ସହରୀ ଜାଗାକୁ କବ୍‌ଜା

ଅନୁଗୋଳ ଅଫିସ, ୧୩।୩ :  ଅନୁଗୋଳ ସହରର ବିଭିନ୍ନ ବସ୍ତିରେ ବସବାସ କରୁଥିବା ଲୋକଙ୍କୁ ଜାଗା ମିଶନରେ ସାମିଲ କରାଯାଇ ସ୍ଥାୟୀ ପଟ୍ଟା ପ୍ରଦାନ କରାଯାଉଛି। ଏପରି କି ଆବାସ ଯୋଜନାରେ ସେମାନଙ୍କୁ ପକ୍କା ଘର ଯୋଗାଇ ଦିଆଯାଉଛି। କିନ୍ତୁ ବହୁ ବ୍ୟକ୍ତି ସହରୀ ଜାଗାକୁ ବିଭିନ୍ନ ସ୍ଥାନରେ ଜବରଦଖଲ କରିବା ପୌର ପ୍ରଶାସନକୁ ଅଡ଼ୁଆରେ ପକାଇଛି। ସ୍ବୀକୃତିପ୍ରାପ୍ତ ୧୩ଟି ବସ୍ତିରେ ଖାଲିଥିବା ଜାଗାର ପ୍ରାୟ ୬୦ ପ୍ରତିଶତ ଏବେ ମାଫିଆଙ୍କ କବ୍‌ଜାରେ ଥିବା ସୂଚନା ମିଳିଛି।
ଅନୁଗୋଳ ପୌରପାଳିକାର ପରିଧି ୧୯.୨୪ ସ୍କୋୟାର କିଲୋମିଟର। ୨୦୧୧ ଜନଗଣନା ଅନୁଯାୟୀ ସହରର ଲୋକ ସଂଖ୍ୟା ୪୩ ହଜାର ୭୯୫ ହୋଇଥିବା ବେଳେ ଗତ ୧୦ ବର୍ଷ ମଧ୍ୟରେ ଏହା ଢେର ବଢ଼ିଗଲାଣି। ସହରରେ ଏବେ ମୋଟ ୨୭ଟି ବସ୍ତି ରହିଛି। ସେଥିରୁ ୧୩ଟିକୁ ୨୦୧୮ରେ ସରକାରୀ ସ୍ବୀକୃତି ମିଳିଥିବାରୁ ସେଠାରେ କେତେ ଘର ଓ ଖାଲି ସ୍ଥାନ ରହିଛି, ତାହା ଚିହ୍ନଟ କରାଯାଇଥିଲା। ପ୍ରଥମେ ଦୁଇଟି ସଂସ୍ଥା ପକ୍ଷରୁ ଏହି ସର୍ଭେ କରାଯାଇଥିବାବେଳେ ଏବେ ପୌରପାଳିକା ସ୍ଥାନୀୟ ତହସିଲଦାରଙ୍କୁ ଧରି ତର୍ଜମା କରୁଛି। ୨୦୧୯ରେ ସର୍ଭେ ଶେଷ ପରେ ମୋଟ ୨୦୫୬ ଜଣ ବସ୍ତିରେ ବସବାସ କରୁଥିବା ଉକ୍ତ ସଂସ୍ଥା ପକ୍ଷରୁ ପ୍ରଶାସନକୁ ରିପୋର୍ଟ ପ୍ରଦାନ କରାଯାଇଥିଲା। ଉକ୍ତ ରିପୋର୍ଟ ପାଇବା ପରେ ଚିହ୍ନଟ ବସ୍ତିବାସିନ୍ଦାଙ୍କୁ ଟୋକନ୍‌ ପ୍ରଦାନ କରାଯାଇଥିଲା। ଉକ୍ତ ଟୋକନ୍‌ ଦେଖାଇଲେ ବସ୍ତିବାସିନ୍ଦାଙ୍କୁ ଅବସ୍ଥାପିତ ହୋଇଥିବା ଜାଗାରେ ବସବାସ କରିବାକୁ ସରକାରୀ ଭାବେ ଅନୁମତି ପ୍ରଦାନ କରାଯାଉଛି। ଚିହ୍ନଟ ୨୦୫୬ ଜଣଙ୍କୁ ଜାଗା ମିଶନ୍‌ରେ ସାମିଲ କରାଯାଇଥିବା ବେଳେ ସେମାନଙ୍କ ମଧ୍ୟରୁ ୬୦୧ ଜଣଙ୍କୁ ଏଲ୍‌ଆର୍‌ସି (ଲ୍ୟାଣ୍ଡ ରାଇଟ୍‌ ସାର୍ଟିଫିକେଟ୍‌) ପ୍ରଦାନ କରାଯାଇସାରିଛି। ସେହିପରି ୨୬ ଜଣଙ୍କଠାରୁ ଜାଗା ମୂଳ ମୂଲ୍ୟର ୨୫ ପ୍ରତିଶତ ଟଙ୍କା ନେଇ ପୌରପାଳିକା ପଟ୍ଟା ମଧ୍ୟ ପ୍ରଦାନ କରିଛି। ଆଉ ୨୧୨ ଜଣଙ୍କଠାରୁ ଜାଗା ମୂଲ୍ୟର ୫୦ ଓ ୨୫ ପ୍ରତିଶତ ମୂଲ୍ୟ ନେଇ ଜାଗା ପ୍ରଦାନ କରାଯିବାକୁ ତର୍ଜମା ହେଉଛି। ସେଥିମଧ୍ୟରୁ ରାଧାରମଣପଡ଼ାର ୭୦ ଜଣ ରହିଛନ୍ତି। ତେବେ ସ୍ବୀକୃତି ପାଇଥିବା ୧୩ଟି ବସ୍ତିରେ ଜାଗା ଚିହ୍ନଟ ହୋଇଥିବା ବେଳେ ଜବରଦଖଲ ପୌରପାଳିକା ପାଇଁ ସମସ୍ୟା ସୃଷ୍ଟି କରିଛି। କେଉଁଠି ସିମେଣ୍ଟ ଖୁଣ୍ଟ ପୋତାଯାଇଛି ତ ଆଉ କେଉଁଠି ବେଆଇନ ଭାବେ ଘର ନିର୍ମାଣ କରାଯାଇଛି। ତେଣୁ ଏସବୁ ଜାଗାରୁ ଜବରଦଖଲ ଉଚ୍ଛେଦ ପାଇଁ ପୌର ପ୍ରଶାସନ ଅଣ୍ଟା ଭିଡ଼ିଥିବା ଜଣାପଡ଼ିଛି। ଅନ୍ୟପକ୍ଷରେ ଜାଗା ପାଇଥିବା ଲୋକମାନେ ୪୮୪ ସ୍କୋୟାରଫୁଟ୍‌ରୁ ଅଧିକ ଅକ୍ତିଆର କରିଥିଲେ ତାହାକୁ ସରେଣ୍ଡର କରିବେ। ନଚେତ୍‌ ଆଇନ ଅନୁଯାୟୀ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ପୌରପାଳିକା ପକ୍ଷରୁ କୁହାଯାଇଛି।

ଜବରଦଖଲ ଉଚ୍ଛେଦ ହେବ
୧୩ଟି ବସ୍ତିର ଖାଲି ଜାଗାକୁ ଜବରଦଖଲକାରୀମାନେ କବ୍‌ଜା କରିଛନ୍ତି। ଉକ୍ତ ସ୍ଥାନରେ ବସ୍ତିବାସିନ୍ଦାଙ୍କ ପାଇଁ ଉନ୍ନୟନ କାର୍ଯ୍ୟ କରାଯିବ। ତେଣୁ ସେଠାରୁ ଜବରଦଖଲ ଉଚ୍ଛେଦ କରାଯିବ। ଏହାକୁ କେହି ବିରୋଧ କଲେ ଆଇନ ଅନୁଯାୟୀ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ।
-ଗିରିଜା ଶଙ୍କର ମଲ୍ଲିକ, ପୌର ନିର୍ବାହୀ ଅଧିକାରୀ
ମାଫିଆଙ୍କୁ ସାବାଡ୍‌ କରାଯିବା ଦରକାର
ସରକାରୀ ଜାଗାକୁ ଅସାମାଜିକମାନେ ଅକ୍ତିଆର କରି ରଖୁଛନ୍ତି। ଅନୁଗୋଳରେ ଏହା ନିତିଦିନିଆ ଘଟଣା। ସେମାନଙ୍କୁ ସାବାଡ କରିବାକୁ ହେଲେ କଠୋର କାର୍ଯ୍ୟାନୁଷ୍ଠାନ ଗ୍ରହଣ କରାଯିବା ଦରକାର। ଏଥିସହ ଜବରଦଖଲ ହଟାଯାଇ ଖାଲି ସ୍ଥାନରେ ଉନ୍ନୟନ କାର୍ଯ୍ୟ ତୁରନ୍ତ କରାଯିବା ଆବଶ୍ୟକ।
-ବିରଞ୍ଚତ୍ ନାରାୟଣ ଦାସ, ଅନୁଗୋଳବାସୀ
ପ୍ରଶାସନ ଅପାରଗତାରୁ ଫାଇଦା
ପ୍ରଶାସନର ଅପାରଗତା ପାଇଁ ମାଫିଆମାନେ ଜାଗା ମାଡ଼ି ବସୁଛନ୍ତି। ଆରମ୍ଭରୁ କଠୋର କାର୍ଯ୍ୟାନୁଷ୍ଠାନ ଗ୍ରହଣ କରାଯାଉଥିଲେ ଏଭଳି ଘଟନ୍ତା ନାହିଁ। କେବଳ ଅନୁଗୋଳ ସହର ନୁହେଁ, ଜିଲାରେ ବିଭିନ୍ନ ଅଞ୍ଚଳରେ ଜବରଦଖଲକାରୀମାନେ ସରକାରୀ ଜାଗା ମାଡ଼ିବସିଛନ୍ତି। ଏମାନଙ୍କ ବିରୋଧରେ ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରାଯିବା ଦରକାର।
-ରଶ୍ମିରଞ୍ଜନ ସାହୁ, ଅନୁଗୋଳବାସୀ
ସାମୂହିକ କାର୍ଯ୍ୟରେ ଲଗାଯାଉ
ସରକାରଙ୍କ ଜାଗା ମିଶନରେ ବସ୍ତିବାସିନ୍ଦାଙ୍କୁ ଜାଗା ସହ ଆବାସ ଯୋଜନାରେ ଘର ମିଳିଛି। କିଛି ସମସ୍ୟା ପାଇଁ କେତେଜଣ ଏଯାଏ ଉକ୍ତ ଯୋଜନାର ଲାଭ ପାଇପାରି ନାହାନ୍ତି। ତେଣୁ ସେମାନଙ୍କୁ ତୁରନ୍ତ ଜାଗା ପ୍ରଦାନ ସହ ଖାଲି ଥିବା ସ୍ଥାନକୁ ସାମୂହିକ କାର୍ଯ୍ୟ ପାଇଁ ଦିଆଗଲେ ବସ୍ତିବାସିନ୍ଦା ଉପକୃତ ହେବେ।
-ମମତା ନାୟକ, ଅନୁଗୋଳବାସୀ


Enter your email to get our daily news in your inbox.

All Right Reserved By Dharitri.Com

ସୂଚନା ଓ ଲୋକସମ୍ପର୍କ ବିଭାଗ: କୃପାସିନ୍ଧୁ ମିଶ୍ର ନୂତନ ନିର୍ଦ୍ଦେଶକ

ଭୁବନେଶ୍ୱର,୨୫।୬(ବ୍ୟୁରୋ)- କାର୍ଯ୍ୟକ୍ଷେତ୍ରରେ ଶୃଙ୍ଖଳା ଓ ଅନୁରାଗ ଦ୍ୱାରା ଅଧିକାରୀମାନେ ବିଶେଷ ଦକ୍ଷ ଓ ପ୍ରତିବଦ୍ଧ ହୋଇପାରିବେ । ସେଥିପାଇଁ କର୍ମସଂସ୍କୃତି, ସମୟାନୁବର୍ତ୍ତିତା ଓ ଦାୟିତ୍ୱବୋଧ ଉପରେ...

ମାଓବାଦୀଙ୍କ ନାଁ ନେଇ ଗୁଳିକାଣ୍ଡ

ପାଟଣାଗଡ, ୩୦।୧୨(ଡି.ଏନ.ଏ.):ପାଟଣାଗଡ ଉପଖଣ୍ଡସ୍ଥ ଗଙ୍ଗାସାଗର ଗ୍ରାମ ଶେଷ ମୁଣ୍ଡରେ ଥିବା ନବୀନ ମେହେରଙ୍କ ବାସଭବନରେ ରବିବାର ବିଳମ୍ବିତ ରାତି ୨ଟା ସମୟରେ ଜଣେ ଅଜଣା ବ୍ୟକ୍ତି...

ଅତିଥି ବେଶରେ ଗହଣା ବ୍ୟାଗ୍‌ ନେଇ ଚମ୍ପଟ ଘଟଣା: ଅଭିଯୁକ୍ତଙ୍କୁ ବାନ୍ଧିଲା କମିଶନରେଟ ପୋଲିସ, ଜବତ ହେଲା ଟଙ୍କା

ଭୁବନେଶ୍ୱର,୪।୩(ବ୍ୟୁରୋ): ଚନ୍ଦ୍ରଶେଖରପୁର ଥାନା ଅଞ୍ଚଳରେ ଥିବା କ୍ରିଷ୍ଟାଲ କୋଟିଆ କଲ୍ୟାଣ ମଣ୍ଡପରେ ଚାଲିଥିବା ଏକ ବିବାହ ଉତ୍ସବରେ ଭିଆଇପି ଅତିଥି ସାଜି ଗହଣା ବ୍ୟାଗ୍‌ ଲୁଟ୍‌ର...

ରେଭେନ୍‌ଶା ବିଶ୍ୱବିଦ୍ୟାଳୟ: ଦୂର ହେଉନି ଅଧ୍ୟାପକ ସଙ୍କଟ, ୨୬୭ ପଦବୀରେ ଅଛନ୍ତି ୯୫

କଟକ ଅଫିସ,୮।୧୨: ରାଜ୍ୟର ଐତିହାସିକ ଶିକ୍ଷାନୁଷ୍ଠାନ ରେଭେନ୍‌ଶା ବିଶ୍ୱବିଦ୍ୟାଳୟରୁ ଦୂରହେବା ନଁା ଧରୁନି ଅଧ୍ୟାପକ ସଙ୍କଟ। ଦୀର୍ଘବର୍ଷ ଧରି ଏହି ସମସ୍ୟା ଲାଗି ରହିଥିଲେ ମଧ୍ୟ...

ଜାତୀୟ ସାହସିକତା ପୁରସ୍କାର ପାଇଥିବା ୩ ଝିଅଙ୍କୁ ମୁଖ୍ୟମନ୍ତ୍ରୀଙ୍କ ସମ୍ବର୍ଦ୍ଧନା: ଜଣଙ୍କ ପିଛା ଏକ ଲକ୍ଷ ଟଙ୍କା ଚେକ୍‌ ପ୍ରଦାନ

ଭୁବନେଶ୍ୱର,୩୦ା୧(ବ୍ୟୁରୋ): କେନ୍ଦ୍ରାପଡ଼ା ଜିଲା ମହାକାଳପଡା ବ୍ଲକ ନିପାଣିଆ ଗ୍ରାମ ନିକଟ ଖୋଳା ନଦୀରେ ଗତବର୍ଷ ଜାନୁୟାରୀ ୨ ତାରିଖରେ ଏକ ଯାତ୍ରୀବାହୀ ଡଙ୍ଗା ବୁଡିଯିବା କାରଣରୁ...

ଚଢ଼ାଉ ସତ୍ତ୍ୱେ ପାର୍ବଣ ଭିଡ଼

ଭୁବନେଶ୍ୱର,୨୫।୧୦ (ବ୍ୟୁରୋ): ଦୁର୍ଗାପୂଜାକୁ ଦୃଷ୍ଟିରେ ରଖି ସରକାର ଓ ପ୍ରଶାସନ ସ୍ବତନ୍ତ୍ର କରୋନା ଗାଇଡ୍‌ଲାଇନ୍‌ ଜାରି କରିଥିବାବେଳେ ପୋଲିସ ଲୋକଙ୍କୁ ସତର୍କ ଓ ସଚେତନ କରି...

ସାନଭାଇ ଟାଙ୍ଗିଆ ଚୋଟରେ ବଡ଼ଭାଇଙ୍କ ଜୀବନଗଲା

କଣିହାଁ,୨୩ା୮(ଡି.ଏନ୍‌.ଏ.): ସାନ ଭାଇଙ୍କ ଟାଙ୍ଗିଆ ଚୋଟରେ ବଡ଼ ଭାଇଙ୍କ ଜୀବନ ଯାଇଛି। ଏମିତି ଏକ ଅଭାବନୀୟ ଘଟଣା ଘଟିଛି ଅନୁଗୋଳ ଜିଲା ସମଲ ଥାନା ଶିପୁର...

ମାଛଚାଷ କରିଛି ମହିଳାଙ୍କୁ ସ୍ବାବଲମ୍ବୀ

କେନ୍ଦ୍ରାପଡ଼ା ଅଫିସ, ୧୦ା୧: ଶିଳ୍ପବିହୀନ କେନ୍ଦ୍ରାପଡ଼ା ଜିଲାରେ କୃଷିକୁ ଗୁରୁତ୍ୱ ଦିଆଯାଏ। ତେବେ ସାଧାରଣ ଧାନ ଫସଲ ପରିବାରର ଅର୍ଥନୀତିକୁ ସମ୍ଭାଳି ପାରୁନାହିଁ। ଫଳରେ ଜିଲାର...

Advertisement
Archives

Model This Week