ରାସ୍ତାକଡ଼ରେ ଗୁପ୍ଚୁପ୍ ବିକାଳିଙ୍କୁ ଦେଖିଥିବେ ନିଶ୍ଚିତ। ଏକ ଠେଲାରେ କିଛି ଗୁପ୍ଚୁପ୍ ଧରି ସେମାନେ ଗରାଖଙ୍କ ବାଟକୁ ଚାହିଁ ରହିଥାନ୍ତି। କେବେ ଭାବିଛନ୍ତି ଏହି ଗୁପ୍ଚୁପ୍ ବିକୁଥିବା ବ୍ୟକ୍ତିଙ୍କ ଦିନକର ରୋଜଗାର କେତେ? ଜଣେ ଚାକରିଆଙ୍କଠାରୁ ବି ଅଧିକ। ଏହା ଶୁଣିବା ପରେ ଆଶ୍ଚର୍ଯ୍ୟ ହେବେ ନିଶ୍ଚିତ।
View this post on Instagram
ସାଧାରଣତଃ ଘରୋଇ କମ୍ପାନୀଗୁଡ଼ିକରେ ପ୍ରବେଶ ସ୍ତର କିମ୍ବା ମଧ୍ୟମ ସ୍ତରରେ କାର୍ଯ୍ୟ କରୁଥିବା ଲୋକଙ୍କ ମାସିକ ଦରମା ଏତେ କମ୍ ଯେ ସେମାନେ ସଠିକ ଭାବରେ ବଞ୍ଚିବାକୁ ମଧ୍ୟ ସକ୍ଷମ ନୁହନ୍ତି। ଜଣେ ଗୁପ୍ଚୁପ୍ ବିକାଳି ତାଙ୍କ ଦିନକର ରୋଜଗାର ବିଷୟରେ ସୋସିଆଲ ମିଡିଆରେ କହିଛନ୍ତି। ଯାହା ଏବେ ଭାଇରାଲ ହେଉଛି। vijay_vox_andcollege_arena_ ନାମକ ଏକ ଇନ୍ଷ୍ଟାଗ୍ରାମ ପେଜ୍ରେ ଭିଡିଓଟି ଶେୟାର କରାଯାଇଛି। ଏଥିରେ ଗୁପ୍ଚୁପ୍ ବିକାଳି ତାଙ୍କ ଦିନକର ରୋଜଗାର ବିଷୟରେ କହୁଛନ୍ତି।
ସେ କହିଛନ୍ତି, ଗୁପ୍ଚୁପ୍ରୁ ତାଙ୍କର ଦିନକୁ ଲାଭ ୨୫୦୦ ଟଙ୍କା। ଅର୍ଥାତ୍ ସେ ମାସକୁ ୭୫୦୦୦ ଟଙ୍କା ରୋଜଗାର କରୁଛନ୍ତି। ଆଜିର ସମୟରେ ଏକ ଘରୋଇ କମ୍ପାନୀରେ କାମ କରୁଥିବା ଲୋକେ ମାତ୍ର ୨୦୦୦୦ରୁ ୨୫୦୦୦ ଟଙ୍କା ରୋଜଗାର କରୁଥିବା ବେଳେ ମଧ୍ୟମ ସ୍ତରରେ ଲୋକମାନେ ୫୦ ହଜାର ଟଙ୍କା ପର୍ଯ୍ୟନ୍ତ ପହଞ୍ଚିବାରେ ବି ସକ୍ଷମ ନୁହନ୍ତି।
ଏହି ଭିଡିଓଟି ୪ କୋଟିରୁ ଅଧିକ ଲୋକ ଦେଖିଥିବା ବେଳେ ଅନେକ ଲୋକ ନିଜର ମତାମତ ଦେଇଛନ୍ତି। ଜଣେ କହିଛନ୍ତି, ସେ କରିଥିବା ପରିଶ୍ରମ ପାଇଁ ଟଙ୍କା ମୂଲ୍ୟବାନ ଅଟେ। ଆଉ ଜଣେ କହିଛନ୍ତି, ତାଙ୍କ ଆୟକୁ ଖୋଲାଖୋଲି ଭାବରେ ପ୍ରକାଶ କରିବା ଭୁଲ୍, ଯଦି କେହି ତାଙ୍କୁ ଲୁଟିବାକୁ ଆସନ୍ତି! ସେହିପରି ଆଉ ଜଣେ କହିଛନ୍ତି, ସେ ଅନାବଶ୍ୟକ ଭାବରେ ଏମ୍ବିଏ କରିଛନ୍ତି। ଅନ୍ୟ ଜଣେ କହିଛନ୍ତି, ପାଠପଢ଼ାରେ କିଛି ଲାଭ ନାହିଁ, ସେ ମଧ୍ୟ ବର୍ତ୍ତମାନ ଗୁପ୍ଚୁପ୍ ବିକ୍ରି କରିବେ।
