ଜବଲପୁର,୭।୧୨: ମଧ୍ୟପ୍ରଦେଶର ଜବଲପୁରରେ ଏକ ରୋଚକ ଘଟଣା ଘଟିଛି। ଏଠାରେ ବିବାହ ପୂର୍ବରୁ କନ୍ୟାଙ୍କ ମେକଅପ୍ ନଷ୍ଟ ହୋଇଯିବାରୁ ସେ ପାର୍ଲର ବିରୋଧରେ ଥାନାରେ ପହଞ୍ଚିଛନ୍ତି। ପୋଲିସ ମଧ୍ୟ ଘଟଣାକୁ ଗମ୍ଭୀରତାର ସହ ନେଇ ପାର୍ଲର ସଞ୍ଚାଳିକାଙ୍କୁ ପଚରାଉଚରା କରିବାକୁ ପ୍ରତିଶ୍ରୁତି ଦେଇଛି।
ଏହି ଘଟଣାଟି ଡିସେମ୍ବର ୩ର ବୋଲି ଜଣାପଡିଛି। ଏହି ଦିନ ରାଧିକା ସେନ ନିଜ ବିବାହ ମେକଅପ୍ ପାଇଁ ପାର୍ଲର ସହ ଯୋଗାଯୋଗ କରିଥିଲେ। ମେକଅପ୍ ପାଇଁ ୩୫୦୦ ଟଙ୍କା ଦେବାକୁ ମଧ୍ୟ କଥା ହୋଇଥିଲା। କିନ୍ତୁ ବିବାହ ଦିନ ପାର୍ଲ ସଞ୍ଚାଳିକା ମୋନିକା ପାଠକ ଅନୁପସ୍ଥିତ ଥିଲେ। ସେ ନିଜ କର୍ମଚାରୀଙ୍କୁ ରାଧିକାଙ୍କ ଘରକୁ ପଠାଇଥିଲେ। କିନ୍ତୁ ସେମାନେ ରାଧିକା ମେକଅପ୍ ନଷ୍ଟ କରିଦେଇଥିଲେ। ଏନେଇ ରାଧିକ ମୋନିକାଙ୍କୁ ଫୋନ ଯୋଗେ ପଚାରିବାରୁ ସେ ତାଙ୍କ ସହ ଅଶ୍ଲୀଳ ବ୍ୟବହାର କରିଥିବା ଅଭିଯୋଗ ହୋଇଛି। ଏଥିରେ ରାଗିଯାଇ ରାଧିକା ଜବଲପୁରର କୋଟୱାଲି ପୋଲିସ ଷ୍ଟେଶନରେ ପହଞ୍ଚିଥିଲେ। ପୋଲିସ ବିଭିନ୍ନ ବିଭାଗ ଅଧୀନରେ ଏକ ମାମଲା ରୁଜୁ କରି ତଦନ୍ତ ଆରମ୍ଭ କରିଛି।
