ଆବୁଧାବି, ୪।୧୦: କୁହାଯାଏ ବିଶ୍ୱର ସବୁଠାରୁ ବ୍ୟୟବହୁଳ ଟି୨୦ କ୍ରିକେଟ୍ ଟୁର୍ନାମେଣ୍ଟ ଇଣ୍ଡିଆନ୍ ପ୍ରିମିୟର ଲିଗ୍ (ଆଇପିଏଲ୍) ଯୁବ ଖେଳାଳିଙ୍କୁ ସର୍ବଦା ସୁଯୋଗ ଦେଇଆସିଛି। ଏହି ପ୍ଲାଟଫର୍ମରେ ଯୁବ କ୍ରିକେଟର୍ମାନେ ସେମାନଙ୍କ ପ୍ରତିଭା ଦେଖାଇବାର ସୁଯୋଗ ପାଇଥାନ୍ତି। ୟୁଏଇରେ ଚାଲିଥିବା ଚଳିତ ଆଇପିଏଲ୍ରେ ଏହିଭଳି ଜଣେ ଖେଳାଳି ନିଜର ପ୍ରଦର୍ଶନର ଛାପ ଛାଡ଼ିବାରେ ସଫଳ ହୋଇଛନ୍ତି। ସେ ହେଲେ ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର (ଆର୍ସିବି)ର ଓପନର୍ ଦେବଦତ୍ତ ପଡିକ୍କଲ।
ବର୍ଷୀୟ ଏହି ବାମହାତୀ ଓପନିଂ ବ୍ୟାଟ୍ସମ୍ୟାନ ପ୍ରଥମଥର ଲାଗି ଆଇପିଏଲ୍ ଖେଳି ସମସ୍ତଙ୍କ ଦୃଷ୍ଟି ଆକର୍ଷଣ କରିଛନ୍ତି। କେରଳରେ ଜନ୍ମିତ ପଡିକ୍କଲ ବର୍ତ୍ତମାନ ସୁଦ୍ଧା ୪ ମ୍ୟାଚ୍ ଖେଳି ୩ ଅର୍ଦ୍ଧଶତକ ହାସଲ କରିଛନ୍ତି। ଏଥିସହ ଆଇପିଏଲ୍ ଇତିହାସରେ ଏକମାତ୍ର ବ୍ୟାଟ୍ସମ୍ୟାନ ଭାବେ ପ୍ରଥମ ୪ଟି ମ୍ୟାଚ୍ରେ ୩ଟି ଅର୍ଦ୍ଧଶତକ ହାସଲ କରିବାର କୀର୍ତ୍ତିମାନ ସେ ସ୍ଥାପନ କରିଛନ୍ତି। ପଡିକ୍କଲ ବର୍ତ୍ତମାନ ସୁଦ୍ଧା ୪ ମ୍ୟାଚ୍ରୁ ୧୩୪.୮୮ ଷ୍ଟ୍ରାଇକରେଟ୍ରେ ୧୭୪ ରନ୍ ସଂଗ୍ରହ କରିଛନ୍ତି। ଶନିବାର ରାଜସ୍ଥାନ ବିପକ୍ଷ ମୁକାବିଲାରେ ସେ ୪୫ ବଲରୁ ୬୩ ରନ କରିଥିଲେ। ସେହିଭଳି ସନ୍ରାଇଜର୍ସ ହାଇଦ୍ରାବାଦ (୫୬) ଓ ମୁମ୍ବାଇ ଇଣ୍ଡିଆନ୍ସ ବିପକ୍ଷରେ (୫୪) ଅର୍ଦ୍ଧଶତକୀୟ ଇନିଂସ ଖେଳିଥିଲେ। ଗତବର୍ଷ ମଧ୍ୟ ଦେବଦତ୍ତ ଆର୍ସିବି ଦଳରେ ସାମିଲ ଥିଲେ ମଧ୍ୟ ଚୂଡ଼ାନ୍ତ ଏକାଦଶରେ ଖେଳିବାର ସୁଯୋଗ ପାଇ ନ ଥିଲେ।
