ମହାକାଳପଡ଼ା, ୨୬ା୮(ପ୍ରତାପ ଚନ୍ଦ୍ର ସ୍ବାଇଁ ):୮୦ ବର୍ଷ ହେଲା ସ୍ବାଧୀନତା ମିଳିଲାଣି। ହେଲେ ଏବେବି ଅନେକ ନିପଟ ମଫସଲ ଗାଁରେ ସ୍ବାଧୀନତା ଅପହଞ୍ଚ ପାଲଟିଛି। ଲୁଣା ହେନ୍ତାଳ ଘେରା ଗଁାରେ ବନ୍ୟପ୍ରାଣୀ, ବିଷାକ୍ତ ସରୀସୃପ ପ୍ରବେଶ କରି ଧନ ଜୀବନ, ଜୀବିକା ନଷ୍ଟ କରୁଥିବା ଅଭିଯୋଗ କରିଛନ୍ତି । ଶିକ୍ଷା, ସ୍ବାସ୍ଥ୍ୟ ପାନୀୟଜଳ ଗମନାଗମନ ଭଳି ମୌଳିକ ସୁବିଧା ଅପହଞ୍ଚ ।
କେନ୍ଦ୍ରାପଡ଼ା ଜିଲା ମହାକାଳପଡା ବ୍ଲକ ନାଞ୍ଜୁରା ପଞ୍ଚାୟତ ସାନ୍ତାଳୀ ଗାଁ ପାଣିଖିଆ। ବର୍ଷା ହେଲେ ଶିଶୁ , ମହିଳା ଓ ଗୁରୁତର ରୋଗୀଙ୍କୁ ବାଉଁଶ ଦୋଳି ଭାରରେ କାଦୁଅ ପଚ ପଚ ରାସ୍ତାରେ ମେଡିକାଲକୁ ନେବାକୁ ପଡୁଥିବା ଅଭିଯୋଗ ହେଉଛି। ଏଠାରେ ୫୦ ପରିବାର ୩ ଶହ ଲୋକ ବାସ କରନ୍ତି। ଜନପ୍ରତିନିଧି ଓ ପ୍ରଶାସନକୁ ଲିଖିତ ଅଭିଯୋଗ ଦେଇଥିଲେ ମଧ୍ୟ ଅଦ୍ୟାବଧି ଏହି ସାନ୍ତାଳୀ ଗାଁ ପ୍ରତି କାହାର ଦୃଷ୍ଟି ପଡୁ ନ ଥିବା କହିଛନ୍ତି, ଗୁରୁଭା ହାଁସଦା, ସୁନା ମାରାଣ୍ଡି , ରମେଶ ମାରାଣ୍ଡି, ଲବ ମାରାଣ୍ଡି , ଗଜେନ୍ଦ୍ର ମାରାଣ୍ଡି , ଚରଣ ଟୁଡୁ ଓ ପୂର୍ଣ୍ଣ ଟୁଡୁଙ୍କ ସମେତ ଅନ୍ୟମାନେ । ଚାଷବାସ ସରିଲେ ମୁଖ୍ୟମନ୍ତ୍ରୀ ମୋହନ ଚରଣ ମାଝୀଙ୍କୁ ଭେଟିବୁ ବୋଲି ଗଁା ଲୋକ କହିଛନ୍ତି ।
ଏ ସମ୍ପର୍କରେ ବିଡିଓ ତଥା ତହସିଲଦାର ରବି ନାରାୟଣ ଆଚାର୍ଯ୍ୟଙ୍କ ମତାମତ ନେବାରେ ଉକ୍ତ ଗାଁର କି କି ସମସ୍ୟା ରହିଛି। ସରଜମିନ ତଦନ୍ତ ପରେ ପଦକ୍ଷେପ ଗ୍ରହଣ କରାଯିବ ବୋଲି କହିଛନ୍ତି।
Dharitri – Odisha’s No.1 Odia Daily
