ମୁମ୍ବାଇ: ବଲିଉଡ ନାୟିକା ଦିଶା ପାଟନି ଓ ଟାଇଗର ଶ୍ରଫଙ୍କୁ ଆଗଭଳି ଏକାଠି ଦେଖିବାକୁ ମିଳୁନି ସତ। ଏମାନଙ୍କ ବ୍ରେକଅପ ଖବର ଭିତରେ ବି ଏମାନଙ୍କ ମଧ୍ୟରେ ଭଲପାଇବା ଓ ସମ୍ମାନ ପୂର୍ବପରି ରହିଛି। ଟାଇଗର ଜହରା ଏସ ଖାଁଙ୍କ ସହ ତାଙ୍କର ନୂଆ ଟ୍ରାକ ଲଭ ଷ୍ଟିରିଓ ଏଗେନକୁ ରିଲିଜ କରିଛନ୍ତି ଆଇ ଦିଶା ଇନଷ୍ଟାଗ୍ରାମରେ ଏହାକୁ ନେଇ ରିଆକ୍ଟ କରିଛନ୍ତି। ନିଜ ପୋଷ୍ଟରେ ଟାଇଗର ଓ ଜହରା ଉଭୟଙ୍କୁ ଟ୍ୟାଗ କରି ଦିଶା ଟାଇଗରଙ୍କ ଶର୍ଟଲେସ ଅବତାରର ଏକ ଫଟୋ ଶେୟାର କରି ଲେଖିଛନ୍ତି, ‘କ୍ୟା ଐସା କୁଛ ହୈ ଜୋ ଆପ ନେହିଁ କର ସକତେ ଟାଇଗର ଶ୍ରଫ, ଆପକି ଆଓ୍ବାଜ ଔର ଆପକା ଲୁକ ମୁଝେ ପସନ୍ଦ ହୈ’।
ଜହରାଙ୍କ ପାଇଁ ଦିଶା ଲେଖିଛନ୍ତି, ‘ସୁପର ହଟ ଔର ସେକ୍ସି’। ଏହି ଟ୍ରାକ ମନିଷ ଶଂଟିଙ୍କ ଦ୍ୱାରା ନିର୍ଦ୍ଦେଶିତ ହୋଇଥିବା ବେଳେ ଏହାର ନିର୍ମାତା ହେଉଛନ୍ତି ଭୂଷଣ କୁମାର। ଟାଇଗର ଓ ଜହରା ଏହାକୁ ଗାଇଥିବା ବେଳେ ଅନ୍ତର୍ଜାତୀୟ ସଙ୍ଗିତର ବରିଷ୍ଠ ଗୀତିକାର ଏଡଓ୍ବାଡ ମାୟା ଓ ମାଷ୍ଟର ସଙ୍ଗିତକାର ତନିଷ୍କ ବାଗଚିଙ୍କ ସହଯୋଗରେ ଏହା ପ୍ରସ୍ତୁତ କରାଯାଇଛି। ଗୀତର ବୋଲ ହିନ୍ଦୀ ଗୀତିକାର ଶ୍ରଦ୍ଧା ପଣ୍ଡିତଙ୍କ ସହ ଅନ୍ତରାଷ୍ଟ୍ରୀୟ ଗୀତିକାର ଏଡଓ୍ବାର୍ଡ ମେରିୟନ, ଏଲ୍ଡାର ମଂସୁରୋବ ଓ କର୍ନିଭା ଭିକ୍ଟୋରିଆ ଲେଖିଛନ୍ତି।
