କାଳରେ ଲୀନ ଅପେକ୍ଷାରେ ସାଧନାସ୍ଥଳ

ପାଲଲହଡା,୨୧ା୮ ପ୍ରାୟ ୭୦ ବର୍ଷ ତଳେ ପାଲଲହଡା ଗଡଜାତ (ବର୍ତ୍ତମାନର ଅନୁଗୋଳ ଜିଲା ପାଲଲହଡ଼ା ବ୍ଲକ)ରେ କଳାର ବିକାଶ ପାଇଁ ଗଠନ ହୋଇଥିଲା ଏକ ଅସ୍ଥାୟୀ କଳାକେନ୍ଦ୍ର। ତତ୍କାଳୀନ ରାଣୀ ସୌଭାଗ୍ୟମଞ୍ଜରୀ ପାଲ ଏବଂ କେତେଜଣ କଳାକାର ଏଥିପାଇଁ ଉଦ୍ୟମ କରିଥିଲେ। ୧୯୫୨ରେ ପ୍ରତିଷ୍ଠିତ ଏହି ଅସ୍ଥାୟୀ କଳାକେନ୍ଦ୍ରର ନିଜସ୍ବ ଘର ନିର୍ମାଣ ପାଇଁ ୧୯୬୦ରେ ରାଣୀ ଯୋଗାଇ ଦେଇଥିଲେ ୧୧ ଡେସିମିଲ ଜାଗା। ସ୍ଥାୟୀ ଗୃହ ନିର୍ମାଣ ସହ ଏହି କଳାକେନ୍ଦ୍ରର ନାମ ପରିବର୍ତ୍ତନ କରାଯାଇ ରଖାଯାଇଥିଲା ସୌଭାଗ୍ୟମଞ୍ଜରୀ କଳାକେନ୍ଦ୍ର। ଏହିଠାରୁ ହିଁ ପାଲଲହଡା ଗଡଜାତରେ ସଙ୍ଗୀତ ସାଧନାର ଏକ ନୂତନ ଯୁଗ ଆରମ୍ଭ ହୋଇଥିଲା I
ଏହି ଅନୁଷ୍ଠାନରେ ପ୍ରଥମ ଗୁରୁ ଭାବେ ଯୋଗଦେଇଥିଲେ ଦେବଗଡ଼ ରାଜ୍ୟର ପଟ୍ଟାୟତ ସାହେବ ଗୁରୁ ସୀତାକାନ୍ତ ଦେବଙ୍କଠାରୁ ସୀତାର ଶିକ୍ଷା ଗ୍ରହଣ କରିଥିବା ପ୍ରଭାକର ପ୍ରଧାନ। ଦିବ୍ୟାଙ୍ଗ ହୋଇଥିଲେ ମଧ୍ୟ ଅଳ୍ପ କିଛି ଦିନ ମଧ୍ୟରେ ଗୁରୁ ପ୍ରଭାକର ଏଠାରେ ବହୁ ଶିଷ୍ୟ ଅର୍ଜନ କରିପାରିଥିଲେ। ୧୯୭୨ ମସିହାରେ ସୌଭାଗ୍ୟମଞ୍ଜରୀ କଳାକେନ୍ଦ୍ର ଅବିଭକ୍ତ ଢେଙ୍କାନାଳ ଜିଲାରେ ଆନୁଷ୍ଠାନିକ ଭାବେ ପଞ୍ଜୀକୃତ ହୋଇଥିଲା। ପରବର୍ତ୍ତୀ ସମୟରେ ଚଣ୍ଡିଗଡ଼, ମହାରାଷ୍ଟ୍ରର ଗାନ୍ଧର୍ବ ମହାବିଦ୍ୟାଳୟ ସହ ଏହା ଅନୁବନ୍ଧିତ ହେବା ପରେ ଶାସ୍ତ୍ରୀୟ ସଙ୍ଗୀତ, ଓଡ଼ିଶୀ ନୃତ୍ୟ ଆଦି ବିଭିନ୍ନ ପାଠ୍ୟକ୍ରମ ଆରମ୍ଭ ହୋଇଥିଲା। କଟକର ସର୍ବପୁରାତନ ବାବୁଲାଲ ଯୋଶୀ କଳାକେନ୍ଦ୍ର ସହ ମଧ୍ୟ ଅନୁବନ୍ଧିତ ହୋଇଥିଲା। ଅଧ୍ୟକ୍ଷ ପ୍ରଭାକର ପ୍ରଧାନ, ଗୁରୁ ହୃଷୀକେଶ ସାହୁ, ଭୀମସେନ ସାହୁ, ଲଳିତ ମୋହନ ବେହେରା, ନୀଳମଣି ଜେନା, ସ୍ମୃତି ରଞ୍ଜନ ଦାଶ ଏବଂ ଲିଙ୍ଗରାଜ ଦାଶଙ୍କ ତତ୍ତ୍ୱାବଧାନରେ ସେତେବେଳେ ଏହି କଳାକେନ୍ଦ୍ର ରାଜ୍ୟର ଏକ ଅଗ୍ରଣୀ ଅନୁଷ୍ଠାନ ହୋଇପାରିଥିଲା। ଫଳରେ ଏଠାରେ ଶିକ୍ଷାଗ୍ରହଣ କରିବାକୁ ବିଭିନ୍ନ ସ୍ଥାନରୁ ଛାତ୍ରୀଛାତ୍ରଙ୍କ ଧାଡ଼ି ଲାଗୁଥିଲା। ଏହି ଅନୁଷ୍ଠାନରୁ ଶିକ୍ଷା ନେଇଥିବା ବହୁ କଳାକାର ରାଜ୍ୟ ତଥା ରାଜ୍ୟ ବାହାରେ ପ୍ରତିଷ୍ଠିତ ହୋଇପାରିଛନ୍ତି। କିନ୍ତୁ ୧୯୯୬ରେ ଅଧ୍ୟକ୍ଷ ପ୍ରଭାକର ପ୍ରଧାନଙ୍କ ମୃତ୍ୟୁ ପରେ ଏହି ଅନୁଷ୍ଠାନ ଅନେକ ସମସ୍ୟାରେ ଛନ୍ଦି ହୋଇପଡ଼ିଥିଲା। ଆର୍ଥିକ ସଂକଟ ଯୋଗୁ ରକ୍ଷଣାବେକ୍ଷଣ ଓ ବିଭିନ୍ନ ପାଠ୍ୟକ୍ରମ ପାଇଁ ଉପକରଣ ଅଭାବ ଦେଖାଦେଇଥିଲା। କେତେଜଣ କଳାପ୍ରେମୀ ଏବଂ କଳାକାରଙ୍କ ଉଦ୍ୟମ ଏହାକୁ ପୂର୍ବାବସ୍ଥାକୁ ଫେରାଇପାରି ନ ଥିଲା। ୨୦୧୭ ମସିହାରେ ତତ୍କାଳୀନ ବିଧାୟକ ମହେଶ ସାହୁଙ୍କ ସହାୟତାରେ ଏହି ରୁଗ୍‌ଣ ଅନୁଷ୍ଠାନର ଆଂଶିକ ଉନ୍ନତୀକାରଣ କାର୍ଯ୍ୟ କରାଯାଇଥିଲା। ୨୦୨୦ରେ ସ୍ଥାନୀୟ କଳାକାରମାନଙ୍କ ପ୍ରଚେଷ୍ଟା ଏବଂ ନ୍ୟାଶନାଲ ସ୍କୁଲ ଅଫ ଡ୍ରାମାର ଅଧିକାରୀମାନେ ୪୦ ଛାତ୍ରୀଛାତ୍ରଙ୍କୁ ନେଇ ଏଠାରେ ଏକ ବିଶାଳ ପ୍ରଶିକ୍ଷଣ ଶିବିର ଆୟୋଜନ କରିଥିଲେ। ହେଲେ ଏହା ସୌଭାଗ୍ୟମଞ୍ଜରୀ କଳାକେନ୍ଦ୍ରର ଭାଗ୍ୟ ବଦଳାଇପାରି ନାହିଁ। ସ୍ଥାନୀୟ ରାଜନେତା, ପ୍ରଶାସନ ଏବଂ ରାଜ୍ୟ ସରକାରଙ୍କ ଉଦାସୀନତା କାରଣରୁ ଏହି କଳାର କାରଖାନା ଏବେ ଅତ୍ୟନ୍ତ ଅବହେଳିତ ଅବସ୍ଥାରେ ପଡ଼ିରହିଛି।
ସରକାରୀ ସହାୟତା ଲୋଡ଼ା
ସରକାରୀ ସହାୟତା ବିନା ଏପରି ଏକ ବିଶାଳ ସଂସ୍ଥାକୁ ଚଳାଇବା ସମ୍ଭବ ନୁହେଁ। ଆଜି ବି ସାଧକ ଓ ସାଧନାର ଅଭାବ ନାହିଁ। ସରକାର ଏଥିପ୍ରତି ଦୃଷ୍ଟି ଦେଲେ ପୁଣି ଥରେ ଏହି କଳାକେନ୍ଦ୍ର କାର୍ଯ୍ୟକ୍ଷମ ହୋଇପାରନ୍ତା।
-ଲିଙ୍ଗରାଜ ଦାଶ, ପୂର୍ବତନ ତବଲା ପ୍ରଶିକ୍ଷକ ତଥା ସମ୍ପାଦକ
ଭିତ୍ତିଭୂମି, ପ୍ରଶିକ୍ଷକ ଅଭାବ
ଏକଦା ରାଜ୍ୟରେ ଅଗ୍ରଣୀ ଥିବା ଏହି କଳାବିକାଶ କେନ୍ଦ୍ର ଦୀର୍ଘଦିନ ହେବ ରୁଗ୍‌ଣ ଅବସ୍ଥାରେ ପଡିଛି। ଆବଶ୍ୟକ ଭିତ୍ତିଭୂମି ଓ ପ୍ରଶିକ୍ଷକମାନଙ୍କ ଅଭାବ ଯୋଗୁ ଏହା ଆଗକୁ ବଢ଼ିପାରୁ ନାହିଁ। ରାଜ୍ୟ ସରକାର ଏଥିପ୍ରତି ଧ୍ୟାନ ଦିଅନ୍ତୁ।
-ବିବେକାନନ୍ଦ ବିଶ୍ୱାଳ, କଳାକାର
ଅବହେଳିତ କରି ରଖାଯାଇଛି
ଏହି କଳାକେନ୍ଦ୍ର ପାଲଲହଡାର ଗର୍ବ ଓ ଗୌରବ। ଏହା ଅନେକ ପ୍ରତିଭା ରାଜ୍ୟକୁ ଭେଟି ଦେଇଛି। କିନ୍ତୁ ଆଜି ଏହା ଅବହେଳିତ ହୋଇପଡିଛି। ଏହାର ପୁନରୁଦ୍ଧାର ହେଲେ ଆଗାମୀ ପିଢ଼ି ସାଧନାର ସୁଯୋଗ ପାଇପାରନ୍ତେ I
-ନେତ୍ରାନନ୍ଦ ମହାକୁଳ, କଳାକାର
ସମସ୍ୟାର ସମାଧାନ କରାଯିବ
ପରିଚାଳନା କମିଟି ସମ୍ପାଦକଙ୍କ ମୃତ୍ୟୁ ପରେ ଓ କରୋନା କଟକଣା କାରଣରୁ ନୂଆ କମିଟି ଗଠନ କରାଯାଇ ନାହିଁ। ଖୁବ୍‌ଶୀଘ୍ର କମିଟି ଗଠନ କରାଯାଇ ଏହି ପୁରାତନ ଅନୁଷ୍ଠାନର ସମସ୍ତ ସମସ୍ୟାର ସମାଧାନ କରାଯିବ।
-ଅଜିତ କୁମାର ପ୍ରଧାନ, ଉପଜିଲାପାଳ ତଥା କମିଟି ସଭାପତି, ପାଲଲହଡା


Enter your email to get our daily news in your inbox.

All Right Reserved By Dharitri.Com

ଅନୁଗୋଳରେ ୩୪୨୨ ବେଡ୍‌ ପ୍ରସ୍ତୁତ

ଅନୁଗୋଳ ଅଫିସ, ୯।୪: ରାଜ୍ୟରେ କରୋନା ସଂକ୍ରମିତଙ୍କ ସଂଖ୍ୟା ବଢ଼ୁଥିବାରୁ ଏହାକୁ ଦୃଷ୍ଟିରେ ରଖି ଅନୁଗୋଳ ଜିଲା ପ୍ରଶାସନ ପକ୍ଷରୁ ବିଭିନ୍ନ ପ୍ରସ୍ତୁତି କାର୍ଯ୍ୟ ହାତକୁ ନିଆଯାଇଛି।...

ବାତ୍ୟା ନେଇ ଛୁଟି ବାତିଲ୍‌

ଭୁବନେଶ୍ୱର,୨୩।୫:(ବ୍ୟୁରୋ): ବାତ୍ୟା ‘ୟାସ’ ନେଇ ପୂର୍ବରୁ ରାଜ୍ୟ ସରକାର ସବୁ ପ୍ରକାର ପ୍ରସ୍ତୁତି ଆରମ୍ଭ କରି ଦେଇଛନ୍ତି । ଏଥିରେ ଜଳ ସମ୍ପଦ ବିଭାଗ ମଧ୍ୟ...

ଭଙ୍ଗା ଚାଳିଆରେ ପାଠ ପଢ଼ା

ଠାକୁରମୁଣ୍ଡା,୫ା୮(ଡି.ଏନ.ଏ.): ସରକାର ପ୍ରାଥମିକ ଶିକ୍ଷାକୁ ଗୁରୁତ୍ୱ ଦେଇ ଆସୁଥିବା କହୁଛନ୍ତି। ୫-ଟି ଯୋଜନାରେ ବିଦ୍ୟାଳୟ ରୂପାନ୍ତରଣ କାର୍ଯ୍ୟ ଚାଲିଛି। ମାତ୍ର ମୟୂରଭଞ୍ଜ ଜିଲା ଠାକୁରମୁଣ୍ଡା ବ୍ଲକ...

ସିକରମାହା ସ୍କୁଲରେ ଟିଜିଟି ଶିକ୍ଷକ ନାହାନ୍ତି: ନବମ,ଦଶମ ଶ୍ରେଣୀ ଛାତ୍ରୀଛାତ୍ର ହଇରାଣ

ଫୁଲବାଣୀ ଅଫିସ,୨୪ା୭-ସରକାର ଅଷ୍ଟମ ଶ୍ରେଣୀ ଥିବା ବିଦ୍ୟାଳୟକୁ ଅପଗ୍ରେଡ କରି ନବମ ଓ ଦଶମ ଶ୍ରେଣୀ ଖୋଲିଛନ୍ତି। ହେଲେ ପିଲାମାନଙ୍କୁ କିପରି ପଢ଼ାଯିବ ତାର ବ୍ୟବସ୍ଥା...

ଭୁବନ ସ୍ବାସ୍ଥ୍ୟକେନ୍ଦ୍ରରେ ପଶିଲା ବର୍ଷାପାଣି

ଭୁବନ, ୭।୮(ଡି.ଏନ୍‌.ଏ.)-ଲଘୁଚାପ ପ୍ରଭାବରେ ମଙ୍ଗଳବାର ସନ୍ଧ୍ୟାରେ ଭୁବନ ଅଞ୍ଚଳରେ ପ୍ରବଳ ବର୍ଷା ହୋଇଛି। ଏହାର ସିଧାସଳଖ ପ୍ରଭାବ ପଡ଼ିଛି ସ୍ବାସ୍ଥ୍ୟସେବା ଉପରେ। ଡାକ୍ତରଖାନାରେ ବର୍ଷାଜଳ ପଶିଛି।...

ଦିନକରେ କରୋନା ନେଲା ୬୮ ଜୀବନ

ଭୁବନେଶ୍ୱର,୧୮।୮(ବ୍ୟୁରୋ): ରାଜ୍ୟରେ ଗୁରୁବାର କରୋନାରେ ୬୮ ଜଣ ଆଖି ବୁଜିଛନ୍ତି। ଏହା ସହିତ ରାଜ୍ୟରେ କରୋନାଜନିତ ମୃତ୍ୟୁ ସଂଖ୍ୟା ୭,୧୫୪ ରେ ପହଞ୍ଚିଯାଇଛି। ସ୍ବାସ୍ଥ୍ୟ ଓ...

ଫେବୃୟାରୀ ୧୩ରୁ ଅନ୍ତର୍ଜାତୀୟ ରେଡିଓ ମେଳା

ଭୁବନେଶ୍ୱର,୩ା୨(ବ୍ୟୁରୋ): ‘ଆଉଟ୍‌ରିଚ୍‌’ ପକ୍ଷରୁ ଆସନ୍ତା ୧୩ ଓ ୧୪ ତାରିଖରେ ୬ଷ୍ଠ ଅନ୍ତର୍ଜାତୀୟ ରେଡିଓ ମେଳା ଭଞ୍ଜକଳା ମଣ୍ଡପଠାରେ ଆୟୋଜିତ ହେବ। ବିଶ୍ୱ ରେଡିଓ ଦିବସ...

ମହୁଲ ଗୋଟାଉଛନ୍ତି ରୌପ୍ୟ ବିଜେତା ତୀରନ୍ଦାଜ

ଏମ୍‌ଭି ୭୯,୧୯ା୪(ଡି.ଏନ.ଏ.): ଦିନେ ଜାତୀୟ ସ୍ତରର କ୍ରୀଡ଼ା ପ୍ରତିଯୋଗିତାରେ ତୀରନ୍ଦାଜୀରେ ଦେଶ ତଥା ରାଜ୍ୟ ପାଇଁ ରୌପ୍ୟ ପଦକ ଜିତି ସେ ଆଣିଥିଲେ ଗୌରବ। ଆଗକୁ...

Advertisement
Archives

Model This Week