ନୂଆଦିଲ୍ଲୀ,୨୭।୫: ବିରୋଧୀ ଦଳ ଦୂଆ ସଂସଦ ଭବନକୁ ବୟକଟ୍ କରିଥିବାବେଳେ ଓମାର ଅବଦୁଲ୍ଲାଙ୍କ ଭିନ୍ନ ମତ ପ୍ରକାଶ ପାଇଛି। ଆସନ୍ତା କାଲି ରବିବାର ନୂଆ ସଂସଦ ଭବନର ଉଦ୍ଘାଟନ କରିବେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି। ତେବେ ମୋଦିଙ୍କ ଦ୍ୱାରା ସଂସଦ ଭବନ ଉଦ୍ଘାଟନୀକୁ ବହୁ ବିରୋଧୀ ଦଳ ସମାଲୋଚନା କରିଥିବାବେଳେ ଉଦଘାଟନୀ ସମାରୋହକୁ ବର୍ଜନ କରିଛନ୍ତି। ତେବେ ଏମଧ୍ୟରେ ନ୍ୟାଶନାଲ କନଫରେନ୍ସର ନେତା ତଥା ଜମ୍ମୁ-କଶ୍ମୀରର ପୂର୍ବତ୍ତନ ମୁଖ୍ୟମନ୍ତ୍ରୀ ଓମାର ଅବଦୁଲ୍ଲା ଏହାକୁ ପ୍ରଶଂସା କରିଛନ୍ତିି।
Setting aside the brouhaha about the inauguration for a moment, this building is a welcome addition. The old Parliament House has served us well but as someone who has worked there for a few years, a lot of us often spoke amongst ourselves about the need for a new & improved… https://t.co/xxok8C1MRw
— Omar Abdullah (@OmarAbdullah) May 26, 2023
ସେ କହିଛନ୍ତି, ନୂଆ ସଂସଦ ଭବନ ସ୍ବାଗତଯୋଗ୍ୟ ଏବଂ ଏହା ବହୁତ ସୁନ୍ଦର ଦେଖାଯାଉଛି। ଉମର ଅବଦୁଲ୍ଲା ଏପରି ସମୟରେ ଏଭଳି ମନ୍ତବ୍ୟ ଦେଇଛନ୍ତି ଯେଉଁ ସମୟରେ ତାଙ୍କ ଦଳ ସମେତ ଅନେକ ବିରୋଧୀ ଦଳ ନୂଆ ସଂସଦ ଭବନ ଉଦ୍ଘାଟନ କାର୍ଯ୍ୟକ୍ରମକୁ ବର୍ଜନ କରିବାକୁ ଘୋଷଣା କରିଛନ୍ତି। ଯେତେବେଳେ ସେ ଲୋକସଭା ସଦସ୍ୟ ଥିଲେ, ସେତେବେଳେ ତାଙ୍କର ଅନେକ ସହକର୍ମୀ ଏକ ନୂଆ ତଥା ଉନ୍ନତ ସଂସଦ ଭବନର ଆବଶ୍ୟକତା ବିଷୟରେ କଥାବାର୍ତ୍ତା କରୁଥିଲେ ବୋଲି ସେ କହିଛନ୍ତି।
ସେ ଟ୍ବିଟ୍ କରି କହିଛନ୍ତି, ନୂଆ ସଂସଦ ଭବନ ଉଦ୍ଘାଟନକୁ ନେଇ ଚାଲିଥିବା ବିବାଦ କିଛି କ୍ଷଣ ଅଲଗା ରଖି ଦିଅନ୍ତୁ। ନୂଆ ସଂସଦ ଭବନ ଭବ୍ୟ ଏବଂ ସ୍ବାଗତଯୋଗ୍ୟ ହୋଇଛି। ପୁରୁଣା ସଂସଦ ଭବନ ଭାରତ ଇତିହାସରେ ଅଦ୍ଭୁତପୂର୍ବ ଅବଦାନ ରହିଛି। ଏକ ନୂତନ ସଂସଦ ଭବନର ଆବଶ୍ୟକତା ବିଷୟରେ ଆମ ଭିତରୁ ଅନେକେ କଥାବାର୍ତ୍ତା ହେଉଥିଲେ। ଆସନ୍ତକାଲି ଏହା ଉଦ୍ଘାଟନ ହେବ। ଏହା ବହୁତ ସୁନ୍ଦର ଏବଂ ଅଦ୍ଭୁତ ହୋଇଛି।
