ଜାକର୍ତ୍ତା: ଜଣେ ମହିଳା ତାଙ୍କ ପୁଅ ଜରିଆରେ ନିଜକୁ ମୃତ ଘୋଷଣା କରି ଏକ ଫଟୋ ସୋସିଆଲ ମିଡିଆରେ ଶେୟାର କରିଥିଲେ। ଫଟୋରେ ମହିଳାଙ୍କ ନାକରେ ତୁଳା ଲାଗିଥିବା ଦେଖିବାକୁ ମିଳିଛି। ଇଣ୍ଡୋନେସିଆର ବାସିନ୍ଦା ଲିଜା ଦେୱି ପ୍ରମିତା ନାମ୍ନୀ ଏହି ମହିଳା ୪.୨ ମିଲିୟନ୍ ଇଣ୍ଡୋନେସିଆ ରୁପି ଅର୍ଥାତ୍ ୨୨ ହଜାର ଟଙ୍କା କରଜ କରିଥିଲେ। ଏହି କରଜ ସେ ଠିକ୍ ସମୟରେ ଶୁଝି ନ ପାରିବାରୁ କରଜଦାରଙ୍କୁ ସ ଅଧିକ ସମୟ ମାଗଥିଲେ। ସେତେବେଳେ କରଜରୁ ବଞ୍ଚିବା ଲାଗି ତାଙ୍କ ମନକୁ ଏକ ଚିନ୍ତା ଆସିଥିଲା। ସେ ତାଙ୍କ ନାକରେ ତୁଳା ରଖି କିଛି ଫଟୋ ଉଠାଇଲେ ଏବଂ ସେହି ଫଟୋକୁ ତାଙ୍କ ପୁଅ ଜରିଆରେ ଫେସବୁକ୍ରେ ଶେୟାର କରିଦେଲେ। ପ୍ରଥମେ ମହିଳାଙ୍କ ଉପରେ କୌଣସି ସନ୍ଦେହ ହୋଇ ନ ଥିଲା। ପରେ ଘରଠାରୁ ବହୁ ଦୂରରେ ତାଙ୍କ ଅନ୍ତିମ ସଂସ୍କାର କଥା ଜଣା ପଡ଼ିବାରୁ ସନ୍ଦେହ ଜାତ ହେଲା। ଏଥିନେଇ ତାଙ୍କ ପୁଅକୁ ସାମ୍ନାସାମ୍ନୀ ବସାଇ ପଚରାଉଚରା କରିବାକୁ ଏସବୁ ନାଟକ ଥିବା ଜଣାପଡ଼ିଥିଲା। ଏତେ ସବୁ ପରେ ମଧ୍ୟ ମହିଳାଙ୍କ ପତ୍ତା ମିଳିପାରିନାହିଁ।
