ଡେରାଡୁନ୍,୧୪।୮: ଉତ୍ତରାଖଣ୍ଡରେ ସୋମବାର ଲଗାଣ ବର୍ଷା ଯୋଗୁ ବହୁ ବିଲ୍ଡିଂ ଧ୍ୱଂସ ହେବା ସହ ଭୂସ୍ଖଳନ ଯୋଗୁ ବଦ୍ରିନାଥ, କେଦାରନାଥ ଏବଂ ଗଙ୍ଗୋତ୍ରୀକୁ ଯାଇଥିବା ଜାତୀୟ ରାଜପଥଗୁଡ଼ିକ ଅବରୋଧ ହୋଇଛି। ଫଳରେ ଚାର୍ଧାମ ଯାତ୍ରାକୁ ୨ ଦିନ ପାଇଁ ସ୍ଥଗିତ ରଖାଯାଇଛି। ମୁଖ୍ୟମନ୍ତ୍ରୀ ପୁଷ୍କର ସିଂ ଧାମି ବରିଷ୍ଠ ଅଧିକାରୀଙ୍କ ସହ ବୈଠକରେ ବର୍ଷା ସ୍ଥିତିର ସମୀକ୍ଷା କରିଛନ୍ତି। ବର୍ଷା ବିତ୍ପାତରେ ୩ ଜଣଙ୍କ ମୃତ୍ୟୁ ଘଟିବା ସହ ଅନ୍ୟ ୫ ଜଣ ନିଖୋଜ ଅଛନ୍ତି। ଲଗାଣ ବର୍ଷାରେ ଡେରାଡୁନ୍ ଉପକଣ୍ଠରେ ଥିବା ଏଖ ଘରୋଇ ପ୍ରତିରକ୍ଷା ଟ୍ରେନିଂ ଏକାଡେମୀ ଭୁଶୁଡ଼ି ପଡ଼ିଛି। କେଦାରନାଥ ନିକଟରେ ଥିବା ଲିନଚୋଲିରେ ଭୂସ୍ଖଳନ ଯୋଗୁ ନେପାଳର ଜଣେ ବ୍ୟକ୍ତି ପ୍ରାଣ ହରାଇଥିବା ରୁଦ୍ରପ୍ରୟାଗ ଜିଲା ବିପର୍ଯ୍ୟୟ ପରିଚାଳନା ଅଧିକାରୀ କହିଛନ୍ତି। ଋଷିକେଶର ଶିବମନ୍ଦିର ଏବଂ ମିରାନଗର ନିକଟରେ ପାଣିସୁଅରେ ଭାସିଯାଉଥିବା ୨ ମୃତଦେହ ମିଳିଛି। ସେହିପରି ପୌରି ଜିଲାର ଲକ୍ଷ୍ମଣଝୁଲା ଅଞ୍ଚଳରେ ଭୂସ୍ଖଳନ ଯୋଗୁ ୫ ଜଣଙ୍କ ପତ୍ତା ମିଳୁନାହିଁ। ଉଦ୍ଧାରକାରୀ ଦଳ ଘଟଣାସ୍ଥଳରେ ପହଞ୍ଚତ୍ ଉଦ୍ଧାର କାର୍ଯ୍ୟ ଥିବା ପୌରି ଏସ୍ଏସ୍ପି ଶ୍ୱେତା ଚୌବେ କହିଛନ୍ତି।
