ଚାନ୍ଦବାଲି, ୧।୧(ଡି.ଏନ.ଏ.): ଭଦ୍ରକ ଜିଲା ବଁାଶଡ଼ା ଥାନା ଅଧୀନ ଯଶିପୁର ପଞ୍ଚାୟତ ବାରାକୋହ୍ଲା ଗ୍ରାମବାସୀ ଶନିବାର ଅପରାହ୍ନରେ ୧୪୪ ଜାରିକୁ ବିରୋଧ କରି ପୋଲିସ କର୍ମଚାରୀ ଓ ସ୍ଥାନୀୟ ମହିଳା ଆର୍ଆଇଙ୍କୁ ଅଟକ ରଖିଥିଲେ। ୪ ଘଣ୍ଟା ଅଟକ ରଖିବା ପରେ ସେମାନେ ଛାଡ଼ିଥିଲେ।
ଅନୁଯାୟୀ, ବାରାକୋହ୍ଲାଠାରେ କୀର୍ତ୍ତନ ଗାଦିକୁ ନେଇ ଦୀର୍ଘଦିନ ଧରି ବିବାଦ ଲାଗି ରହିଥିଲା। ବଁାଶଡ଼ା ଥାନାଧିକାରୀ ମହମ୍ମଦ ହାଫିଜଙ୍କ ସମେତ ୭ ପୋଲିସ କର୍ମଚାରୀ ଓ ଯଶିପୁର ଆର୍ଆଇ ଉକ୍ତ ଗଁାକୁ ଆସି ସେହି ସ୍ଥାନରେ ନାଲି ପତାକା ମାରି ୧୪୪ ଧାରା ଜାରି କରିଥିଲେ। ଏହାକୁ ବିରୋଧ କରି ଗ୍ରାମବାସୀ ପୋଲିସ ଗାଡ଼ିକୁ ଅଟକାଇଥିଲେ। କୌଣସି ସୂଚନା ନ ଦେଇ ୧୪୪ ଜାରିକୁ ବିରୋଧ କରି ଗଁାର ମହିଳାମାନେ ପୋଲିସ ଗାଡ଼ି ଆଗରେ ଧାରଣାରେ ବସି ରହିଥିଲେ। ଆସନ୍ତା ୫ ତାରିଖରେ ଏହି ଗାଦି ପାଖରେ ନବରାତ୍ର କୀର୍ତ୍ତନ ହେବାକୁ ଥିବାବେଳେ ନାଲି ପତାକା ମରାଯିବାକୁ ସେମାନେ ବିରୋଧ କରିଛନ୍ତି। ଆସନ୍ତା ୨ ତାରିଖରେ ସେମାନଙ୍କ ସହ ଆଲୋଚନା କରାଯିବ ବୋଲି ପ୍ରତିଶ୍ରୁତି ମିଳିବା ପରେ ଗ୍ରାମବାସୀ ଧାରଣାରୁ ଉଠି ପୋଲିସ ଗାଡ଼ିକୁ ଛାଡ଼ିଥିଲେ। ଏ ସମ୍ପର୍କରେ ପୋଲିସ ଓ ରାଜସ୍ବ ନିରୀକ୍ଷକଙ୍କ ପ୍ରତିକ୍ରିୟା ମିଳିପାରି ନାହିଁ।
