ବେଙ୍ଗାଲୁରୁ,୧୯।୬: ଭାରତୀୟ ଜନତା ପାର୍ଟି(ଭାଜପା) ଛାଡି କଂଗ୍ରେସରେ ଯୋଗ ଦେଇଥିବା କର୍ନାଟକର ପୂର୍ବତନ ମୁଖ୍ୟମନ୍ତ୍ରୀ ଜଗଦିଶ ଶେଟ୍ଟାରଙ୍କୁ ଦଳ ଏକ ଉପହାର ଦେଇଛି। କର୍ନାଟକ ବିଧାନପରିଷଦର ଉପ ନିର୍ବାଚନ ପାଇଁ ଜଗଦିଶ ଶେଟ୍ଟାର, ତିପ୍ପନପ୍ପା କାମାକନୁର ଓ ଏନ.ଏସ.ବୋସେରାଜୁଙ୍କୁ ପ୍ରାର୍ଥୀ କରିଛି କଂଗ୍ରେସ।
କଂଗ୍ରେସ ସୋମବାର ଏକ ବୟାନ ଜାରି କରି କହିଛି କି ଦଳର ଅଧ୍ୟକ୍ଷ ମଲ୍ଲିକାର୍ଜୁନ ଖାର୍ଗେ କର୍ନାଟକ ବିଧାନ ପରିଷଦର ଉପ ନିର୍ବାଚନ ଲଢିବା ପାଇଁ କଂଗ୍ରେସ ପ୍ରାର୍ଥୀ ଭାବେ ଜଗଦିଶ ଶେଟ୍ଟାର, ତିପ୍ପନପ୍ପା କାମାକନୁର ଓ ଏନ.ଏସ.ବୋସେରାଜୁଙ୍କ ପ୍ରାର୍ଥୀ ହେବାର ପ୍ରସ୍ତାବକୁ ମଞ୍ଜୁରୀ ଦେଇଛି।
କର୍ନାଟକ ନିର୍ବାଚନ ପୂର୍ବରୁ ଭାଜପାରୁ ଆସି କଂଗ୍ରେସରେ ଯୋଗ ଦେଇଥିବା ଜଗଦିଶ ଶେଟ୍ଟାର ବିଧାନସଭା ନିର୍ବାଚନରେ ହାରି ଯାଇଥିଲେ। ବିଧାନସଭା ନିର୍ବାଚନରେ ଭାଜପା ତାଙ୍କୁ ଟିକେଟ ଦେବାକୁ ମନା କରିଦେଇଥିଲେ ଏବଂ ଏହା ପରେ ସେ କଂଗ୍ରେସରେ ଯୋଗ ଦେଇଥିଲେ। କର୍ନାଟକ ବିଧାନସଭା ନିର୍ବାଚନ ଫଳାଫଳରେ କଂଗ୍ରେସ ୨୨୪ ଟି ଆସନ ମଧ୍ୟରୁ ୧୩୫ଟିରେ ବିଜୟ ଲାଭ କରିଥିଲା। ଭାଜପା ମାତ୍ର ୬୬ଟି ଆସନ ଜିତିଥିଲା। ଯେଉଁଠାରେ ଏଚଡି କୁମାରସ୍ବାମୀଙ୍କ ଜେଡିଏସ ୧୯ ଟି ଆସନରେ ବିଜୟୀ ହୋଇଥିଲା।
