ୍କ ନିର୍ବାଚନ ମଣ୍ଡଳୀର ଶେରଗଡ଼, ଦିଗପହଣ୍ଡି ନିର୍ବାଚନ ମଣ୍ଡଳୀର କୁକୁଡ଼ାଖଣ୍ଡି ଏବଂ ବର୍ତ୍ତମାନର ନଗର ଉନ୍ନୟନ ମନ୍ତ୍ରୀଙ୍କ ନିର୍ବାଚନ ମଣ୍ଡଳୀର ପାତ୍ରପୁରକୁ ଏନଏସି ଘୋଷଣା କରାଯାଇ ନ ଥିବାରୁ ସମ୍ପୃକ୍ତ ଅଞ୍ଚଳବାସୀ ଅସନ୍ତୋଷ ବ୍ୟକ୍ତ କରିଛନ୍ତି। ସମସ୍ତ ଭିତ୍ତିଭୂମି ଥିବାରୁ ସ୍ବାୟତ୍ତ ଶାସନ ଦିବସ ପୂର୍ବରୁ ରାଜ୍ୟ ସରକାର ୩ ମ୍ୟୁନିସିପାଲିଟି ଓ ୩ ନୂଆ ଏନଏସି ଘୋଷଣା କରିବାକୁ ସଚେତନ ମହଲରୁ ଗୁରୁତ୍ୱ ଦିଆଯାଇଛି।

ତଥ୍ୟ ଅନୁସାରେ ଦୀର୍ଘ ବର୍ଷ ପରେ ଗଞ୍ଜାମ ଜିଲାରୁ ଚିକିଟି ବିଧାୟିକା ଉଷା ଦେବୀ ନଗର ଉନ୍ନୟନ ବିଭାଗର କ୍ୟାବିନେଟ ମନ୍ତ୍ରୀ ହୋଇଛନ୍ତି। ଏହା ପୂର୍ବରୁ ୯୦ ଦଶକର ଶେଷ ବେଳକୁ ମୁଖ୍ୟମନ୍ତ୍ରୀ ହୋଇଥିବା ଗିରିଧର ଗମାଙ୍ଗଙ୍କ କଂଗ୍ରେସ ସରକାର ବେଳେ ଆସିକା ବିଧାୟିକା ଉଷାରାଣୀ ପଣ୍ଡା ନଗର ଉନ୍ନୟନ ବିଭାଗର ରାଷ୍ଟ୍ରମନ୍ତ୍ରୀ ହୋଇଥିଲେ। ସେ ସ୍ବଳ୍ପ କାଳ ମନ୍ତ୍ରୀ ପଦ ସମ୍ଭାଳିଥିଲେ। ୭୦ ଦଶକରେ ନନ୍ଦିନୀ ଶତପଥୀଙ୍କ କଂଗ୍ରେସ ସରକାରରେ ଗୋପାଳପୁର ବିଧାୟକ ପଦ୍ମଶ୍ରୀ ମୋହନ ନାୟକ ନଗର ଉନ୍ନୟନ ବିଭାଗ ମନ୍ତ୍ରୀ ଥିଲେ। ଗଞ୍ଜାମ ଜିଲାରୁ ନଗର ଉନ୍ନୟନ ମନ୍ତ୍ରୀ ହୋଇଥିବା ୩ ଜଣଙ୍କ ମଧ୍ୟରୁ ୨ ଜଣ ମହିଳା। କଂଗ୍ରେସ ଶାସନରେ ମନ୍ତ୍ରୀ ହୋଇଥିବା ମୋହନ ନାୟକ ଓ ଉଷାରାଣୀ ପଣ୍ଡା ଆରପାରିକୁ ଚାଲିଯାଇଛନ୍ତି। ବିଜେଡିରୁ ୬ ଥର ବିଧାୟିକା ହୋଇଥିବା ଉଷା ଦେବୀ ୨୦୦୯ ରୁ ୨୦୧୯ ମଧ୍ୟରେ ଏକାଧିକଥର କ୍ୟାବିନେଟ ମନ୍ତ୍ରୀ ପଦ ପାଇ ବିଭିନ୍ନ ବିଭାଗ ସମ୍ଭାଳିଥିବା ନଜିର ଅଛି। ଏବେ ତାଙ୍କୁ ସହରାଞ୍ଚଳ ଉନ୍ନୟନ ମନ୍ତ୍ରୀ ଦାୟିତ୍ୱ ମିଳିଛି।

ଆନ୍ଧ୍ର ସୀମାନ୍ତ ତଥା ଉପାନ୍ତ ଇଲାକା ବହୁଳ ଚିକିଟି ନିର୍ବାଚନ ମଣ୍ଡଳୀର ମିନି ସହର ପାତ୍ରପୁରକୁ ଏନଏସି ମାନ୍ୟତା ଦେବାକୁ ସମସ୍ତ ଭିତ୍ତିଭୂମି ରହିଛି। ତେଣୁ ବିଭାଗୀୟ ମନ୍ତ୍ରୀ ଏହାକୁ ଅଧିକ ଗୁରୁତ୍ୱ ଦେଇ କାର୍ଯ୍ୟକାରୀ କରିବା ପାଇଁ ଅଞ୍ଚଳବାସୀଙ୍କ ପକ୍ଷରୁ ଦାବି କରାଯାଇଛି। ସ୍ବାୟତ୍ତ ଶାସନ ଦିବସ ପୂର୍ବରୁ ନଚେତ୍‌ ଆସନ୍ତା ୩୧ ତାରିଖରେ ପାତ୍ରପୁର ସମେତ କୁକୁଡ଼ାଖଣ୍ଡି ଓ ଶେରଗଡ଼କୁ ଏନଏସି ଘୋଷଣା ଏବଂ ଭଞ୍ଜନଗର, ଆସିକା ଓ ଛତ୍ରପୁରକୁ ପୌରପାଳିକା ସଂସ୍ଥା ତଥା ମ୍ୟୁନିସିପାଲିଟି ଘୋଷଣା କରାଯିବାକୁ ମତ ପ୍ରକାଶ ପାଇଛି। ମନ୍ତ୍ରୀ କ’ଣ ପଦକ୍ଷେପ ନେବେ ସେଥିପାଇଁ ଅପେକ୍ଷା କରାଯାଇଛି।


Enter your email to get our daily news in your inbox.

All Right Reserved By Dharitri.Com

ବିଜେଡି ଛାଡ଼ି ପାରନ୍ତି ପୂର୍ବତନ ଏମପି ପ୍ରସନ୍ନ ପାଟ୍ଟଶାଣୀ!

ଭୁବନେଶ୍ୱର,୧୯।୪: ଓଡ଼ିଶା ରାଜନୀତିରେ ଏବେ କେବଳ ଦଳ ବଦଳ ଚାଲିଛି। ଦଳରେ ଅନେକ ଦିନରୁ ଥିବା ବରିଷ୍ଠ ନେତାମାନେ ମଧ୍ୟ ଟିକେଟ ନ ମିଳିବାରୁ ଓ...

‘କ୍ରୁଜ୍‌’ କ୍ଷେପଣାସ୍ତ୍ରର ସଫଳ ପରୀକ୍ଷଣ

ବାଲେଶ୍ୱର, ୧୯।୪(ମାନସ ବିଶ୍ୱାଳ):ବାଲେଶ୍ୱର ଚାନ୍ଦିପୁରସ୍ଥିତ ପ୍ରତିରକ୍ଷା ଗବେଷଣା ଓ ବିକାଶ ସଙ୍ଗଠନ (ଡିଆରଡିଓ) ପକ୍ଷରୁ ଇଣ୍ଟିଗ୍ରେଟେଡ୍‌ ଟେଷ୍ଟ ରେଞ୍ଜ (ଆଇଟିଆର୍‌)ରୁ ସ୍ବଦେଶୀ ଜ୍ଞାନକୌଶଳରେ ନିର୍ମିତ ‘କ୍ରୁଜ୍‌’...

ବହୁ ପୁରାତନ ବଗିବନ୍ଧ କାର୍ଯ୍ୟାରମ୍ଭ

ରାଜକନିକା,୧୯।୪(ସଞ୍ଜୟ କୁମାର ଦାଶ): ରାଜକନିକା ବ୍ଲକର ମରହଟ୍ଟା ବନ୍ଧ ବା ବଗିବନ୍ଧ ଭାବେ ଜଣାଶୁଣା କନିକା ଉପଖଣ୍ଡ ସାଲାଇନ୍‌ ଏମବାଗମେଣ୍ଟର କାର୍ଯ୍ୟ ଆରମ୍ଭ ହୋଇଛି। ୨୫ ଲକ୍ଷ...

ମାଲକାନଗିରି ଜିଲା ସୀମାରେ ହାଇ ଆଲର୍ଟ

ମାଲକାନଗିରି,୧୯ା୪(ଦୁର୍ଯ୍ୟୋଧନ ପାତ୍ର):ମାଲକାନଗିରି ଜିଲା ସୀମାନ୍ତ ଛତିଶଗଡ଼ରେ ଶୁକ୍ରବାର ପ୍ରଥମ ପର୍ଯ୍ୟାୟ ନିର୍ବାଚନ ଅନୁଷ୍ଠିତ ହେବ। ମାଓବାଦୀମାନେ ସୀମାନ୍ତ ଛତିଶଗଡ଼ରେ ସେମାନଙ୍କର କାୟା ବିସ୍ତାରକରି ନିର୍ବାଚନକୁ ଭଣ୍ଡୁର...

ଉନ୍ନୟନମୂଳକ କାର୍ଯ୍ୟରେ ବ୍ୟାପକ ଦୁର୍ନୀତି ଅଭିଯୋଗ

ପଟ୍ଟାମୁଣ୍ଡାଇ,୧୯।୪(କଳ୍ପତରୁ ନାୟକ): କେନ୍ଦ୍ରାପଡ଼ା ଜିଲା ପଟ୍ଟାମୁଣ୍ଡାଇ ପୌରପରିଷଦ ପକ୍ଷରୁ କରାଯାଇଥିବା ଉନ୍ନୟନମୂଳକ କାର୍ଯ୍ୟରେ ବ୍ୟାପକ ଦୁର୍ନୀତିର ଗନ୍ଧ ସ୍ପଷ୍ଟ ବାରି ହେଉଥିବା ନେଇ ଅଭିଯୋଗ ଆସୁଥିଲେ...

ଭିଟାମାଟି ଛାଡ଼ି ଅନୁତପ୍ତ ବୁଡ଼ଇଞ୍ଚଳ ବିସ୍ଥାପିତ

ବଲାଙ୍ଗୀର, ୧୯ା୪(ବୀରେନ୍ଦ୍ର କୁମାର ଝାଙ୍କର):ଲୋୟର ସୁକ୍‌ତେଲ ଡ୍ୟାମ୍‌ ହେଲେ ଚିର ମରୁଡି ପ୍ରପୀଡିତ ବଲାଙ୍ଗୀର ଜିଲା ଜଳପ୍ଳାବିତ ହେବ। ହଜାର ଏକର କୃଷିକ୍ଷେତ୍ରକୁ ପାଣି ମାଡ଼ିବ।...

ଭାଜପାରେ ବଢୁଛି ଗୋଷ୍ଠୀ କନ୍ଦଳ

ପାଟଣା,୧୯ା୪(ବୀର କିଶୋର ଦାଶ):କେନ୍ଦୁଝର ଜିଲା ପାଟଣା ବିଧାନସଭା କ୍ଷେତ୍ର ପାଇଁ ମଙ୍ଗଳବାର ଭାଜପା ଅବସରପ୍ରାପ୍ତ ପ୍ରଶାସନିକ ଅଧିକାରୀ ଅଖିଳ ଚନ୍ଦ୍ର ନାୟକଙ୍କ ନାମ ଘୋଷଣା କରିଛି।...

ଭୋଟ ଭିକ୍ଷା କଲେ ପ୍ରଣବ ଦାସ: ମୁଖ୍ୟମନ୍ତ୍ରୀଙ୍କୁ ସଶକ୍ତ କରିବାବୁ ଆଶୀର୍ବାଦ ଦିଅ

ଅନୁଗୋଳ,୧୯।୪ (ଅମିତ କୁମାର ସାମଲ):ସମ୍ବଲପୁର ଲୋକ ସଭା କ୍ଷେତ୍ରର ବିଜେଡି ପ୍ରାର୍ଥୀ ତଥା ବିଜେଡି ରାଜ୍ୟ ସାଙ୍ଗଠନିକ ସମ୍ପାଦକ ପ୍ରଣବ ପ୍ରକାଶ ଦାସ (ବବି) ଏହି...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri