Posted inଖେଳ

ୟୁରୋକପ୍‌ ଫୁଟବଲ: କ୍ୱାର୍ଟରରେ ବେଲଜିୟମ ରୋନାଲ୍ଡୋଙ୍କ ପର୍ତ୍ତୁଗାଲ ଆଉଟ୍‌

ସେଭିଲ,୨୯।୬: ୟୁରୋକପ୍‌ ଫୁଟବଲ ଟୁର୍ନାମେଣ୍ଟରେ ବିଶ୍ୱର ୧ ନମ୍ବର ଦଳ ବେଲଜିୟମ କ୍ୱାର୍ଟର ଫାଇନାଲରେ ପ୍ରବେଶ କରିଛି। ରବିବାର ଅନୁଷ୍ଠିତ ରାଉଣ୍ଡ ଅଫ୍‌- ୧୬ର ଦ୍ୱିତୀୟ ମ୍ୟାଚ୍‌ରେ ବେଲଜିୟମ ୧-୦ ଗୋଲରେ କ୍ରିଷ୍ଟିଆନୋ ରୋନାଲ୍ଡୋଙ୍କ ନେତୃତ୍ୱାଧୀନ ତଥା ଡିଫେଣ୍ଡିଂ ଚାମ୍ପିୟନ ପର୍ତ୍ତୁଗାଲକୁ ହରାଇ ଅଗ୍ରଗତି କରିଛି। ପୂର୍ବରୁ କେବେ କୌଣସି ମେଜର ଟାଇଟଲ ହାସଲ କରି ନ ଥିବା ବେଲଜିୟମ ଏବେ ଶୁକ୍ରବାର କ୍ୱାର୍ଟର ଫାଇନାଲରେ ଇଟାଲୀକୁ ଭେଟିବ।
ସ୍ଥାନୀୟ ଇଷ୍ଟାଡିଓ ଡେ ଲା କାର୍ଟୁଜାରେ ଅନୁଷ୍ଠିତ ଏହି କଡ଼ା ସଂଘର୍ଷପୂର୍ଣ୍ଣ ମୁକାବିଲାରେ ପର୍ତ୍ତୁଗାଲ ଅପେକ୍ଷାକୃତ ପ୍ରଭାବୀ ପ୍ରଦର୍ଶନ କରିଥିଲା। ଜଣେ ଆଟାକିଙ୍ଗ୍‌ ମିଡ୍‌ଫିଲ୍ଡର ଭାବେ ଜଣାଶୁଣା ଥିବା ଥୋରଗାନ ହାଜାର୍ଡ ୪୨ତମ ମିନିଟ୍‌ରେ ଗୋଲ ସ୍କୋର କରି ବେଲଜିୟମକୁ ଅଗ୍ରଣୀ କରାଇଥିଲେ। ଏହପରେ ଉଭୟ ଦଳ ତରଫରୁ କୌଣସି ଗୋଲ ନ ହେବା ଫଳରେ ବେଲଜିୟମ ବିଜୟୀ ହୋଇଥିଲା। ଆଉ ଗୋଟିଏ ଗୋଲ ସ୍କୋର କରିଥିଲେ ରୋନାଲ୍ଡୋ ବିଶ୍ୱର ସର୍ବାଧିକ ଗୋଲ ସ୍କୋରର ଭାବେ ରେକର୍ଡ କରିଥାନ୍ତେ ଓ ଇରାନର ପୂର୍ବତନ ଷ୍ଟ୍ରାଇକର ଅଲି ଦାଏଇ (୧୦୯ ଗୋଲ)ଙ୍କୁ ପଛରେ ପକାଇଥାନ୍ତେ। ୩୬ ବର୍ଷରେ ପଦାର୍ପଣ କରିଥିତ୍ବାରୁ ରୋନାଲ୍ଡୋଙ୍କର ଏହା ଶେଷ ୟୁରୋକପ୍‌ ବିବେଚନା କରାଯାଉଛି।
କେଭିନ ଡି ବ୍ରୁଏନ, ଏଡେନ ହାଜାର୍ଡ ଓ ରୋମେଲୁ ଲୁକାକୁଙ୍କ ନେଇ ବେଲଜିୟମର ଆକ୍ରମଣ ବେଶ୍‌ ଶକ୍ତିଶାଳୀ ଥିଲେ ମଧ୍ୟ ଦଳ ସଂଘର୍ଷ କରୁଥିବା ଦେଖାଯାଇଥିଲା। ତେବେ ହାଜାର୍ଡ ଗୋଲ ଦେଇ ପ୍ରଥମାର୍ଦ୍ଧ ସୁଦ୍ଧା ବେଲଜିୟମକୁ ଅଗ୍ରଣୀ କରାଇଥିଲେ। ଦ୍ୱିତୀୟାର୍ଦ୍ଧରେ ପର୍ତ୍ତୁଗାଲ ପ୍ରତ୍ୟାବର୍ତ୍ତନ କରି ଆକ୍ରମଣାତ୍ମକ ଖେଳ ପ୍ରଦର୍ଶନ କରିଥିଲା। କିନ୍ତୁ ପର୍ତ୍ତୁଗାଲ ଏକାଧିକ ଗୋଲ ସୁଯୋଗ ହରାଇଥିଲା। ଫଳରେ ଗୋଲ ସମ୍ଭବ ହୋଇପାରି ନ ଥିଲା। ଭାଗ୍ୟ ପର୍ତ୍ତୁଗାଲକୁ ସହାୟ ହୋଇ ନ ଥିଲା। ବଲ ପଜେଶନରେ ପର୍ତ୍ତୁଗାଲ ବେଲଜିୟମକୁ ପଛରେ ପକାଇଥିଲା। ପାସ୍‌ ଓ ପାସ୍‌ ଆକ୍ୟୁରେସିରେ ମଧ୍ୟ ପର୍ତ୍ତୁଗାଲ ଯଥେଷ୍ଟ ଆଗରେ ରହିଥିଲା। ବେଲଜିୟମ ଖେଳାଳି ୬ଟି ଶଟ୍‌ ଗୋଲ ପୋଷ୍ଟ ଉପରକୁ ମାରିଥିଲେ ଓ ଗୋଟିଏ ଗୋଲ ସମ୍ଭବ ହୋଇଥିଲା। ଅନ୍ୟପଟେ ପର୍ତ୍ତୁଗାଲ ୨୩ଟି ଶଟ୍‌ ବେଲଜିୟମ ଗୋଲ ପୋଷ୍ଟକୁ ମାରିଥିଲା। କିନ୍ତୁ ଗୋଲ ସମ୍ଭବ ହୋଇପାରି ନ ଥିଲା।
ଗତ ୯ଟି ୟୁରୋକପ୍‌ ମ୍ୟାଚ୍‌ରେ ପର୍ତ୍ତୁଗାଲ ପ୍ରଥମଥର ପାଇଁ ଗୋଲ ସ୍କୋର କରିବାରେ ବିଫଳ ହୋଇଛି। ରୋନାଲ୍ଡୋଙ୍କ ସମେତ ୩୮ ବର୍ଷୀୟ ଡିଫେଣ୍ଡର ପେପେ ପରାଜୟରେ ବେଶ୍‌ ନିରାଶ ହୋଇଥିଲେ। ଏହି ଦୁହିଁଙ୍କ ପାଇଁ ଏହା ଶେଷ ୟୁରୋକପ୍‌ ସାବ୍ୟସ୍ତ ହେବ ବୋଲି ମନେହୁଏ। ତେବେ କାତାରରେ ଆସନ୍ତାବର୍ଷ ଆୟୋଜନ ହେବାକୁ ଥିବା ଫିଫା ବିଶ୍ୱକପ୍‌ରେ ଏହି ଦୁଇଜଣ ଖେଳିବା ଆଶା କରାଯାଉଛି। ଏହାପୂର୍ବରୁ ୧୯୭୨ରେ ବେଲଜିୟମ ଶେଷଥର ପାଇଁ କ୍ୱାର୍ଟରକୁ ଉଠିଥିଲା। ଗତ ୧୩ଟି ମ୍ୟାଚରେ ବେଲଜିୟମ ଅପରାଜେୟ ରହିଛି। ଗତ ୨୭ଟି ମ୍ୟାଚ୍‌ରେ ବେଲଜିୟମ ଥରେ ହାରିଛି, ୨୩ଟିରେ ବିଜୟୀ ହୋଇଛି ଓ ଗୋଟିଏ ମ୍ୟାଚ୍‌ ଡ୍ର ରହିଛି। କ୍ୱାର୍ଟରରେ ଇଟାଲୀ ଓ ବେଲଜିୟମ ମୁହାଁମୁହିଁ ହେବେ। ଇଟାଲୀ ବିପକ୍ଷରେ ବେଲଜିୟମ ୨୨ଟି ମ୍ୟାଚ ଖେଳି ୪ଟିରେ ବିଜୟୀ ହୋଇଥିବା ବେଳେ ୪ଟି ଡ୍ର ରହିଛି ଓ ୧୪ଟି ମ୍ୟାଚ୍‌ ହାରିଛି।


Enter your email to get our daily news in your inbox.

All Right Reserved By Dharitri.Com

Posted inଖେଳ View All

ପାରା ଅଲିମ୍ପିକ୍ସ ପାଇଁ ଜୟନ୍ତୀଙ୍କୁ ଯୋଗ୍ୟତା

ଭୁବନେଶ୍ୱର, ୨୦।୩(କ୍ରୀଡ଼ା ପ୍ରତିନିଧି) – କରୋନା ଭାଇରସ ସଂକ୍ରମଣ ଯୋଗୁ କ୍ରୀଡାଜଗତ ଆତଙ୍କିତ ଅବସ୍ଥାରେ ଥିବାବେଳେ ଗୁରୁବାର ଓଡ଼ିଶା କ୍ରୀଡ଼ାକୁ ମିଳିଛି ଏକ ଖୁସି ଖବର।...

ପିଚ୍‌ ଖରାପ ଥିବାରୁ ପ୍ରଥମ ଦିନର ଖେଳ ବାତିଲ

ମେଲବୋର୍ନ,୭।୧୨- ସ୍ଥାନୀୟ ଏମ୍‌ସିଜି ଗ୍ରାଉଣ୍ଡରେ ଭିକ୍ଟୋରିଆ ଓ ଓ୍ବେଷ୍ଟର୍ନ ଅଷ୍ଟ୍ରେଲିଆ ମଧ୍ୟରେ ଖେଳାଯିବାକୁ ଥିବା ଚଳିତ ଶେଫିଲ୍ଡ ଶିଲ୍ଡ ଟୁର୍ନାମେଣ୍ଟର ଏକ ମ୍ୟାଚ୍‌ର ପ୍ରଥମ ଦିନ...

ମୁମ୍ବାଇ ଇଣ୍ଡିଆନ୍ସରୁ ପପୁଙ୍କୁ ଡାକରା

କଟକ ଅଫିସ,୨୦ା୧୦- ଓଡ଼ିଶା ସିନିୟର କ୍ରିକେଟ ଦଳର ବାମହାତୀ ଅର୍ଥୋଡକ୍ସ ପପୁ ରାୟଙ୍କୁ ମୁମ୍ବାଇ ଇଣ୍ଡିଆନ୍ସ ଦଳରୁ ଡାକରା ଆସିଛି। ଭାରତୀୟ ପ୍ରିମିୟର ଲିଗ୍‌(ଆଇପିଏଲ)ର ସର୍ବାଧିକ...

କୋହଲିଙ୍କ ଶତକ, ଇନିଂସ ବିଜୟ ଦ୍ୱାରରେ ଭାରତ

କୋଲ୍‌କାତା, ୨୪।୧୧- ପିଙ୍କ୍‌ ବଲ୍‌ ଦିବାରାତ୍ର କ୍ରିକେଟ ଟେଷ୍ଟରେ ଭାରତ ପକ୍ଷରୁ ପ୍ରଥମ ଶତକ ହାସଲ କରିଛନ୍ତି ଅଧିନାୟକ ବିରାଟ କୋହଲି। ସ୍ଥାନୀୟ ଇଡେନ୍‌ ଗାର୍ଡେନ୍ସରେ...

ଇଞ୍ଜାମାମଙ୍କ ଆଶା

ଆଇସିସି କ୍ରିକେଟ ବିଶ୍ୱକପରେ ପାକିସ୍ତାନ ଏପର୍ଯ୍ୟନ୍ତ ଭାରତକୁ ମୋଟ ୬ ଥର ଭେଟିଛି ଏବଂ ସବୁଥର ହାରିଛି। ଏଥର କିନ୍ତୁ ପାକିସ୍ତାନ ପରାଜୟ ଧାରା ଭାଙ୍ଗିପାରିବ...

ଏମିତି ସଟ୍‌ ମାରିଲେ ବ୍ୟାଟ୍ସମ୍ୟାନ୍‌, ଭାଙ୍ଗିଗଲା କ୍ୟାମେରା ଲେନ୍ସ; ଦେଖନ୍ତୁ ଭିଡିଓ

ଶାରଜା,୪।୧୦: ଆଇପିଏଲ ୨୦୨୧ର ୪୯ତମ ମ୍ୟାଚରେ କୋଲକାତା ନାଇଟ ରାଇଡର୍ସ ବ୍ୟାଟ୍ସମ୍ୟାନ ନୀତୀଶ ରାଣାଙ୍କ ଉଗ୍ର ରୂପ ଦେଖିବାକୁ ମିଳିଥିଲା। ସେ କେବଳ ଚମତ୍କାର ବ୍ୟାଟିଂ...

ଇଣ୍ଡିଆନ୍‌ ସୁପର ଲିଗ୍‌: କଳିଙ୍ଗରେ ଓଡ଼ିଶା ଏଫ୍‌ସିର ବିଜୟ ଅଭିଯାନ

ଭୁବନେଶ୍ୱର, ୨୮।୧୨(ସ୍ପୋଟର୍‌ସ ବ୍ୟୁରୋ)- ଓଡ଼ିଶା ଏଫ୍‌ସି ଘରୋଇ ଗ୍ରାଉଣ୍ଡ କଳିଙ୍ଗ ଷ୍ଟାଡିୟମରେ ବିଜୟରୁ ଅଭିଯାନ ଆରମ୍ଭ କରିଛି। ଶୁକ୍ରବାର ଏଠାରେ ଖେଳାଯାଇଥିବା ସଂଘର୍ଷପୂର୍ଣ୍ଣ ମ୍ୟାଚ୍‌ରେ ତାରକା...

କୋହଲିଙ୍କ ବ୍ୟାଟିଂ ଉପରେ କାମ କରୁଛନ୍ତି ଡ୍ରାଭିଡ୍‌

ସେଞ୍ଚୁରିଆନ,୨୦।୧୨: ଦକ୍ଷିଣ ଆଫ୍ରିକା ବିପକ୍ଷ ୩ ମ୍ୟାଚ୍‌ ବିଶିଷ୍ଟ ଟେଷ୍ଟ ସିରିଜ୍‌ ପୂର୍ବରୁ ସେଞ୍ଚୁରିଆନଠାରେ ପୂର୍ବ ଦୁଇ ଦିନ ଭଳି ସୋମବାର ମଧ୍ୟ ନେଟ୍ସରେ ଝାଳ...

Advertisement
Archives

Model This Week