ଭୁବନେଶ୍ୱର,୧୮।୧: ରାଜ୍ୟର ପ୍ରମୁଖ ଘରୋଇ ଚିକିତ୍ସାଳୟ ଆମ୍ରି ହସ୍ପିଟାଲ ଭୁବନେଶ୍ୱରରେ ଏକ ବିରଳ ରୋଗର ସଫଳ ଅସ୍ତ୍ରୋପ୍ରଚାର କରାଯାଇଛି। ଏପରିକି ଆମ୍ରି ହସ୍ପପିଟାଲର ହୃଦରୋଗ ବିଶେଷଜ୍ଞ ଡା. ଦିବ୍ୟାରଞ୍ଜନ ବେହେରାଙ୍କ ନେତୃତ୍ୱରେ ଉକ୍ତ ରୋଗୀ ଓ ରୋଗର ସଫଳ ଅସ୍ତ୍ରୋପ୍ରଚାର କରାଯାଇଥିଲା। ବିଶେଷ କରି ଜଣେ ୮୩ବର୍ଷୀୟ ବ୍ୟକ୍ତି ବାରମ୍ବାର ଚେତାଶକ୍ତି ହରାଇବା ଓ ନିଃଶ୍ୱାସ ପ୍ରଶ୍ୱାସରେ କଷ୍ଟ ଅନୁଭବ କରିବା ଯୋଗୁଁ ପରିବାର ଲୋକ ସମ୍ଫୃକ୍ତ ବ୍ୟକ୍ତି (ରୋଗୀ)ଙ୍କୁ ଆମ୍ରିରେ ଭର୍ତ୍ତି କରାଇଥିଲେ। ଆମ୍ରିର ଏକ ବିଶେଷଜ୍ଞ ଦଳର ମୂଲ୍ୟାଙ୍କନ ପରେ ରୋଗୀଙ୍କଠାରେ କାଲସିଫିକ ଆର୍ଟିକ ଷ୍ଟୋେନୋସିସ ଥିବା ଜଣାପଡ଼ିଥିଲା। ଅପରପକ୍ଷରେ ଡା. ବେହେରାଙ୍କ ନେତୃତ୍ୱରେ ଏକ କାର୍ଡିଆକ ଟିମ୍ ଉକ୍ତ ବ୍ୟକ୍ତି (ରୋଗୀ) ଙ୍କ ଠାରେ ବେଲୁନ୍ ବିସ୍ତାର ଯୋଗ୍ୟ ଭାଲବ-ମାଇଭାଲ ବ୍ୟବହାର କରି ଟ୍ରାନସକାଥେର ଆଓର୍ଟିକ ଭାଲବ ପ୍ରତିରୋପଣ (ଟିଏଭିଆଇ) ସଫଳତାର ସହ କରିଥିଲେ।
ଉଲେ୍ଲଖଯୋଗ୍ୟ ସମ୍ପୃକ୍ତ ରୋଗୀଙ୍କୁ ଚିକିତ୍ସା କରୁଥିବା ଡା.ବିଶ୍ୱଜିତ ମହାପାତ୍ର, ଡା.ବିବେକ ଚୌଧୁରୀ, ଡା. ବି.ରଥଙ୍କୁ ରୋଗୀ ଓ ତାଙ୍କ ପରିବାର ଲୋକ କୃତଜ୍ଞତା ଜଣାଇଛନ୍ତି। ସେହିପରି ଆମ୍ରି ହସ୍ପିଟାଲ ଭୁବନେଶ୍ୱରର ଭାଇସ୍ ପ୍ରେସିଡେଟଂ ଓ ୟୁନିଟ୍ ହେଡ଼୍ ନୀଳାଞ୍ଜନା ମୁଖାର୍ଜ କହିଛନ୍ତି, ଏଠାରେ ବର୍ତ୍ତମାନ ଅତ୍ୟାଧୁନିକ ବୈଷୟିକ ଜ୍ଞାନକୌଶଳ ଓ ଉପକରଣ ପ୍ରୟୋଗ କରି ବହୁ ଉନ୍ନିତ ସର୍ଜରୀ କରାଯାଉଛି। ବିଶେଷ କରି ରୋଗୀ ସେବା ଓ ଚିକିତ୍ସା ଦ୍ୱାରା ଅନେକ ରୋଗୀ ଉପଖୃତ ହେଉଛନ୍ତି। ଏପରିକି ରାଜ୍ୟରେ ଉନ୍ନିତମାନର ଚିକିତ୍ସା ସେବା ଉପଲବ୍ଧ କରାଇବା ହେଉଛି ଆମର ମୂଳ ଲକ୍ଷ୍ୟ ବୋଲି ମୁଖାର୍ଜୀ ମତପ୍ରକାଶ କରିଛନ୍ତି।
