ନୂଆପଡ଼ା ଅଫିସ,୮।୪: ନୂଆପଡା ଜିଲାର ୩ଟି ଏନ୍ଏସି ଉପାଧ୍ୟକ୍ଷ ନିର୍ବାଚନ ଗୁରୁବାର ଶେଷ ହୋଇଛି। ୨ଟିରେ ବିଜେଡି ଓ ଗୋଟିଏରେ କଂଗ୍ରେସ ଦଖଲ କରିଛି। ନୂଆପଡା ଏନ୍ଏସିରେ ଉପାଧ୍ୟକ୍ଷଭାବେ ୱାର୍ଡ ନମ୍ବର ୩ର ବିଜେଡି ପ୍ରାର୍ଥତ୍ନୀ ସଞ୍ଜୁକ୍ତା ପଣ୍ଡା ନିର୍ଦ୍ୱନ୍ଦ୍ୱରେ ନିର୍ବାଚିତ ହୋଇଛନ୍ତି। ଖରିଆର ରୋଡ ଏନ୍ଏସିରେ ଉପାଧ୍ୟକ୍ଷ ପଦ ଲାଗି ନିର୍ବାଚନ ହୋଇଥିବା ବେଳେ ବିଜେଡି ପ୍ରାର୍ଥୀ ନିଶାନ୍ତ ଡାଗା ନିର୍ବାଚିତ ହୋଇଛନ୍ତି। ଏଠାରେ ଭାଜପା ଓ ବିଜେଡି ପ୍ରାର୍ଥୀ ନାମାଙ୍କନ ଦାଖଲ କରିଥିଲେ। ଭାଜପା ପକ୍ଷରୁ ୱାର୍ଡ ନମ୍ବର ୪ର ସନ୍ଦିପ ଶର୍ମା ଏବଂ ବିଜେଡି ପକ୍ଷରୁ ୱାର୍ଡ ନମ୍ବର ୮ର ନିଶାନ୍ତ ଡାଗା ନାମାଙ୍କନ ଦାଖଲ କରିଥିଲେ। ବିଜେଡି ପ୍ରାର୍ଥୀ ଡାଗା ୧୦ଖଣ୍ଡ ଭୋଟ ପାଇଥିବା ବେଳେ ନିକଟତମ ପ୍ରତିଦ୍ୱନ୍ଦ୍ୱୀ ଶର୍ମା ୯ ଖଣ୍ଡ ଭୋଟ ପାଇଥିଲେ।
ଖଡିଆଳ ଏନ୍ଏସିରେ ଉପାଧ୍ୟକ୍ଷ ପଦବୀ ପାଇଁ କଂଗ୍ରେସ ପ୍ରାର୍ଥୀ ୱାର୍ଡ ନମ୍ବର ୭ର କାଉନସିଲର ସକୁନ୍ତଳା ରାଉତ ନାମାଙ୍କନ ଦାଖଲ କରିଥିବା ବେଳେ ବିଜେଡି ପକ୍ଷରୁ ୱାର୍ଡ ନମ୍ବର ୧ର ସୁଚିସ୍ମିିତା ମହାରଣା ନାମାଙ୍କନ ଦାଖଲ କରିଥିଲେ। କଂଗ୍ରେସ ପ୍ରାର୍ଥୀଙ୍କ ସପକ୍ଷରେ ୬ ଖଣ୍ଡ ଭୋଟ ପଡିଥିବା ବେଳେ ବିଜେଡି ପ୍ରାର୍ଥୀ ପାଇଥିଲେ ୫ଖଣ୍ଡ ଭୋଟ। ଫଳରେ ଗୋଟିଏ ଭୋଟରେ କଂଗ୍ରେସ ପ୍ରାର୍ଥୀ ସକୁନ୍ତଳା ରାଉତ ବିଜୟୀ ହୋଇଥିଲେ। ଭାଜପାର ୨ଜଣ କାଉନସିଲର ଅନୁପସ୍ଥିତ ଥିଲେ।
