ସୋସିଆଲ ମିଡିଆ ଦୁନିଆରେ ରାତାରାତି ପ୍ରସିଦ୍ଧି ପାଇବା ଯେତିକି ସହଜ, ବିବାଦ ଗଳିରେ ଫସିଯିବାର ବିପଦ ମଧ୍ୟ ସେତିକି ଅଧିକ ରହିଥାଏ। ଆଜିକାଲି ଷ୍ଟାଣ୍ଡଅପ କମେଡିଆନ ପ୍ରଣିତ ମୋରେ ନିଜର ଏକ ଶୋ’ର ଭାଇରାଲ ଭିଡିଓକୁ ନେଇ ଜୋରଦାର ବିବାଦ ଘେରରେ ରହିଛନ୍ତି। ଗୁରୁଗ୍ରାମର ଜଣେ ଯୁବକଙ୍କ ସହ ଶୋ’ ମଧ୍ୟରେ ହୋଇଥିବା କଥାବାର୍ତ୍ତାର ଭିଡିଓ କ୍ଲିପ ଇଣ୍ଟରନେଟରେ ଆସିବା ମାତ୍ରେ ଲୋକଙ୍କ ଆକ୍ରୋଶ ଚରମ ସୀମାରେ ପହଞ୍ଚିଛି। ଏହି ’୩୭୦ ଟଙ୍କାର ବିରିୟାନୀ’ ବିବାଦ ପରେ ଗୋଟିଏ ପଟେ ସେହି ଦର୍ଶକଙ୍କ ଚାକିରି ଚାଲିଯାଇଥିବା ବେଳେ ଅନ୍ୟପଟେ କମେଡିଆନ ପ୍ରଣିତ ମୋରେଙ୍କ ବିରୋଧରେ ଏଫଆଇଆର୍ (FIR) ମଧ୍ୟ ରୁଜୁ ହୋଇଛି। ଏହି ସବୁ ହଙ୍ଗାମା ଭିତରେ ପ୍ରଣିତ ମୋରେ ଗୋଟିଏ ଶୋ’ରୁ କେତେ ରୋଜଗାର କରନ୍ତି ଏବଂ ତାଙ୍କର କ୍ୟାରିୟର କିପରି ରହିଛି, ସେ ବିଷୟରେ ସମସ୍ତେ ଜାଣିବାକୁ ଚାହୁଁଛନ୍ତି।
ଏହି ସମ୍ପୂର୍ଣ୍ଣ ବିବାଦର ଆରମ୍ଭ ପ୍ରଣିତ ମୋରେଙ୍କ ଏକ ଲାଇଭ ଷ୍ଟାଣ୍ଡଅପ କମେଡି ଶୋ’ ସମୟରେ ହୋଇଥିଲା। ଶୋ’ରେ ଉପସ୍ଥିତ ଥିବା ଗୁରୁଗ୍ରାମର ହିମାଂଶୁ ଜାଙ୍ଗଡ଼ା ନାମକ ଜଣେ ଯୁବକ କଥାବାର୍ତ୍ତା ବେଳେ କହିଥିଲେ ଯେ, ସେ ଜଣେ ଝିଅ ସହ ଡେଟରେ ଯାଇଥିଲେ। ସେଠାରେ ସେ ଝିଅର ବିରିୟାନୀ ବାବଦରେ ୩୭୦ ଟଙ୍କା ଖର୍ଚ୍ଚ କରିଥିଲେ ଏବଂ ଏହାର ବଦଳରେ ସେ ଝିଅ ସହ ଶାରୀରିକ ସମ୍ପର୍କ ରଖିବାକୁ ଆଶା କରୁଥିଲେ। ଯୁବକଜଣକ ସମସ୍ତଙ୍କ ସାମ୍ନାରେ ସୱୀକାର କରିଥିଲେ ଯେ, ଝିଅଟିର ସମ୍ମତି ନଥିବା ସତ୍ତ୍ୱେ ସେ ତାଙ୍କ ଉପରେ ଜୋର ଜବରଦସ୍ତ କରିବାକୁ ଚେଷ୍ଟା କରିଥିଲେ। ଏଭଳି ଏକ ଅଶ୍ଳୀଳ ଏବଂ ସମ୍ୱେଦନଶୀଳ କଥା ଉପରେ ତୁରନ୍ତ ଆପତ୍ତି ପ୍ରକାଶ କରିବା ବା ତାଙ୍କୁ ଅଟକାଇବା ବଦଳରେ ଶୋ’ର ହୋଷ୍ଟ ପ୍ରଣିତ ମୋରେ ହସୁଥିଲେ ଏବଂ ଏହି କଥାକୁ ମଜାକରେ ଉଡ଼ାଇ ପ୍ରୋତ୍ସାହନ ଦେଇଥିଲେ।
ଏହି ବଡ଼ ବିବାଦ ପରେ ପ୍ରଣିତ ମୋରେଙ୍କ ଲାଇଫଷ୍ଟାଇଲ ଏବଂ ତାଙ୍କ ରୋଜଗାରକୁ ନେଇ ବେଶ ଚର୍ଚ୍ଚା ହେଉଛି। ମିଡିଆ ରିପୋର୍ଟ ଅନୁଯାୟୀ, ପ୍ରଣିତ ମୋରେଙ୍କ ଲାଇଭ ଶୋ’ର କୌଣସି ଗୋଟିଏ ର୍ନିଦ୍ଦିଷ୍ଟ ଫିସ ବା ଟିକେଟ ଆୟ ସ୍ଥିର ନଥାଏ। ତେବେ ଏକ ଆନୁମାନିକ ହିସାବ ଅନୁସାରେ, ସେ ଗୋଟିଏ ଷ୍ଟାଣ୍ଡଅପ ଶୋ’ କିମ୍ୱା ଲାଇଭ ଇଭେଣ୍ଟ ପାଇଁ ପ୍ରାୟ ୫୦,୦୦୦ ଟଙ୍କାରୁ ୧ ଲକ୍ଷ ଟଙ୍କା ପର୍ଯ୍ୟନ୍ତ ସହଜରେ ରୋଜଗାର କରିନିଅନ୍ତି। ତାଙ୍କ ଶୋ’ର ଟିକେଟ ଚାହିଦା ଏବଂ ସ୍ଥାନ (Venue) ଅନୁସାରେ ଏହି ରୋଜଗାର ବଦଳିଥାଏ।
ପ୍ରଣିତ ମୋରେଙ୍କ ଆୟ କେବଳ ଲାଇଭ ଷ୍ଟେଜ ଶୋ’ ମଧ୍ୟରେ ସୀମିତ ନୁହେଁ, ବରଂ ତାଙ୍କ ପାଖରେ ରୋଜଗାରର ଆହୁରି ଅନେକ ମାଧ୍ୟମ ରହିଛି। ତାଙ୍କର ମୁଖ୍ୟ ଆୟର ଏକ ବଡ଼ ଅଂଶ ଟିକେଟର ଡିଜିଟାଲ ବିକ୍ରି, ବଡ଼ ବ୍ରାଣ୍ଡ୍ଗୁଡ଼ିକର ଏଣ୍ଡୋର୍ସମେଣ୍ଟ (ପ୍ରଚାର) ଏବଂ ୟୁଟ୍ୟୁବ ଭିଡିଓରୁ ଆସିଥାଏ। ୟୁଟ୍ୟୁବ୍ରେ ତାଙ୍କ ଭିଡିଓକୁ ଲକ୍ଷ ଲକ୍ଷ ଭ୍ୟୁ ମିଳିଥାଏ, ଯେଉଁଥିରୁ ସେ ମୋଟା ଅଙ୍କର ବିଜ୍ଞାପନ ଆୟ କରନ୍ତି। ଏହା ସହିତ ଜଣେ ସୋସିଆଲ ମିଡିଆ ଇନ୍ଫ୍ଲୁଏନ୍ସର ଭାବରେ ସେ ବିଭିନ୍ନ କମ୍ପାନୀ ସହ ପେଡ ପ୍ରମୋସନ (ଟଙ୍କା ନେଇ ପ୍ରଚାର) କରି ମଧ୍ୟ ଭଲ ଟଙ୍କା ପାଆନ୍ତି।
ଇଣ୍ଟରନେଟ ଏବଂ ଲାଇଭ ଏଣ୍ଟରଟେନମେଣ୍ଟ ଇଣ୍ଡଷ୍ଟ୍ରିରେ କ୍ରମାଗତ ଭାବରେ ସକ୍ରିୟ ରହି ପ୍ରଣିତ ମୋରେ ପ୍ରଚୁର ସମ୍ପତ୍ତି ଅର୍ଜନ କରିଛନ୍ତି। ବିଭିନ୍ନ ମିଡିଆ ରିପୋର୍ଟ ଅନୁଯାୟୀ, ପ୍ରଣିତଙ୍କ ମୋଟ ସମ୍ପତ୍ତି (Net Worth) ପ୍ରାୟ ୪ କୋଟିରୁ ୮ କୋଟି ଟଙ୍କା ମଧ୍ୟରେ ବୋଲି ଆକଳନ କରାଯାଇଛି। ମୁମ୍ୱାଇ ଭଳି ସହରରେ ରହି କେବଳ ଷ୍ଟାଣ୍ଡଅପ କମେଡି ଜରିଆରେ ଏତେ ବଡ଼ ସମ୍ପତ୍ତି ତିଆରି କରିବା ଏହା ଦର୍ଶାଉଛି ଯେ, ଏହି ବିବାଦ ପୂର୍ୱରୁ ତାଙ୍କ କ୍ୟାରିୟର ଗ୍ରାଫ କେତେ ଦ୍ରୁତ ଗତିରେ ଉପରକୁ ଯାଉଥିଲା।
ଆଜି କୋଟି କୋଟି ଟଙ୍କାର ସମ୍ପତ୍ତିର ମାଲିକ ସାଜିଥିବା ପ୍ରଣିତ ମୋରେଙ୍କ କ୍ୟାରିୟରର ଆରମ୍ଭ ଖୁବ ସାଧାରଣ ଭାବେ ହୋଇଥିଲା। ସେ ଏକ ଅଟୋମୋବାଇଲ ଶୋ’ରୁମ୍ରେ ଜଣେ ସେଲ୍ସ ଏକ୍ଜିକ୍ୟୁଟିଭ ଭାବରେ ନିଜର ଚାକିରି ଜୀବନ ଆରମ୍ଭ କରିଥିଲେ। ଏହାପରେ ସେ ରେଡିଓ ର୍ମିଚ୍ଚିରେ ଜଣେ ଆର୍ଜେ (RJ – ରେଡିଓ ଜକି) ଭାବେ ନିଜ ସୱରର ଯାଦୁ ବିଛେଇଥିଲେ। ଆପଣ ଜାଣି ଆଶ୍ଚର୍ଯ୍ୟ ହେବେ ଯେ, ତାଙ୍କ କ୍ୟାରିୟରର ପ୍ରାରମ୍ଭିକ ଦିନରେ ତାଙ୍କର ମାସିକ ଦରମା ମାତ୍ର ୧୧,୦୦୦ ଟଙ୍କା ଥିଲା। ଆର୍ଜେ ଚାକିରି ସମୟରେ ହିଁ ସେ କମେଡି ଏବଂ ଆଙ୍କରିଂର ଅନେକ ଗୁରୁତ୍ୱପୂର୍ଣ୍ଣ ଦିଗ ଶିଖିବାର ସୁଯୋଗ ପାଇଥିଲେ।
