ଗଞ୍ଜାମ,୧।୪(ବିଦ୍ୟାଧର ସାହୁ ): ଗଞ୍ଜାମ ସହର କଲେଜ ରୋଡ଼ ସ୍ଥିତ ମା’ ଦକ୍ଷିଣ କାଳୀଙ୍କ ତେର ଦିନିଆ ଦଣ୍ଡଯାତ୍ରା ଗୁରୁବାର ଶୁଭାରମ୍ଭ ହୋଇଛି । ମା’ ଦକ୍ଷିଣ କାଳୀଙ୍କ ଘଟ ଓଡ଼ିଆ ଢମଣା ସାହି ସ୍ଥିତ ବାବା ରାମ ଲିଙ୍ଗେଶ୍ୱର ମନ୍ଦିରରେ ପୂଜାର୍ଚ୍ଚନା କରାଯିବା ପରେ ମା ଭ୍ରମଣରେ ବାହାରିଛନ୍ତି ।
ପ୍ରଥମ ଦିବସରେ ନିଜ ସାହି ତଥା ଢମଣା ସାହିରେ ମଧ୍ୟରାତ୍ରରେ ରାମ ଲିଙ୍ଗେଶ୍ୱର ନାଟ୍ୟ କଳା ସାଂସଦ ଦ୍ୱାରା ମହାନ ପୌରାଣିକ ନାଟକ “କାନ୍ଦଇ ଭାଉଜ ହସେ ଦିଅର “ନାଟକ ପରିବେଷଣ ହେବ ବୋଲି ମୁଖ୍ୟ ପରିଚାଳକ ପ୍ରଭାତ ସାହୁ ସୂଚନା ଦେଇଛନ୍ତି । ମେରୁ ସଂକ୍ରାନ୍ତି ପର୍ଯ୍ୟନ୍ତ ମା ଦକ୍ଷିଣ କାଳୀ ଗାଁ ଗାଁ ବୁଲି ମାନସିକଧାରୀଙ୍କ ଦାଣ୍ଡରେ ଢହ ଢହ ଖରାରେ ଦଣ୍ଡ ଭୋଗିଗେ ଭୋକତା । ଅଧିକାରୀ ଭିମା ରେଡି, ମୁଖ୍ୟ ପରିଚାଳକ ସନ୍ତୋଷ ସାହୁ, ପ୍ରଭାତ ସାହୁ ପ୍ରମୁଖ ମା’ଙ୍କ ସହ ଗାଁ ଗାଁ ବୁଲିବେ । ମେରୁ ସଂକ୍ରାନ୍ତି ଦାମୋଦର ପୁର ଗ୍ରାମ କଲେଜ ରୋଡ଼ ଠାରେ ଅବସ୍ଥିତ ମା’ ଦକ୍ଷିଣ କାଳୀଙ୍କ ମନ୍ଦିର ନିକଟରେ ମେରୁ ଯାତ୍ରା ଅନୁଷ୍ଠିତ ହେବ ।
