ଅନୁକୂଳ ପାଗ ବଢ଼ାଇଛି ଅଭିବୃଦ୍ଧି ଆଶା

ଅନୁଗୋଳ ଅଫିସ, ୨୪ା୬:  ବାତ୍ୟା ୟାସ୍‌ ଯୋଗୁ ପୂର୍ବରୁ ଜମି ଭିଜିଯାଇଥିଲା। ମୌସୁମୀ ମଧ୍ୟ ନିର୍ଦ୍ଧାରିତ ସମୟରେ ଆସିଲା। କିଛିଦିନ ଧରି ଜିଲାରେ ବର୍ଷା ଲାଗିରହିଥିବାରୁ ଚଳିତବର୍ଷ ପାଣିପାଗ ଚାଷ ଅନୁକୂଳ ରହିଛି। ତେଣୁ କୃଷି କ୍ଷେତ୍ରରେ ଏଥର ଅଭିବୃଦ୍ଧି ଦେଖିବାକୁ ମିଳିବ ବୋଲି ଅନୁଗୋଳ ଜିଲା କୃଷି ବିଭାଗ ପକ୍ଷରୁ ଆଶାବ୍ୟକ୍ତ କରାଯାଇଛି।
ଜମିକୁ ଓହ୍ଲାଇବା ପୂର୍ବରୁ ଅନୁଗୋଳ ଜିଲାର ଚାଷୀମାନେ ସାଧାରଣତଃ ବିହନ ଓ ସାର ଅଭାବର ଶିକାର ହୋଇଥାନ୍ତି। କିଛି ବର୍ଷ ହେଲା ଏହି ସମସ୍ୟା ଦେଖାଦେଇ ଆସିଥିବାରୁ ଚଳିତବର୍ଷ ଜିଲା କୃଷି ବିଭାଗ ପକ୍ଷରୁ ଏ ନେଇ ଆଗୁଆ ପଦକ୍ଷେପ ନିଆଯାଇଥିବା ସୂଚନା ଦିଆଯାଇଛି। ବିହନ ବୁଣା ହେବା ପୂର୍ବରୁ ଚାଷୀଙ୍କ ନିକଟରେ ଏହା କିପରି ପହଞ୍ଚତ୍ବ ସେ ନେଇ ବ୍ୟବସ୍ଥା କରାଯାଇଛି। ଏଥର ମୋଟ୍‌ ୨ ଲକ୍ଷ ୧୦ ହଜାର ହେକ୍ଟରରେ ଖରିଫ ଚାଷ କରାଯିବାକୁ ଲକ୍ଷ୍ୟ ଧାର୍ଯ୍ୟ କରାଯାଇଛି। ଏଥିପାଇଁ ୧୩ ହଜାର ୬୧୧ କୁଇଣ୍ଟାଲ ଧାନ ବିହନ ଆବଶ୍ୟକ ପଡ଼ୁଛି। ଅତୀତରେ ଗୋଟିଏ ଗୋଦାମରୁ ବିହନ ଯୋଗାଣ ହେଉଥିଲା। ଫଳରେ ଏହା ଠିକ୍‌ ସମୟରେ ଚାଷୀଙ୍କ ନିକଟରେ ପହଞ୍ଚିପାରୁ ନ ଥିଲା। ହେଲେ ଏବର୍ଷ ପଞ୍ଚମହଲା ଓ ଗତିକୃଷ୍ଣପୁର ଗୋଦାମରୁ ୪୨ ପ୍ରକାରର ୮ ହଜାର ୫ଶହ କୁଇଣ୍ଟାଲ ବିହନ ୧୦୩ଟି ପ୍ୟାକ୍ସକୁ ପଠାଯାଇ ସାରିଛି। ଫଳରେ ଚଳିତବର୍ଷ ଆଠମଲ୍ଲିକ ଓ କିଶୋରନଗର ଅଞ୍ଚଳରେ ବିହନ ସମସ୍ୟା ଦେଖାଦେଇ ନାହିଁ। ବର୍ଷାବେଳେ ବିହନ ବୁଣାକୁ ନେଇ ପାଲଲହଡ଼ାର ଚାଷୀମାନେ ଯେଉଁ ଚିନ୍ତାରେ ରହୁଥିଲେ ତାହା ମଧ୍ୟ ଦେଖିବାକୁ ମିଳିନାହିଁ। କାରଣ ଏହି ବ୍ଲକ ଅଞ୍ଚଳରେ ଆଗୁଆ ବିହନ ବୁଣାଯାଇ ସାରିଛି। ଏବର ମୌସୁମୀ ବର୍ଷା କୌଣସି କ୍ଷତି କରିବ ନାହିଁ। ଗତମାସରେ ବାତ୍ୟା ୟାସ୍‌ କାରଣରୁ ଜିଲାର ଚାଷ ଜମିସବୁ ବର୍ଷାରେ ଭିଜିଯାଇଥିଲା। ମୌସୁମୀ ପୂର୍ବରୁ ଓ ଏହା ଆସିବା ପରେ ଜିଲାରେ ବର୍ଷା ହେଉଛି। ଏହା ଭଲ ଚାଷ ପାଇଁ ଅନୁକୂଳ ପରିବେଶ ସୃଷ୍ଟି କରିଛି। ଖରିଫ ଚାଷ ପାଇଁ ମୋଟ୍‌ ୧୬ ହଜାର ୫ଶହ କୁଇଣ୍ଟାଲ ସାର ଆବଶ୍ୟକ ଥିବାବେଳେ ବର୍ତ୍ତମାନ ସୁଦ୍ଧା ୫ ହଜାର ୧୫୬ କୁଇଣ୍ଟାଲ ଉପଲବ୍ଧ ରହିଛି। ୟୁରିଆ ୨ ହଜାର ୫୦ କୁଇଣ୍ଟାଲ, ଡିଏଭି ୯୫୦ କୁଇଣ୍ଟାଲ, ଏମ୍‌ଓପି ୫୯୯ କୁଇଣ୍ଟାଲ ଓ ଅନ୍ୟ ସାର ୧୪୩୪ କୁଇଣ୍ଟାଲ ରହିଛି। ସରକାର ୫ ହଜାର ୫ଶହ କୁଇଣ୍ଟାଲ ୟୁରିଆ ଦେବେ। ଏହାବାଦ୍‌ ଆଉ ୨ ହଜାର କୁଇଣ୍ଟାଲ ସାର ଦେବାକୁ ଜିଲାପାଳଙ୍କ ମାଧ୍ୟମରେ ସରକାରଙ୍କୁ ପତ୍ର ଲେଖାଯାଇଛି। ବିହନଠାରୁ ସାର ଯୋଗାଣ ଯାଏ କୌଣସିଥିରେ ଅଭାବ କି ଅସୁବିଧା ନ ଥିବା ବେଳେ ଅନୁକୂଳ ପାଗ ଜିଲାର ଚାଷୀଭାଇମାନଙ୍କ ନିମନ୍ତେ ଶୁଭ ସୂଚନା ବୋଲି କୃଷି ବିଭାଗ ପକ୍ଷରୁ କୁହାଯାଇଛି।

ସ୍ବାଭାବିକ ବର୍ଷା ଚାଷୀଙ୍କୁ ସୁହାଇବ
ମୌସୁମୀ ପୂର୍ବରୁ ଭଲ ବର୍ଷା ହେଲା। ମୌସୁମୀ ଆସିବା ପରେ ଜିଲାର ୮ଟି ବ୍ଲକ ମଧ୍ୟରୁ କେବଳ କଣିହଁାରେ ବୃଷ୍ଟି ପରିମାଣ ସାମାନ୍ୟ କମ୍‌ ଥିଲା। ତେବେ ବୁଧବାର ଏଠାରେ ଯେଭଳି ବର୍ଷା ହୋଇଛି ତାହା ଚାଷକୁ ସୁହାଇବ। ଯଥେଷ୍ଟ ଆଗରୁ ତଳି ବୁଣାଯାଇଥିବାରୁ ଚାଷ କାର୍ଯ୍ୟ ଏଥର ଆଗେଇଯିବ।
-ଦେବରାଜ ମହାନ୍ତି, ଜିଲା ମୁଖ୍ୟ କୃଷି ଅଧିକାରୀ, ଅନୁଗୋଳ

ସବ୍‌ସିଡିରେ ଉପକରଣ ଯୋଗାଯାଉ
ଆବଶ୍ୟକ କୃଷି ସାମଗ୍ରୀ ମିଳୁ ନ ଥିବା ଯୋଗୁ ଚାଷୀମାନେ ଅସୁବିଧାର ସମ୍ମୁଖୀନ ହେଉଛନ୍ତି। ସେମାନଙ୍କୁ ସରକାରଙ୍କ ପକ୍ଷରୁ ଉଚିତ୍‌ ସମୟରେ ସମସ୍ତ ଯନ୍ତ୍ରପାତି ସବ୍‌ସିଡିରେ ଯୋଗାଇ ଦିଆଯାଉ। ଏଥିସହିତ ସାର ଓ ଔଷଧ ମଧ୍ୟ ଠିକ୍‌ ସମୟରେ ଉପଲବ୍ଧ କରାଯାଉ।
-ଧନେଶ୍ୱର ସାହୁ, ଗୁଣ୍ଡୁରୀଖଳି, ଆଠମଲ୍ଲିକ

ଜଳସେଚନ ବ୍ୟବସ୍ଥା ହେଉ
ଅନେକ ସମୟରେ ଚାଷୀମାନେ ଠିକ୍‌ ବେଳେ ବିହନ ଓ ସାର ପାଉନାହାନ୍ତି। ସେହିପରି ବହୁ ଅଞ୍ଚଳରେ ଜଳସେଚନ ବ୍ୟବସ୍ଥା ହୋଇପାରୁ ନାହିଁ। ଆବଶ୍ୟକତା ବେଳେ ଜମିକୁ ପାଣି ମାଡ଼ୁ ନ ଥିବାରୁ ଗଛ ଯେପରି ବଢ଼ିବା କଥା ତାହା ହେଉନାହିଁ। ତେଣୁ ଜଳସେଚନ ଉପରେ ଧ୍ୟାନ ଦିଆଯାଉ।
-ଦୀନବନ୍ଧୁ ପ୍ରଧାନ, କୃଷକ ନେତା, କିଶୋରନଗର

ବର୍ଷା ଉପରେ ସବୁ ନିର୍ଭର
କଣିହଁା ଅଞ୍ଚଳର ଅନେକ ଚାଷୀ ଏଯାଏ ବିହନ ବୁଣିନାହାନ୍ତି। କେତେଜଣ ତ ବର୍ତ୍ତମାନ ସୁଦ୍ଧା ଜମି ମଧ୍ୟ ପ୍ରସ୍ତୁତ କରିନାହାନ୍ତି। ବର୍ଷା ଉପରେ ସବୁକିଛି ନିର୍ଭର କରୁଛି। ଆଗାମୀ ଦିନରେ ବୃଷ୍ଟିପାତ ସ୍ବାଭାବିକ ରହିଲେ ଚାଷ ଭଲ ହେବ ବୋଲି ଆଶା କରାଯାଉଛି। ତଥାପି ଦଇବକୁ ଭରସା କରି ଜମିକୁ ଓହ୍ଲାଇବୁ।
-ଟିକନ ବୋଇତା, ମସୁଣିହତା, କଣିହଁା

ବିଲରେ ଘାସ ଆଣ୍ଠୁଏ ହେଲାଣି
ଅଖିମୁଠି ନିଆଯିବା ପୂର୍ବରୁ କୌଣସି ଚାଷୀ ବୁଣାବୁଣି କରି ନ ଥାନ୍ତି। ସେହି ସମୟରେ ବର୍ଷା ଯୋଗୁ ଜମି ଚଷିବା କଷ୍ଟକର ହୋଇପଡ଼ିଥିଲା। ରଜପର୍ବ ପରେ ଶୁଖିଲା ପାଗରେ ବୁଣା କାର୍ଯ୍ୟ ଆରମ୍ଭ କରିଥିଲୁ। ଏବେ ତଳି ବିଲରେ ଘାସ ମାଡ଼ିଗଲାଣି। ବର୍ଷା ଅଭାବରୁ ଧାନ, ସାରୁ, ମକା, ତୈଳବୀଜ ବୁଣିବା ବିଳମ୍ବ ହେଉଛି।
-ନଟବର ସାହୁ, ବଡ଼ହୀରା, କଣିହଁା


Enter your email to get our daily news in your inbox.

All Right Reserved By Dharitri.Com

୧୭ ୟୁନିଟ୍‌, ମୂଲ୍ୟାୟନ କରିବେ ୩୪୯ ଜଣ

ଅନୁଗୋଳ ଅଫିସ୍‌, ୧୯।୩: ଅନୁଗୋଳ ଜିଲାରେ ଗୁରୁବାରଠାରୁ ମାଟ୍ରିକ୍‌ ପରୀକ୍ଷା ଖାତା ଦେଖା ଆରମ୍ଭ ହେବ। ଅନୁଗୋଳ ଉଚ୍ଚ ବିଦ୍ୟାଳୟରେ ଏହି ମୂଲ୍ୟାୟନ କରାଯିବ ବୋଲି ଜିଲା...

ପୂର୍ବତନ ଶାଖା ପରିଚାଳକଙ୍କ ନାମରେ ମାମଲା

ବଇଣ୍ଡା,୨୯।୧(ଡି.ଏନ.ଏ.) – ଅନୁଗୋଳ ଜିଲା ଆଠମଲ୍ଲିକ ବ୍ଲକ ଠାକୁରଗଡ଼ ପଞ୍ଚାୟତ ଅମାସମା, ବାସୁଦେବପୁର, ଅଲେଖପୁର ଆଦି ଗ୍ରାମର ଚାଷୀଙ୍କ ଦସ୍ତଖତ ନେଇ ଠାକୁରଗଡ଼ସ୍ଥିତ ଓଡ଼ିଶା ଗ୍ରାମ୍ୟ...

୬ ମାସ ନ ପୂରୁଣୁ ୬ ସ୍ଥାନରେ ଫାଟ

ବଇଣ୍ଡା,୧୦ା୮(ଡି.ଏନ.ଏ.) ରାଜପଥ ସମ୍ପ୍ରସାରଣ କାର୍ଯ୍ୟ ଶେଷ ହୋଇନି। ଏପରି କି ନିର୍ମାଣାଧୀନ ୪୦ କିଲୋମିଟର ରାସ୍ତାକୁ ୬ ମାସ ମଧ୍ୟ ପୂରିନି। ହେଲେ ୬ଟି ସ୍ଥାନରେ...

ପହଞ୍ଚୁନି ପ୍ରକଳ୍ପ ପାଣି

ବଇଣ୍ଡା,୨୭ା୪(ପରିକ୍ଷିତ ସାହୁ) ଗ୍ରାମାଞ୍ଚଳକୁ ପାନୀୟ ଜଳ ଯୋଗାଣ ପାଇଁ ସରକାରଙ୍କ ମାଳମାଳ ଯୋଜନା ରହିଛି। ହେଲେ ପ୍ରଶାସନିକ ଇଚ୍ଛାଶକ୍ତି ଅଭାବ ଏ କ୍ଷେତ୍ରରେ ପ୍ରତିବନ୍ଧକ ସାଜୁଛି।...

ମିଳିଲାନି ଆଳୁ, ପିଆଜ

ତାଳଚେର,୨୬।୩(ନି.ପ୍ର.)- ଲକ୍‌ଡାଉନ ବେଳେ ଅତ୍ୟାବଶ୍ୟକ ସାମଗ୍ରୀର ଅଭାବ ରହିବ ନାହିଁ ବୋଲି ସରକାରଙ୍କ ପକ୍ଷରୁ କୁହାଯାଇଥିଲେ ହେଁ ଗୁରୁବାର ଅନୁଗୋଳ ଜିଲା ତାଳଚେର ଥର୍ମାଲ ସାପ୍ତାହିକ...

ଛତିଶଗଡ଼ରୁ ଧରାହେଲେ ୭ ଲୁଟେରା

ଅନୁଗୋଳ ଅଫିସ୍‌, ୧୫।୮ – ଅନୁଗୋଳ ସହରର ଦୁଇଟି ଏଟିଏମ୍‌ କାଟି ପାଖାପାଖି ୨୮ ଲକ୍ଷ ଟଙ୍କା ଲୁଟ୍‌ ଘଟଣାରେ ପୋଲିସକୁ ମିଳିଛି ବଡ଼ ସଫଳତା।...

ଝିଅର ଏକୋଇଶିଆ ଦିନ ମା’ଙ୍କ ମୃତ୍ୟୁ

ଅନୁଗୋଳ ଅଫିସ, ୯।୬ – ଝିଅର ଏକୋଇଶିଆ ପାଳନ ପୂର୍ବରୁ ମା’ଙ୍କ ଜୀବନ ଯିବା ଘଟଣା ଶୁକ୍ରବାର ଚର୍ଚ୍ଚାର ବିଷୟ ହୋଇଛି। ଘଟଣା ଘଟିଛି ଢେଙ୍କାନାଳ...

ପହଞ୍ଚତ୍ପାରୁନି ପାଇପ୍‌ ପାଣି

ବଅଁରପାଳ,୧୧ା୩(ଡି.ଏନ.ଏ.) ଗ୍ରାମାଞ୍ଚଳର ପ୍ରତି ଘରକୁ ପାଇପ୍‌ ପାଣି ସଂଯୋଗ ପାଇଁ ସରକାରଙ୍କ ପକ୍ଷରୁ ଉଦ୍ୟମ ଚାଲିଛି। ସେଥିପାଇଁ ପଞ୍ଚାୟତଗୁଡ଼ିକରେ ବହୁ ଲକ୍ଷ ଟଙ୍କା ଖର୍ଚ୍ଚ କରାଯାଇ ବଡ଼...

Advertisement
Archives

Model This Week