Advertisement

ଅଣଦେଖାରୁ ବଢ଼ୁଛି ଅସନ୍ତୋଷ

ବଇଣ୍ଡା, ୨୮ା୧୦ (ପରୀକ୍ଷିତ ସାହୁ): ଅନୁଗୋଳ ଜିଲାର ଏକ ପ୍ରମୁଖ ରେଳ ଷ୍ଟେଶନ ହେଉଛି ବଇଣ୍ଡା। ହେଲେ ଆଠମଲ୍ଲିକ ଉପଖଣ୍ଡରେ ଥିବା ଏହି ଷ୍ଟେଶନ ପ୍ରତି ଗୁରୁତର ଅବହେଳା ପ୍ରଦର୍ଶନ କରାଯାଉଥିବା ଅଭିଯୋଗ ହେଉଛି। ଏହି ଷ୍ଟେଶନ ଦେଇ ୧୮ଟି ଏକ୍ସପ୍ରେସ୍‌ ଟ୍ରେନ ଯାତାୟାତ କରୁଥିଲେ ମଧ୍ୟ ସେଥିରୁ ୧୪ଟି ରହଣି କରୁନାହିଁ। ଫଳରେ ରାଜ୍ୟ ବାହାରକୁ ଯାଉଥିବା ଜିଲାର ୩ ବ୍ଲକର ଯାତ୍ରୀମାନେ ଏଠାରୁ ଏକ୍ସପ୍ରେସ୍‌ ଟ୍ରେନ୍‌ ଧରିପାରୁନାହାନ୍ତି। ଏ ନେଇ ବାରମ୍ବାର ରେଳମନ୍ତ୍ରୀଙ୍କ ଦୃଷ୍ଟି ଆକର୍ଷଣ କରାଯାଉଥିଲେ ମଧ୍ୟ ବଇଣ୍ଡା ଷ୍ଟେଶନ ପ୍ରତି ଅଣଦେଖା ଲାଗି ରହିଥିବାରୁ ଅଞ୍ଚଳରେ ତୀବ୍ର ଅସନ୍ତୋଷ ସୃଷ୍ଟି ହୋଇଛି।
ବଇଣ୍ଡା ଷ୍ଟେଶନ ଦେଇ ଭୁବନେଶ୍ବର – ବଲାଙ୍ଗୀର, ରାଉରକେଲା – ଭୁବନେଶ୍ବର, ବିଶାଖାପାଟଣା – ଅମୃତସର, ପୁରୀ – ହାଟିଆ, ଦୁର୍ଗ – ପୁରୀ, ଭୁବନେଶ୍ବର- -ଲୋକମାନ୍ୟତିଲକ, ପୁରୀ – ଲୋକମାନ୍ୟତିଲକ, ଭୁବନେଶ୍ବର – ଆନନ୍ଦବିହାର, ଭୁବନେଶ୍ବର – ନୂଆଦିଲ୍ଲୀ ରାଜଧାନୀ ଏକ୍ସପ୍ରେସ୍‌, ବିକାନିର – ପୁରୀ, ପୁରୀ -ଯୋଧପୁର, ସମ୍ବଲପୁର – ପୁରୀ ଇଣ୍ଟରସିଟି, ପୁରୀ – ସୁରଟ ଏକ୍ସପ୍ରେସ୍‌, ପୁରୀ -ଅହମ୍ମଦାବାଦ ଏକ୍ସପ୍ରେସ୍‌, ପୁରୀ – ଗାନ୍ଧୀଧାମ, ପୁରୀ – ଶିରିଡ଼ିସାଇ ଏକ୍ସପ୍ରେସ୍‌, ରାଉରକେଲା- ଗୁଣୁପୁର ରାଜ୍ୟରାଣୀ ଏକ୍ସପ୍ରେସ୍‌, ଭୁବନେଶ୍ବର – ରାଉରକେଲା ଇଣ୍ଟରସିଟି ଏକ୍ସପ୍ରେସ୍‌ ଟ୍ରେନ୍‌ ଯାତାୟାତ କରୁଛି। ହେଲେ ଏଥିମଧ୍ୟରୁ କେବଳ ସମ୍ବଲପୁର – ପୁରୀ ଇଣ୍ଟରସିଟି ଏକ୍ସପ୍ରେସ୍‌, ଭୁବନେଶ୍ବର – ବଲାଙ୍ଗୀର, ଭୁବନେଶ୍ୱର- ରାଉରକେଲା ଇଣ୍ଟରସିଟି, ପୁରୀ – ହାଟିଆ ଏକ୍ସପ୍ରେସ୍‌କୁ ଛାଡି ଦେଲେ ଅନ୍ୟ ଟ୍ରେନ୍‌ଗୁଡିକ ରହଣି କରୁନାହିଁ। କରୋନା ପୂର୍ବରୁ ଏହି ଷ୍ଟେଶନ ଦେଇ ଯାଉଥିବା ପୁରୀ – ଅହମଦାବାଦ, ପୁରୀ – ବିକାନିର, ରାଉରକେଲା – ଗୁଣୁପୁର ରାଜ୍ୟରାଣୀ ଏକ୍ସପ୍ରେସ୍‌, ପୁରୀ – ଦୁର୍ଗ , ବିଶାଖାପାଟଣା – ଅମୃତସର ଏକ୍ସପ୍ରେସ୍‌ ଟ୍ରେନ ହଲ୍ଟ କରୁଥିଲା। କରୋନା ପରଠାରୁ ଏହି ଟ୍ରେନଗୁଡିକ ବଇଣ୍ଡା ଷ୍ଟେଶନଠାରେ ଆଉ ରହୁନାହିଁ। ଫଳରେ ଏହି ଟ୍ରେନ ଉପରେ ନିର୍ଭର କରୁଥିବା କିଶୋରନଗର, ଆଠମଲିକ, ଛେଣ୍ଡିପଦା ବ୍ଲକର ୫୦ଟି ପଞ୍ଚାୟତର ଯାତ୍ରୀ ଅସୁବିଧାର ସମ୍ମୁଖୀନ ହେଉଛନ୍ତି। କରୋନା ପୂର୍ବରୁ ଏହି ଷ୍ଟେଶନରୁ ପ୍ରତ୍ୟେକ ମାସରେ ୫ ଲକ୍ଷ ଟଙ୍କା ରାଜସ୍ବ ଆଦାୟ ହେଉଥିବାବେଳେ ବର୍ତ୍ତମାନ ୪ ଲକ୍ଷ ଟଙ୍କା ଆଦାୟ ହେଉଛି। କିନ୍ତୁ ଷ୍ଟେଶନର ବିକାଶ କି ଯାତ୍ରୀଙ୍କ ସୁବିଧାକୁ ଦୃଷ୍ଟିରେ ରଖି ପଦକ୍ଷେପ ନିଆଯାଉ ନାହିଁ। ରାଜ୍ୟ ବାହାରକୁ ଦାଦନ ଖଟିବା ପାଇଁ ଯାଉଥିବା ବହୁ ଶ୍ରମିକ ଟ୍ରେନ୍‌ ଧରିବାକୁ ଏହି ଷ୍ଟେଶନ ଉପରେ ନିର୍ଭର କରୁଥିବାବେଳେ ଯାତାୟାତରେ ବହୁ ଅସୁବିଧାର ସମ୍ମୁଖୀନ ହେଉଛନ୍ତି। ସେମାନଙ୍କ ମଧ୍ୟରୁ କିଏ ୫୫ କିଲୋମିଟର ଦୂର ରେଢାଖୋଲ ତ ଆଉ କିଏ ୪୫ କିଲୋମିଟର ଦୂର ଅନୁଗୋଳ ଷ୍ଟେଶନ ଯାଇ ଟ୍ରେନ୍‌ ଧରୁଛନ୍ତି। ଫଳରେ ଅଯଥାରେ ସେମାନଙ୍କୁ ଖର୍ଚ୍ଚାନ୍ତ ହେବାକୁ ପଡ଼ୁଛି। ବଇଣ୍ଡାଠାରେ ସମସ୍ତ ଏକ୍ସପ୍ରେସ୍‌ ଟ୍ରେନ ରହଣି ପାଇଁ ବଇଣ୍ଡା ଗ୍ରାମବାସୀ ୧୨ ମେ ୨୦୨୧ ଓ ୫ ଜୁନ ୨୦୨୨ରେ ଆଠମଲ୍ଲିକ ବିଧାୟକଙ୍କ ଠାରୁ ଆରମ୍ଭ କରି ସମ୍ବଲପୁର ଏମ୍‌ପି, ପୂର୍ବତଟ ରେଲଓ୍ବେ ଜେନେରାଲ ମ୍ୟାନେଜର, ରେଳ ମନ୍ତ୍ରୀଙ୍କୁ ଦାବିପତ୍ର ପ୍ରଦାନ କରିଥିଲେ ମଧ୍ୟ ପଦକ୍ଷେପ ନିଆଯାଉ ନାହିଁ। ତୁରନ୍ତ ଏଥିପ୍ରତି ଦୃଷ୍ଟି ଦିଆଯିବାକୁ ବଇଣ୍ଡା ଗ୍ରାମବାସୀ ଦାବି କରିଛନ୍ତି।

ବଇଣ୍ଡା ଷ୍ଟେଶନ ପ୍ରତି ଅବହେଳା
ଆଠମଲ୍ଲିକ ଉପଖଣ୍ଡରୁ ରାଜ୍ୟ ବାହାରକୁ ଯାଉଥିବା ଯାତ୍ରୀମାନେ ବଇଣ୍ଡା ରେଳ ଷ୍ଟେଶନ ଉପରେ ନିର୍ଭର କରିଥାନ୍ତି। କିନ୍ତୁ ଦୀର୍ଘଦିନ ହେଲା ୧୪ଟି ଏକ୍ସପ୍ରେସ୍‌ ଟ୍ରେନ୍‌ ଏଠାରେ ରହଣି ପାଇଁ ପଦକ୍ଷେପ ନିଆ ନ ଯିବା ବଇଣ୍ଡା ଷ୍ଟେଶନ ପ୍ରତି ଅବହେଳାକୁ ଦର୍ଶାଉଛି।
-ଭରତ ଚନ୍ଦ୍ର ସାହୁ, ସରପଞ୍ଚ, ପେଡିପଥର
ଯାତ୍ରୀଙ୍କ ସମସ୍ୟାର କାରଣ ହୋଇଛି
ଅନୁଗୋଳ ଜିଲାର ୩ଟି ବ୍ଲକ ଅଞ୍ଚଳର ଯାତ୍ରୀ ବଇଣ୍ଡା ରେଳ ଷ୍ଟେଶନରୁ ଟ୍ରେନ୍‌ ଧରିଥାନ୍ତି। କିନ୍ତୁ ଏହି ଷ୍ଟେଶନ ଦେଇ ଚଳାଚଳ କରୁଥିବା ୧୮ଟି ଏକ୍ସପ୍ରେସ୍‌ ଟ୍ରେନ ମଧ୍ୟରୁ ୧୪ଟି ନ ରହିବା ସମସ୍ୟାର କାରଣ ହୋଇଛି।
-ବିନୀତ ସାହା, ବଇଣ୍ଡା
ରାଜସ୍ବ ତୁଳନାରେ ବିକାଶ ନାହିଁ
କେନ୍ଦ୍ର ସରକାର ଏଠାରୁ ଯେତିକି ରାଜସ୍ବ ପାଉଛନ୍ତି, ସେହି ଅନୁଯାୟୀ ବିକାଶ କାର୍ଯ୍ୟ କରୁନାହାନ୍ତି। ଅନୁଗୋଳ ଜିଲାର ଏହା ଏକ ପ୍ରମୁଖ ଷ୍ଟେଶନ ହୋଇଥିଲେ ମଧ୍ୟ ସବୁ କ୍ଷେତ୍ରରେ ଅବହେଳିତ ହୋଇରହିଛି।
-ସୁନୀଲ କୁମାର ପ୍ରଧାନ, ପୂର୍ବତନ ଉପାଧ୍ୟକ୍ଷ, କିଶୋରନଗର ବ୍ଲକ
କେନ୍ଦ୍ର ସରକାର ଧ୍ୟାନ ଦେଉନାହାନ୍ତି
ବଇଣ୍ଡା ଷ୍ଟେଶନ ଉପରେ ଦୈନିକ ଶତାଧିକ ଯାତ୍ରୀ ନିର୍ଭର କରନ୍ତି। କିନ୍ତୁ ଏହି ଷ୍ଟେଶନର ବିକାଶ କରାଯାଉ ନାହିଁ। ସମସ୍ତ ଏକ୍ସପ୍ରେସ୍‌ ଟ୍ରେନ ରହଣିର ଆବଶ୍ୟକତା ଥିବାବେଳେ କେନ୍ଦ୍ର ସରକାର ଏଥିପ୍ରତି ଧ୍ୟାନ ଦେଉନାହାନ୍ତି।
-ଅଞ୍ଜନ କୁମାର ପ୍ରଧାନ, ଆଇନଜୀବୀ, ଆଠମଲ୍ଲିକ
ରେଳମନ୍ତ୍ରୀଙ୍କୁ ଅବଗତ କରାଯିବ
ବଇଣ୍ଡା ରେଳ ଷ୍ଟେଶନରେ କିଭଳି ସମସ୍ତ ଏକ୍ସପ୍ରେସ୍‌ ଟ୍ରେନ ରହଣି କରିବ, ସେ ନେଇ ରେଳମନ୍ତ୍ରୀଙ୍କୁ ଅବଗତ କରାଯିବ। ଏଥିସହ ଏହି ଷ୍ଟେଶନକୁ କିପରି ଉନ୍ନତମାନର କରାଯାଇପାରିବ, ସେଥିପାଇଁ ବିଭାଗୀୟ ଅଧିକାରୀଙ୍କ ସହ ଆଲୋଚନା କରାଯିବ।
-ରମେଶ ଚନ୍ଦ୍ର ସାଏ, ବିଧାୟକ, ଆଠମଲିକ


Enter your email to get our daily news in your inbox.

All Right Reserved By Dharitri.Com

ଗରିବଙ୍କୁ ଶୁଖିଲା ଖାଦ୍ୟ ବଣ୍ଟନ କଲା ଜିଲା ଆଦିବାସୀ ସଂଘ

ଲୋଇସିଂହା,୬ା୪(ଡି.ଏନ୍‌.ଏ.): ବଲାଙ୍ଗୀର ଜିଲା ଆଦିବାସୀ ସଂଘ ଓ ଗୋଣ୍ଡଓନା ଛାତ୍ର ସଂଘ ମିଳିତ ଆନୁକୂଲ୍ୟରେ ଲୋଇସିଂହା ଓ ହୀରାପୁର ପଞ୍ଚାୟତର ୩୦ ଗରିବ ତଥା ଅସହାୟ...

ରଣପୁର ରଥ ଯାତ୍ରା ପାଇଁ ପ୍ରସ୍ତୁତି: ରଣପୁର ଜଙ୍ଗଲରେ ମିଳୁନି ରଥ କାଠ

ରଣପୁର,୪ା୬(ସ୍ବ.ପ୍ର.)-ଓଡିଶାର ଦ୍ୱିତୀୟ ଶ୍ରୀ କ୍ଷେତ୍ର ଭାବେ ପରିଚିତ ରଣପୁର ରଥଯାତ୍ରା ପାଇଁ ଦେବୋତ୍ତର ବିଭାଗ ତରଫରୁ ସୋମବାର ରଣପୁର ବ୍ଲକ ସଭାଗୃହରେ ଏକ ପ୍ରସ୍ତୁତି ବୈଠକ...

କରୋନା ଆକ୍ରାନ୍ତ ଚିହ୍ନଟ ପରେ ରାସ୍ତା ସିଲ୍‌

ହାଟଡିହୀ,୧୩ା୫(ଡି.ଏନ୍‌.ଏ.) : କେନ୍ଦୁଝର ଜିଲା ହାଟଡିହୀ ବ୍ଲକରେ ବୁଧବାର ପୁଣି ଦୁଇ କରୋନା ଆକ୍ରାନ୍ତ ଚି଼ହ୍ନଟ ପରେ ଲୋକମାନେ ଭୟଭୀତ ହୋଇପଡ଼ିଛନ୍ତି। ଆକ୍ରାନ୍ତ ଦୁଇ ଜଣ...

ହାଇକୋର୍ଟ ମୁଖ୍ୟ ବିଚାରପତି ପାଇଁ ଜଷ୍ଟିସ୍‌ ମହମ୍ମଦ ରଫିକ୍‌ଙ୍କ ନାମ ସୁପାରିଶ

କଟକ ଅଫିସ,୧୯।୪- ମେଘାଳୟ ହାଇକୋର୍ଟ ମୁଖ୍ୟ ବିଚାରପତି ଜଷ୍ଟିସ ମହମ୍ମଦ ରଫିକ ଓଡ଼ିଶା ହାଇକୋର୍ଟର ପରବର୍ତ୍ତୀ ମୁଖ୍ୟ ବିଚାରପତି ହୋଇପାରନ୍ତି। ତାଙ୍କ ନାମକୁ ସୁପ୍ରିମକୋର୍ଟ କଲେଜିୟମ...

ଜମି ବିକ୍ରି ଟଙ୍କା ନ ଦେବାରୁ ବାପାଙ୍କୁ ହତ୍ୟା

କୁଚିଣ୍ଡା,୧୮ା୩(ଡି.ଏନ.ଏ.): ସମ୍ବଲପୁର ଜିଲା ଗୋବିନ୍ଦପୁର ଥାନା ଅଧୀନ ଶର୍ଗିଡିହି ଗ୍ରାମରେ ପୁଅର ଆକ୍ରମଣରେ ବାପାଙ୍କ ମୃତ୍ୟୁ ଘଟିଛି। ଗୋବିନ୍ଦପୁର ପୋଲିସ ଅଭିଯୁକ୍ତ ପୁଅଙ୍କୁ ଗିରଫ କରି...

କାର ସହ ଗଞ୍ଜେଇ ଜବତ, ଜଣେ ଗିରଫ

ଫିରିଙ୍ଗିଆ, ୧ା୧- ଫିରିଙ୍ଗିଆ ଥାନା ପୋଲିସ ସ୍ଥାନୀୟ ସିମିଳି ସାହିରେ ଚଢ଼ାଉ କରି ଏକ କାର ସହ ଗଞ୍ଜେଇ ଜବତ କରିଛି ା ଏହି ଘଟଣାରେ...

ସିଣ୍ଡିକେଟ୍‌ ବ୍ୟାଙ୍କ ସିଇଓଙ୍କ ବ୍ରହ୍ମପୁର ଗସ୍ତ: ‘୧୨ଶହ କୋଟିକୁ ଛୁଇଁବ କାରବାର’

ବ୍ରହ୍ମପୁର ଅଫିସ୍‌,୧୦ା୬-ସିଣ୍ଡିକେଟ୍‌ ବ୍ୟାଙ୍କର ଏମ୍‌ଡ଼ି ତଥା ସିଇଓ ମୃତ୍ୟୁଞ୍ଜୟ ମହାପାତ୍ର ରବିବାର ବ୍ରହ୍ମପୁର ଗସ୍ତରେ ଆସିଛନ୍ତି। ବ୍ରହ୍ମପୁର ଆଞ୍ଚଳିକ କାର୍ଯ୍ୟାଳୟ ସହ ବିଭିନ୍ନ ଶାଖା ପରିଦର୍ଶନ...

ଭୁଶୁଡ଼ିଲା କାନଝରୀ ଡ୍ୟାମ୍‌ କେନାଲ ଆଡ଼ିବନ୍ଧ

କେନ୍ଦୁଝର, ୧୬ା୪ (ସ୍ବ.ପ୍ର.): କେନ୍ଦୁଝର ସଦର ବ୍ଲକ ରଘୁନାଥପୁର ପଞ୍ଚାୟତର କାଳିଆବେଡ଼ା ଗଁା ନିକଟରେ କାନଝରୀ ଡ୍ୟାମ୍‌ର ୨୫ଫୁଟ୍‌ କେନାଲ ଆଡ଼ିବନ୍ଧ ଭୁଶୁଡି ପଡିଛି। ଫଳରେ...

Advertisement
Archives

Model This Week