Posted inଫୁରସତ

ବ୍ରାଜିଲ ଆସିଲା ସମ୍ରାଟ ପେଡ୍ରୋଙ୍କ ହୃତ୍‌ପିଣ୍ଡ

ବ୍ରାସିଲିଆ: ପାର୍ତ୍ତୁଗାଲଠାରୁ ବ୍ରାଜିଲ୍‌ ସ୍ବାଧୀନ ହେବାର ୨୦୦ ବର୍ଷ ପୂର୍ତ୍ତି ଅବସରରେ ସ୍ବତନ୍ତ୍ର କାର୍ଯ୍ୟକ୍ରମର ଆୟୋଜନ କରାଯାଇଛି। ଆୟୋଜିତ ହେବାକୁ ଥିବା ସମାରୋହରେ ବ୍ରାଜିଲ ସମ୍ରାଟ ଡୋମ୍‌ ପେଡ୍ରୋ ପ୍ରଥମଙ୍କ ହୃତ୍‌ପିଣ୍ଡ ପ୍ରଦର୍ଶନ କରାଯିବାର ବ୍ୟବସ୍ଥା କରାଯାଇଛି। ପେଡ୍ରୋଙ୍କ ହୃତ୍‌ପିଣ୍ଡ ପର୍ତ୍ତୁଗାଲ୍‌ର ପୋରଟୋରୁ ବ୍ରାଜିଲ ଅଣାଯାଇଥିବାବେଳେ ଏହାକୁ ଏକ ସୁନାର ଅସ୍ଥି କଳସରେ ରଖାଯାଇଛି। ୧୮୩୪ରେ ଯେତେବେଳେ ପେଡ୍ରୋଙ୍କୁ ମାତ୍ର ୩୫ ବର୍ଷ ବୟସ ହୋଇଥିଲା ସେତେବେଳେ ଟିବିରେ ଆକ୍ରାନ୍ତ ହେବା କାରଣରୁ ତାଙ୍କ ମୃତ୍ୟୁ ହୋଇଥିଲା। ପର୍ତ୍ତୁଗାଲ୍‌ର ପୋରଟୋ ଚର୍ଚ୍ଚରେ ତାଙ୍କ ହାର୍ଟ ରଖାଯିବା ପେଟ୍ରୋଙ୍କ ଶେଷ ଇଚ୍ଛା ଥିଲା। ୧୯୭୨ରେ ବ୍ରାଜିଲ ନିଜର ୧୫୦ତମ ସ୍ବାଧୀନତା ଦିବସ ପାଳନ ଅବସରରେ ସମ୍ରାଟ ପେଟ୍ରୋଙ୍କ ଶରୀର ଅବଶେଷ ପର୍ତ୍ତୁଗାଲ୍‌ ସରକାର ବ୍ରାଜିଲ୍‌କୁ ହସ୍ତାନ୍ତର କରିଥିଲେ। ଏହାକୁ ରାସାୟନିକ ପ୍ରଲେପ ଦେଇ ସାଓ ପାଉଲୋରେ ସଂରକ୍ଷିତ ଭାବେ ରଖାଯାଇଛି। ୧୮୨୨ରେ ବ୍ରାଜିଲ୍‌କୁ ପର୍ତ୍ତୁଗାଲଠାରୁ ସ୍ବାଧୀନ ଘୋଷଣା କରିଥିଲେ ସମ୍ରାଟ ପେଡ୍ରୋ।
ତିନି ସପ୍ତାହ ପାଇଁ ଏହି ହାର୍ଟକୁ ପର୍ତ୍ତୁଗାଲ ସରକାର ବ୍ରାଜିଲ୍‌କୁ ହସ୍ତାନ୍ତର କରିଛନ୍ତି। ହୃତ୍‌ପିଣ୍ଡକୁ ଆଣିବା ପାଇଁ ବ୍ରାଜିଲ୍‌ ବାୟୁସେନାର ସ୍ବତନ୍ତ୍ର ଟିମ୍‌ ବ୍ରାସିଲିଆରେ ପହଞ୍ଚିଥିଲା। ସେଠାରେ ପେଡ୍ରୋଙ୍କ ହୃତ୍‌ପିଣ୍ଡକୁ ବ୍ରାଜିଲ ପ୍ରତିରକ୍ଷା ମନ୍ତ୍ରୀଙ୍କୁ ହସ୍ତାନ୍ତର କରାଯାଇଥିଲା। ସେପ୍ଟେମ୍ବର ୭ରେ ବ୍ରାଜିଲ୍‌ ନିଜର ୨୦୦ତମ ସ୍ବାଧୀନତା ଦିବସ ପାଳନ କରିବାକୁ ଥିବାବେଳେ ରାଷ୍ଟ୍ରୀୟ ସମ୍ମାନ ସାଙ୍ଗକୁ ଗନ୍‌ ସାଲ୍ୟୁଟ ପରେ ଏହାକୁ ସର୍ବସାଧାରଣଙ୍କ ଦର୍ଶନ ପାଇଁ ରଖାଯିବ ବୋଲି ପ୍ରତିରକ୍ଷା ବିଭାଗ ପକ୍ଷରୁ କୁହାଯାଇଛି।
ଫ୍ରେନ୍‌ଚ ସେନାମୁଖ୍ୟ ନେପୋଲିୟନ୍‌ ବୋନାପାର୍ଟ ୧୮୦୭ରେ ଯେତେବେଳେ ପର୍ତ୍ତୁଗାଲ ଉପରେ ଆକ୍ରଣମ କରିଥିଲେ ସେତେବେଳେ ବ୍ରାଜିଲ ସମ୍ରାଟ ପେଡ୍ରୋ ବ୍ରିଟିଶ ନୌସେନା ସାହାଯ୍ୟରେ ପରିବାର ସହ ବ୍ରାଜିଲ ଆସିଥିଲେ। ସେତେବେଳେ ପେଡ୍ରୋଙ୍କୁ ୯ ବର୍ଷ ହୋଇଥିଲା । ବାପା ସମ୍ରାଟ ଜୋଆଓ ଷଷ୍ଠଙ୍କ ଇଚ୍ଛା ବିରୋଧରେ ଯାଇ ପେଡ୍ରୋ ୧୮୨୨ ସେପ୍ଟେମ୍ବର ୭ରେ ବ୍ରାଜିଲକୁ ସ୍ବାଧୀନ ଘୋଷଣା କରିଥିଲେ। ପରବର୍ତ୍ତୀ ସମୟରେ ସେ ପୁଣି ପର୍ତ୍ତୁଗାଲ ଫେରିଥିଲେ। ସାନ ଭାଇ ଓ ପେଡ୍ରୋଙ୍କ ଭିତରେ ରାଜଗାଦିକୁ ନେଇ ସଂଘର୍ଷ ହୋଇଥିବାବେଳେ ଏଥିରେ ପେଡ୍ରୋଙ୍କ ବିଜୟ ହୋଇଥିଲା। ମାତ୍ର ୩୫ ବର୍ଷ ବୟସରେ ତାଙ୍କ ମୃତ୍ୟୁ ହୋଇଥିଲା।

 


Enter your email to get our daily news in your inbox.

All Right Reserved By Dharitri.Com

ଯେଉଁଠି କ୍ଷୀର ବିକିବା ମନା

କ୍ଷୀର ସ୍ବାସ୍ଥ୍ୟ ପାଇଁ କେତେ ଜରୁରୀ ଏହା ସମସ୍ତଙ୍କୁ ଜଣା। ପ୍ରତ୍ୟେକ ଘରେ ରାତି ପାହିବା ମାତ୍ରକେ କ୍ଷୀର ଆବଶ୍ୟକତା ପଡ଼ିଥାଏ। ଯଦି ସକାଳୁ କ୍ଷୀରବାଲା...

ଐତିହାସିକ ସହର ପାଲ୍‌ଘର: କେବେ ଓ କେମିତି ଯିବେ; କ’ଣ ଦେଖିବେ

ମହାରାଷ୍ଟ୍ରସ୍ଥିତ ଏକ ଐତିହାସିକ ସହର ଭାବେ ପାଲ୍‌ଘର୍‌ର ସ୍ବତନ୍ତ୍ର ପରିଚୟ ରହିଛି। ପ୍ରାଚୀନ ମନ୍ଦିର, ଆକର୍ଷଣୀୟ ସମୁଦ୍ରତଟ ସାଙ୍ଗକୁ ଐତିହାସିକ କୀର୍ତ୍ତିରାଜିମାନ ଏହି ସହରର ମହତ୍ତ୍ୱକୁ...

ଦିନକୁ ଦେଢ ଲିଟର କଫି ପିଉଥିବା ଏହି ଶିଶୁ କନ୍ୟା

ଶିଶୁମାନେ କଫି ପିଇବା କଥା ଶୁଣିଲେ ଟିକେ ଆଶ୍ଚର୍ଯ୍ୟ ଲାଗେ। କିନ୍ତୁ ଇଣ୍ଡୋନେସିଆର ଏକ ଶିଶୁ କନ୍ୟା ୧୪ ମାସ ବୟସରେ ଦିନକୁ ଦେଢ ଲିଟର...

ଜୈବ ବିବିଧତାର ସୁରକ୍ଷା କବଚ

ଭୂଭାଗରେ ପର୍ବତର ଅବସ୍ଥିତି ବେଶ୍‌ ଗୁରୁତ୍ୱପୂର୍ଣ୍ଣ ା ସମସ୍ତ ଭୂଭାଗର ୨୭% ଅଞ୍ଚଳ ପର୍ବତ ବା ପାହାଡ ଦ୍ୱାରା ଆଚ୍ଛାଦିତ। ଏପରିକି ସମୁଦ୍ର ମଧ୍ୟରେ ବି...

କୁକୁର କରୁଛି ମୁଣ୍ଡରେ ବାଲାନ୍ସ: ଛୋଟ କଖାରୁରୁ ଆରମ୍ଭ କରି ଫୁଲକୁଣ୍ଡକୁ ରଖି…

ହାର୍ଲସୋ ନାମକ ଏକ କୁକୁରର ଫଟୋ ଓ ଭିଡିଓ ସୋସିଆଲ୍‌ ମିଡିଆରେ ଏବେ ବେଶ୍‌ ଭାଇରାଲ୍‌ ହେବାରେ ଲାଗିଛି। କାରଣ ଏହି କୁକୁର ପାଖରେ ରହିଛି...

ଏକାଠି ଦେଖାଯିବେ ବୃହସ୍ପତି-ଶନି

କୋଲକାତା,୨୧।୧୨: ଏକ ବିରଳ ସଂଯୋଗକ୍ରମେ ସୋମବାର ଶନି ଓ ବୃହସ୍ପତି ପରସ୍ପରର ନିକଟତର ହେବେ। ଏହାଯୋଗୁ ପୃଥିବୀ ପୃଷ୍ଠରୁ ଉଭୟ ଗ୍ରହ ଗୋଟିଏ ଉଜ୍ଜ୍ୱଳ ତାରକା...

୭୦ ଚଢ଼େଇ ବଜାଉଛନ୍ତି ଗୀଟାର, ଭିଡିଓ ଦେଖିଲେ ହେବେ ଆଶ୍ଚର୍ଯ୍ୟ

ଚଢ଼େଇଙ୍କ କିଚିରିମିଚିରି ଶବ୍ଦ ନିଶ୍ଚିତ ଶୁଣିଥିବେ। ଚଢ଼େଇମାନଙ୍କ ଏହି ଶବ୍ଦ ବେଶ୍‌ ମନମୁଗ୍ଧକର। ମାତ୍ର ଚଢ଼େଇ କେବେ ଗୀଟାର ବଜାଇବା ଶୁଣିଛନ୍ତି କି? ଯଦି ନା...

ଥାନାରେ ପହଞ୍ଚତ୍ଲା ୫ ବର୍ଷ ତଳର ଗଧ ଚୋରି ମାମଲା; ମନ୍ଦିରରେ ସ୍ଥିର ହେଲା ମାଲିକାନା

ଭିଲ୍‌ବାଡା, ୫।୭- ଜମି, ସମ୍ପତ୍ତିକୁ ନେଇ ଦୁଇ ପକ୍ଷ ଲୋକଙ୍କ ମଧ୍ୟରେ ବିବାଦ ହୋଇଥିବା ଏକ ସାଧାରଣ କଥା। ଏହାର ସମାଧାନ ପାଇଁ ଲୋକେ ଥାନା,...

Advertisement
Archives

Model This Week