ଭାବ ଲଗାଇଲେନି ଭାବବିନୋଦିଆ

ଅନୁଗୋଳ ଅଫିସ, ୨୮।୧୧
ଦୀର୍ଘ ୨୫ ବର୍ଷ ପରେ ଶୁକ୍ରବାର ଅତି ଦୁର୍ଲଭ ନାଗାର୍ଜୁନ ବେଶରେ ସଜ୍ଜିତ ହୋଇଥିଲେ ଶ୍ରୀଜୀଉ। ଅନୁଗୋଳ ଶୈଳଶ୍ରୀକ୍ଷେତ୍ରରେ ଏହା ଥିଲା ତିନିଠାକୁରଙ୍କ ପ୍ରଥମ ବୀର ବେଶ। ତେଣୁ ଏହି ଦିନକୁ ଅତି ଆତୁର ହୋଇ ଚାହିଁ ରହିଥିଲେ ଜିଲାର ହଜାର ହଜାର ଶ୍ରଦ୍ଧାଳୁ। କରୋନା କାରଣରୁ ଦୀର୍ଘ ୭ ମାସ ହେଲା ମନ୍ଦିର ଦ୍ୱାର ଭକ୍ତଙ୍କ ପାଇଁ ବନ୍ଦ ରହିଥିବା ବେଳେ ଏହି ବିରଳ ବେଶ ପୂର୍ବରୁ ସରକାର କଟକଣା କୋହଳ କରିପାରନ୍ତି ବୋଲି ସେମାନେ ଆଶା କରିଥିଲେ। ହେଲେ ଏ ଦିଗରେ ସରକାର ପଦକ୍ଷେପ ନ ନେବାରୁ ଭକ୍ତମାନେ ନିରାଶ ହୋଇଛନ୍ତି। ଏ ନେଇ ଅନେକେ ସରକାରଙ୍କ କଠୋର କଟକଣାକୁ ଦାୟୀ କରିଥିବା ବେଳେ ଆଉ କେତେଜଣ ଶ୍ରଦ୍ଧାଳୁ ଭାବ ବିନୋଦିଆ ଭାବ ଲଗାଇଲେନି ବୋଲି ମତବ୍ୟକ୍ତ କରିଛନ୍ତି।
୨୦୦୨ ମସିହାରେ ପ୍ରତିଷ୍ଠା ହୋଇଥିଲା ଅନୁଗୋଳ ଶୈଳଶ୍ରୀକ୍ଷେତ୍ର। ତେଣୁ ପ୍ରଥମ କରି ୩ ଠାକୁରଙ୍କ ଏହି ପରାକ୍ରମୀ ବେଶ ଦେଖିବା ପାଇଁ ଅନୁଗୋଳବାସୀଙ୍କ ମଧ୍ୟରେ ବେଶ୍‌ ଉତ୍ସାହ ଥିଲା। ମନ୍ଦିର ପରିଚାଳନା କମିଟି ପକ୍ଷରୁ ମଧ୍ୟ ବହୁ ପୂର୍ବରୁ ପ୍ରସ୍ତୁତି ଆରମ୍ଭ କରାଯାଇଥିଲା। ବନ୍ତଳାରେ ଥିବା କାରିଗରଙ୍କୁ ଧନୁ, ତୀର ଓ ଅନ୍ୟ ଅସ୍ତ୍ରଶସ୍ତ୍ର ନିର୍ମାଣ ପାଇଁ ବରାଦ ଦିଆଯାଇଥିଲା। ଶୁକ୍ରବାର ନିର୍ଦ୍ଧାରିତ ପରମ୍ପରା ଅନୁଯାୟୀ ସରକାରୀ କଟକଣା ମଧ୍ୟରେ ଶୈଳଶ୍ରୀକ୍ଷେତ୍ରରେ ତିନି ଠାକୁରଙ୍କ ନାଗାର୍ଜୁନ ବେଶ କରାଯାଇଥିଲା। ଏହା ପୂର୍ବରୁ ସବୁଦିନ ଭଳି ଅନ୍ୟ ନୀତିକାନ୍ତି ଶେଷ କରାଯାଇଥିଲା। ଭୋର୍‌ ୬ଟା ବେଳେ ଦିଅଁଙ୍କୁ ବୀର ବେଶରେ ସାଜସଜ୍ଜା କାର୍ଯ୍ୟ ଆରମ୍ଭ ହୋଇଥିଲା। ମନ୍ଦିରର ପୂଜକ ମାନସ ରଞ୍ଜନ କର ଓ ତାଙ୍କ ସହଯୋଗୀମାନେ ଏହି କାର୍ଯ୍ୟ ସମ୍ପନ୍ନ କରିଥିଲେ। ତିନି ଦିଅଁଙ୍କ ମଥାରେ ପଗଡ଼ି ବାନ୍ଧିବା ସହ ଯୋଦ୍ଧା ଭାବେ ସଜାଇଥିଲେ। ପୂର୍ବରୁ ପ୍ରସ୍ତୁତ କରି ରଖାଯାଇଥିବା ପାରମ୍ପରିକ ଅସ୍ତ୍ରଶସ୍ତ୍ର ମହାବାହୁ ଧାରଣ କରିଥିଲେ। ପୂର୍ବାହ୍ନ ୭ଟାରେ ମହାପ୍ରଭୁ ନାର୍ଗାଜୁନ ବେଶରେ ସଜ୍ଜିତ ହୋଇଥିବା ମନ୍ଦିର ପରିଚାଳନା କମିଟି ପକ୍ଷରୁ ସୂଚନା ଦିଆଯାଇଛି। ତେବେ ମଧ୍ୟାହ୍ନ ଧୂପ ପରେ ଉକ୍ତ ବେଶ ଓଲାଗି କରାଯାଇଥିଲା। କିନ୍ତୁ ଠାକୁରଙ୍କୁ ଏହି ବେଶରେ ଶ୍ରଦ୍ଧାଳୁମାନେ ଦର୍ଶନ କରିପାରି ନ ଥିବା ଦୁଃଖର ବିଷୟ ବୋଲି କମିଟି କର୍ମକର୍ତ୍ତାମାନେ କହିଛନ୍ତି।
ବିରଳ ବେଶ ଦର୍ଶନ ଆଉ ସମ୍ଭବ ନୁହେଁ
ମହାପ୍ରଭୁଙ୍କ ଏହି ବିରଳ ବେଶ ଦର୍ଶନ ଭାଗ୍ୟରେ ଥିଲେ ମିଳେ। ଦୀର୍ଘ ୨୫ ବର୍ଷ ପରେ ଏହି ନାଗାର୍ଜୁନ ବେଶ ପଡ଼ୁଥିବାରୁ ପୁରୀ ଯାଇ ନ ପାରିଲେ ମଧ୍ୟ ଅନୁଗୋଳରେ ଦେଖିବାର ଇଚ୍ଛା ଥିଲା। କିନ୍ତୁ କରୋନା ଯୋଗୁ ସେହି ଆଶା ଆଶାରେ ରହିଗଲା। ଆଉ ଥରେ ସୁଯୋଗ ପାଇବି କି ନାହିଁ ଜଣାନାହିଁ।
-ସୌଦାମିନୀ ବାରିକ, ଶ୍ରଦ୍ଧାଳୁ
ସବୁ କାଳିଆର ଲୀଳା
ବଡ଼ ଠାକୁରଙ୍କ ବଡ଼ ଲୀଳା। ସବୁ ତାଙ୍କରି ଇଚ୍ଛାରେ ଚାଲିଛି। ବିନା ଭକ୍ତରେ ଏଥର ରଥଯାତ୍ରା ହେଲା। ବଡ଼ଦାଣ୍ଡରେ ରଥ ଗଡ଼ିଲେ ବି ଭକ୍ତଙ୍କୁ ବାରଣ କରାଗଲା। ଆଉ ଏବେ ଦୁର୍ଲଭ ନାଗାର୍ଜୁନ ବେଶ ଦର୍ଶନରୁ ଲକ୍ଷ ଲକ୍ଷ ଶ୍ରଦ୍ଧାଳୁଙ୍କୁ ବଞ୍ଚିତ ରଖାଗଲା। ବୋଧହୁଏ ଏହା କାଳିଆର ଇଚ୍ଛା।
-ସ୍ବର୍ଣ୍ଣପ୍ରଭା ପ୍ରଧାନ, ଶ୍ରଦ୍ଧାଳୁ
ବଞ୍ଚିତ କଲା କରୋନା
୧୯୯୪ରେ ଶ୍ରୀମନ୍ଦିରରେ ହୋଇଥିବା ନାଗାର୍ଜୁନ ବେଶ ଦର୍ଶନ ପାଇଁ ପୁରୀ ଯାଇପାରି ନ ଥିଲି। ଏଥର ଅନୁଗୋଳ ଶୈଳଶ୍ରୀକ୍ଷେତ୍ରରେ ସେହି ଆଶା ପୂରଣ ହେବ ବୋଲି ଭାବିଥିଲି। କିନ୍ତୁ ଏ କରୋନା ସବୁ ସାରିଦେଲା। ଠାକୁରଙ୍କୁ ଆଉ ବୀର ବେଶରେ ଦେଖିପାରିବି କି ନାହିଁ ସେ ନେଇ ଦ୍ୱନ୍ଦ୍ୱରେ ପଡ଼ିଛି।
-ସଞ୍ଜୁବାଳା ପାଢ଼ୀ, ଶ୍ରଦ୍ଧାଳୁ
ଏମିତି ସ୍ଥିତି କଥା ଭାବି ନ ଥିଲୁ
ଶୈଳଶ୍ରୀକ୍ଷେତ୍ର ଜଗନ୍ନାଥ ମନ୍ଦିରରେ ପ୍ରଥମ ଥର ପାଇଁ ମହାପ୍ରଭୁଙ୍କ ଏହି ବିରଳ ବେଶ ହୋଇଥିଲା। ଏଥିପାଇଁ ବର୍ଷକ ପୂର୍ବରୁ ପ୍ରସ୍ତୁତି ଚଳାଇଥିଲୁ। ମହାମାରୀ ଏମିତି ସ୍ଥିତି ସୃଷ୍ଟି କରିବ ବୋଲି କେବେ ଭାବି ନ ଥିଲୁ। କିନ୍ତୁ ସରକାର ମନ୍ଦିର ଦ୍ୱାର ଭକ୍ତଙ୍କ ପାଇଁ ଏଯାଏ ଖୋଲି ନ ଥିବାରୁ ଶ୍ରଦ୍ଧାଳୁମାନେ ଦର୍ଶନରୁ ବଞ୍ଚିତ ହୋଇଛନ୍ତି।
-ହେମନ୍ତ ଦାସ, ସାଧାରଣ ସମ୍ପାଦକ, ମନ୍ଦିର ପରିଚାଳନା କମିଟି


Enter your email to get our daily news in your inbox.

All Right Reserved By Dharitri.Com

ଘରକୁ ଫେରିଲେ ଦୁବାଇରେ ଫସିଥିବା ୨ ଶ୍ରମିକ

ନୟାଗଡ଼ ଅଫିସ,୨୯।୬: ନୟାଗଡ଼ ଜିଲା ଓଡ଼ଗାଁ ବ୍ଳକ କୁରୁଡ଼ଙ୍ଗ ଗ୍ରାମରେ ଦୁବାଇରେ ଫସିଥିବା ୨ ଜଣ ଓଡିଆ ଶ୍ରମିକ ଶୁକ୍ରବାର ଘରକୁ ଫେରିଛନ୍ତି। ସେମାନେ ହେଲେ...

ଦୁଗ୍ଧ ଲିଟର ପିଛା ୩୦ଟଙ୍କା ଦାବି କଲା ଦୁଗ୍ଧ ଚାଷୀ ମହାସଂଘ

ଭୁବନେଶ୍ୱର,୨୬।୫(ବ୍ୟୁରୋ)- ଚାଷୀଙ୍କୁ ଦୁଗ୍ଧ ଲିଟର ପିଛା ୩୦ଟଙ୍କା ଦେବାକୁ ଦାବି କରିଛି ଦୁଗ୍ଧ ଚାଷୀ ମହାସଂଘ। ଗତ ୪ ଦିନ ତଳେ ଅମୁଲ୍‌ କମ୍ପାନୀ ଲିଟର...

ବିଲରୁ ଚାଷୀ ଧାନ ଉଠାଇ ପାରୁନାହାନ୍ତି

ଜଗତ୍‌ସିଂହପୁର ଅଫିସ, ୨।୧୨: ଜଗତ୍‌ସିଂହପୁର ଜିଲାର ଚାଷୀକୁଳ ସମ୍ଭାବ୍ୟ ବାତ୍ୟା ଜୱାଦକୁ ନେଇ ଚିନ୍ତାରେ ପଡିଛନ୍ତି। ସରକାରଙ୍କ ପକ୍ଷରୁ ସତର୍କତାମୂଳକ ପଦକ୍ଷେପ ଗ୍ରହଣ କରିବାକୁ ପରାମର୍ଶ...

ଦାଦନ ଶ୍ରମିକ ଚାଲାନ ବେଲେ ଚଢ଼ଉ: ଦୁଇ ଶ୍ରମିକ ଉଧାର, ୧୩ ବ୍ୟାଗ୍‌ ଜବତ

  ଲାଠୋର, ୭ା୧(ଡି.ଏନ୍‌.ଏ.)- ବଲାଙ୍ଗୀର ଜିଲା ହରିଶଙ୍କର ରୋଡ଼ ରେଲ ଷ୍ଟେଶନରୁ ସୋମବାର ସଖାଲେ ଜୁନାଗଡ଼-ରାୟପୁର ପାସେଞ୍ଜର ଟ୍ରେନ୍‌ରେ ଦାଦନ ଶ୍ରମିକ ଚାଲନ ହେଉଥିବାର ଖବର...

ଆଦିବାସୀ ନାବାଳିକାଙ୍କୁ ଗଣବଳାତ୍କାର ଉଦ୍ୟମ

କାଳିଆପାଣି,୯।୩(ଡି.ଏନ୍‌.ଏ.): ସୋମବାର ବିଶ୍ୱ ମହିଳା ଦିବସ ସମାରୋହ ଖୁବ୍‌ ଧୁମ୍‌ଧାମରେ ପାଳନ ହେଉଥିବା ବେଳେ ସୁକିନ୍ଦା ନିକଟ ଭିମଟଙ୍ଗର ଗ୍ରାମ ନିକଟ ବୁଦୁବୁଦିଆ ଜଙ୍ଗଲରେ ଏକ...

ସଚ୍ଚୋଟପଣିଆ ଦେଖାଇଲେ ୩ ଟିଟିଇ: ସୁନା, ଟଙ୍କା ସହ ପର୍ସ ଫେରାଇ ପ୍ରଶଂସା ପାଇଲେ

ଭୁବନେଶ୍ୱର,୧୭।୫(ବ୍ୟୁରୋ): ଟ୍ରେନ୍‌ରେ ପାଇଥିବା ଏକ ପର୍ସ୍‌କୁ ଫେରାଇ ସଚ୍ଚୋଟପଣିଆ ଦେଖାଇଛନ୍ତି ୩ଜଣ ଟିଟିଇ। ଉକ୍ତ ପର୍ସଟି ଜଣେ ମହିଳା ଯାତ୍ରୀଙ୍କର ହୋଇଥିବାବେଳେ ସେଥିରେ ୨୨ ହଜାର...

୩୦ରେ ଆଉ ଏକ ଲଘୁଚାପ

ଭୁବନେଶ୍ୱର, ୨୮।୧୧(ବ୍ୟୁରୋ): ଆସନ୍ତା ୩୦ ତାରିଖ ବେଳକୁ ଦକ୍ଷିଣ ଆଣ୍ଡାମାନ ସାଗରରେ ଏକ ଲଘୁଚାପ କ୍ଷେତ୍ର ସୃଷ୍ଟି ହେବାର ସମ୍ଭାବନା ରହିଛି। ଏପରିକି ଏହା ବାତ୍ୟାରେ...

ସୁସ୍ଥ ହୋଇ କାମ କଲେଣି ଡେଲ୍‌ଟା ପ୍ଲସ୍‌ ସଂକ୍ରମିତ

ଦେବଗଡ଼,୨୭ା୬: ଦେବଗଡ଼ ଜିଲାରୁ ଚିହ୍ନଟ ହୋଇଥିବା ରାଜ୍ୟର ପ୍ରଥମ ଡେଲ୍‌ଟା ପ୍ଲସ ସଂକ୍ରମିତ ସୁସ୍ଥ ହୋଇଛନ୍ତି। ଦେବଗଡ଼ ଜିଲା ବାରକୋଟ ବ୍ଲକ ବସାଲଇ ଗ୍ରାମର ମିଲୁ...

Advertisement
Archives

Model This Week