ମୁମ୍ବାଇ: ସାମନ୍ଥା ରୁଥ ପ୍ରଭୁଙ୍କ ଅଭିନୀତ ମୁଭି ‘ୟଶୋଦା’ ଲମ୍ବା ସମୟର ପ୍ରତିକ୍ଷା ପରେ ଶେଷରେ ରିଲିଜ୍ ହୋଇଛି । ପ୍ରଥମ ଦିନରେ ଫିଲ୍ମକୁ ଭଲ ରେସପନ୍ସ ମିଳୁଛି ବୋଲି କୁହାଯାଉଛି । ସସପେନ୍ସ, ଆକ୍ସନ, ଥ୍ରିଲର ଫିଲ୍ମର ନିର୍ଦ୍ଦେଶନା ହରି ଓ ହରିଶ ଦେଇଥିବା ବେଳେ ଏହା ସିନେମା ହଲରେ ଦର୍ଶକଙ୍କୁ ଆକର୍ଷିତ କରିବାରେ ସଫଳ ହୋଇଛି ବୋଲି କୁହାଯାଉଛି । ଏହାକୁ ନେଇ ସକରାତ୍ମକ ପ୍ରତିକ୍ରୟା ମିଳୁଛି । ଦର୍ଶକେ ସାମନ୍ଥାଙ୍କ ଆକ୍ସନର ଭୁରି ଭୁରି ପ୍ରଶଂସା କରୁଛନ୍ତି । ଏହାସହ ଫିଲ୍ମର କାହାଣୀକୁ ବି ବେଶ ପ୍ରଶଂସା କରୁଛନ୍ତି । ତେବେ ସୋସିଆଲ ମିଡିଆରେ ପ୍ରଥମ ଦିନରେ ଫିଲ୍ମକୁ ଭଳ ରେସପନ୍ସ ମିଳିଥିବା ଦେଖାଯାଇଛି । ୟୁଜର୍ସ ବିଭିନ୍ନ ପ୍ରକାର କମେଣ୍ଟ କରି ଫିଲ୍ମର ପ୍ରଶଂସା କରିବା ସହ ସାମନ୍ଥାଙ୍କ ଅଭିନୟର ବି ପ୍ରଶଂସା କରିଛନ୍ତି ।
ସୂଚନାଯୋଗ୍ୟ, ସାମନ୍ଥା ଏହି ମୁଭିରେ ଜଣେ ସରୋଗେଟ ମଦର ଭୂମିକାରେ ଅଭିନୟ କରିଛନ୍ତି । ସେ ତାଙ୍କ ପିଲାକୁ ରକ୍ଷା କରିବା ପାଇଁ କିଛି ବି କରିବାକୁ ପ୍ରସ୍ତୁତ ଅଛନ୍ତି । ଏହା ଦର୍ଶକଙ୍କୁ ବେଶ ପସନ୍ଦ ଆସିଛି । ପ୍ରଥମ ଦିନରେ ସୋସିଆଲ ମିଡିଆ ରେସପନ୍ସକୁ ଦେଖିଲେ ଲାଗୁଛି ଆଗାମୀ ଦିନରେ ବି ଫିଲ୍ମ ଭଲ ବିଜନେସ କରିପାରେ ।
