ମୁମ୍ବାଇ,୨୧।୮: ମହାରାଷ୍ଟ୍ରରେ ସୋମବାର ସକାଳେ ଏକ ମର୍ମନ୍ତୁଦ ସଡ଼କ ଦୁର୍ଘଟଣା ହୋଇଛି। ସୂଚନାଯୋଗ୍ୟ, ଏଠାରେ ଦୁଇଟି ଅଲଗା ବଡ଼ ସଡ଼କ ଦୁର୍ଘଟଣା ଘଟିଛି। ମୁମ୍ବାଇ-ପୁଣେ ଏକ୍ସପ୍ରେସୱେରେ ପ୍ରଥମ ଦୁର୍ଘଟଣା ଘଟିଥିଲା, ଯେଉଁଥିରେ ଦୁଇ ଜଣ ପ୍ରାଣ ହରାଇଛନ୍ତି। ଯେତେବେଳେ କି, ଦ୍ୱିତୀୟ ଘଟଣା ହେଉଛି ବାନ୍ଦ୍ରା-ୱର୍ଲି ସାଗର ଲିଙ୍କ, ଯେଉଁଠାରେ ଦୁଇ ଜଣ ଆହତ ହୋଇଛନ୍ତି।
ରାଇଗଡ ଏସପି ସୋମନାଥ ଘରଗେ କହିଛନ୍ତି ଯେ ମୁମ୍ବାଇ-ପୁଣେ ଏକ୍ସପ୍ରେସୱେରେ ପାଞ୍ଚଟି କାର ଉପରେ ଏକ କଣ୍ଟେନର ଓଲଟି ପଡିଛି, ଯେଉଁଥିରେ ସମସ୍ତ ପାଞ୍ଚଟି ଯାକ କାର ନଷ୍ଟ ହୋଇଯାଇଛି। ଏହି ଦୁଃଖଦ ଘଟଣାରେ ଦୁଇ ଜଣ ପ୍ରାଣ ହରାଇଛନ୍ତି। ଏହି ସମୟରେ ଅନ୍ୟ ଚାରିଜଣ ଗୁରୁତର ଆହତ ହୋଇଥିଲେ। ଆହତମାନଙ୍କୁ ଡାକ୍ତରଖାନା ନିଆଯାଇଛି ବୋଲି ଘରଜେ କହିଛନ୍ତି।
