ଭୁବନେଶ୍ୱର/ବରଗଡ଼ ଅଫିସ୍,୨୦।୨: ଦେଶର ପ୍ରମୁଖ ଅଳଙ୍କାର ପ୍ରତିଷ୍ଟାନ ତନିଷ୍କର ଆଉ ଏକ ଏକ୍ସକ୍ଲୁସିଭ ଷ୍ଟୋର ଓଡ଼ିଶା ବଜାରରେ ଶୁଭାରମ୍ଭ କରାଯାଇଛି। ବିଶେଷ କରି ରବିବାର ବରଗଡ଼ ସହରର ଭଟଲି ଛକ ଠାରେ ତନିଷ୍କର ନୂତନ ଷ୍ଟୋର ଉଦ୍ଘାଟିତ ହୋଇଯାଇଛି। ଏହି ଅବସରରେ ଟାଇଟାନ କମ୍ପାନୀ(ଇଷ୍ଟ)ର ରିଜିଓନାଲ ବିଜନେସ୍ ହେଡ୍ ସୋମପ୍ରଭ ସିଂ, ରିଜିଓନାଲ ବିଜନେସ ମ୍ୟାନେଜର (ଇଷ୍ଟ-୧) ଆଲୋକ ରଞ୍ଜନ ପ୍ରମୁଖ ସମ୍ମାନିତ ଅତିଥି ଭାବେ ଯୋଗଦେଇ ଏହାର ଉଦ୍ଘାଟନ କରିଥିଲେ।
ଅନ୍ୟମାନଙ୍କ ମଧ୍ୟରେ ବିଜନେସ୍ ଆସୋସିଏଟ୍ ଆକାଶ କୁମାର ଅଗ୍ରୱାଲଙ୍କ ସମେତ ଅଗ୍ରଓ୍ବାଲ ପରିବାରର ସଦସ୍ୟମାନେ ଉପସ୍ଥିତ ଥିଲେ। ସେହିଭଳି ୪ହଜାର ବର୍ଗଫୁଟ୍ ପରିମିତ ଏହି ନୂତନ ଷ୍ଟୋରରେ ବିଭିନ୍ନ ଡିଜାଇନ ତଥା ଉନ୍ନତ ମାନର ସୁନା, ହୀରା ଗହଣା ଉପଲବ୍ଧ। ଏଠାରେ ଗ୍ରାହକଙ୍କ ପାଇଁ ସ୍ବତନ୍ତ୍ର ଆକର୍ଷଣୀୟ ଅଫର ରଖାଯାଇଛି। ପ୍ରତି ଗହଣା କ୍ରୟରେ ଗ୍ରାହକଙ୍କ ପାଇଁ ସ୍ବର୍ଣ୍ଣମୁଦ୍ରାର ଉପହାର ବ୍ୟବସ୍ଥା ରହିଛି। ଚଳିତ ମାସ ୨୧ତାରିଖ ପର୍ଯ୍ୟନ୍ତ ଏହି ଅଫର ଉପଲବ୍ଧ ବୋଲି ଷ୍ଟୋର ପକ୍ଷରୁ ସୂଚନା ଦିଆଯାଇଛି। ସୂଚନାଯୋଗ୍ୟ ପଶ୍ଚିମ ଓଡ଼ିଶା ତଥା ବରଗଡ଼ରେ ତନିଷ୍କର ଏହା ପ୍ରଥମ ଷ୍ଟୋର ହୋଇଥିବାବେଳେ ଉଦଘାଟନୀ ଉତ୍ସବ ଠାରୁ ଏହା ସ୍ଥାନୀୟ ଗ୍ରାହକଙ୍କୁ ବେଶ ଆକର୍ଷିତ କରିଥିବା ପରିଲକ୍ଷିତ ହୋଇଛି।
