ଭଦ୍ରକ ଅଫିସ,୨୧।୨: ଭଦ୍ରକ ପୁରୁଣାବଜ଼ାର ଥାନା କାଯିମହଲାରୁ ପୋଲିସ ନକଲି ଜର୍ଦା ସହ ଏଥିରେ ବ୍ୟବହୃତ ବିଭିନ୍ନ ସାମଗ୍ରୀ ସୋମବାର ଜବତ କରିଛି। ଘଟଣାରେ ସମ୍ପୃକ୍ତ ସେକ୍ ଅବଦୁଲ କୁମାରଙ୍କୁ ଗିରଫ କରାଯାଇଥିବା ମଙ୍ଗଳବାର ଏକ ଖବରଦାତା ସମ୍ମିଳନୀରେ ସିଟି ଡିଏସ୍ପି ଅଂଶୁମାନ ଦ୍ବିବେଦୀ ସୂଚନା ଦେଇଛନ୍ତି l
ଅନ୍ୟପକ୍ଷେ ଅଭିଯୁକ୍ତଙ୍କଠାରୁ ୨୨ଟି ବ୍ୟାଗରେ ବିଭିନ୍ନ ବ୍ରାଣ୍ଡର ୪୮୦୦ ଜର୍ଦା ଡବା, ୭୦ କିଲୋ ନକଲି ପ୍ୟାକିଂ ଜର୍ଦା, ୫୦ କିଲୋ ଖୋଲା ଜର୍ଦା ପ୍ୟାକେଟ, ୮ କାର୍ଟୁନ ପ୍ୟାକିଙ୍ଗ ସାମଗ୍ରୀ ଜବତ କରାଯାଇଥିବା ଡିଏସ୍ପି କହିଛନ୍ତି। ଜବତ ସାମଗ୍ରୀର ମୂଲ୍ୟ ୧୦ ଲକ୍ଷ ଟଙ୍କା ହେବ ବୋଲି ଅନୁମାନ କରାଯାଉଛି। l ଏନେଇ ପୁରୁଣାବଜାର ଥାନାରେ ଏକ ମାମଲା(ନଂ.୫୫/୨୩) ରୁଜୁ ହୋଇଛି। ଖବରଦାତା ସମ୍ମିଳନୀରେ ସବ୍ ଇନ୍ସସ୍ପେକ୍ଟର ବୀରେନ୍ଦ୍ର ରାଉତ, ଏସ୍ଆଇ ଶୁଭେନ୍ଦୁ ମହାନ୍ତି, ଏସ୍ଆଇ ସୁଦର୍ଶନ ପ୍ରଧାନ ଏବଂ ଶୁଭସ୍ମିତା ପାଲ ପ୍ରମୁଖ ଉପସ୍ଥିତ ଥିଲେ।
