କେନ୍ଦୁଝର,୨୬ା୭(ସ୍ବ.ପ୍ର.): କେନ୍ଦୁଝର ଜିଲାରେ ରବିବାର ୧୦୩ କରୋନା ପଜିଟିଭ୍ ଚିହ୍ନଟ ହୋଇଛନ୍ତି। ଯାହାକି ସବୁଦିନର ରେକର୍ଡ ଭାଙ୍ଗିଛି। ଏହାକୁ ମିଶାଇ ଜିଲାରେ ମୋଟ୍ ଆକ୍ରାନ୍ତଙ୍କ ସଂଖ୍ୟା ୬୧୦ରେ ପହଞ୍ଚିଛି। ଶନିବାର ଦୁଇଜଣ ସୁସ୍ଥ ହୋଇଥିବା ବେଳେ ମୋଟ୍ ସୁସ୍ଥସଂଖ୍ୟା ୩୯୧ ଥିବା ବେଳେ ୨୧୯ ଜଣ ବିଭିନ୍ନ କୋଭିଡ୍ ହସ୍ପିଟାଲରେ ଚିକିତ୍ସାଧୀନ ରହିଛନ୍ତି।
କ୍ୱାରାଣ୍ଟାଇନ୍ ସେଣ୍ଟରରୁ ୩୩ ଜଣ ଚିହ୍ନଟ ହୋଇଥିବା ବେଳେ ଲୋକାଲ କଣ୍ଟାକ୍ଟ ୬୪ ଏବଂ ୬ କରୋନା ଯୋଦ୍ଧା ଅଛନ୍ତି। ଲୋକାଲ କଣ୍ଟାକ୍ଟ ମଧ୍ୟରୁ ବାଂଶପାଳ ବ୍ଲକରେ ୨୦ ଜଣ, ସଦର ବ୍ଲକରେ ବୋଦାପଲସା ଗ୍ରାମରୁ ୨୧, କେନ୍ଦୁଝରଗଡ଼ ପୌରାଞ୍ଚଳରୁ ୭, ଆନନ୍ଦପୁର ପୌରାଞ୍ଚଳରୁ ୧୦, ଘଷିପୁରା ବ୍ଲକ ସାଇଁକୂଳରୁ ୨, ହାଟଡିହି ବ୍ଲକ ଦଅଁଳାରୁ ଜଣେ ଓ ଝୁମ୍ପୁରା ବ୍ଲକରୁ ୩ ଜଣ ଚିହ୍ନଟ ହୋଇଛନ୍ତି। ଅବଶିଷ୍ଟ ବାଂଶପାଳ ବ୍ଲକରୁ ୮ ଜଣ, ବଡ଼ବିଲରୁ ୨ ଜଣ, ପାଟଣା ବ୍ଲକରୁ ୯ ଜଣ, ସଦର ବ୍ଲକରୁ ୩ ଜଣ, ସାହରପଡ଼ା ବ୍ଲକରୁ ୮ ଜଣ ଓ ହରିଚନ୍ଦନପୁର ବ୍ଲକରୁ ୩ ଜଣ କ୍ୱାରାଣ୍ଟାଇନ୍ ସେଣ୍ଟରରୁ ଚିହ୍ନଟ ହୋଇଛନ୍ତି।
