ଜୟପୁର,୯।୧୦: ଜୟପୁରରେ ଏକ ହୃଦୟ ବିଦାରକ ଘଟଣା ଘଟିଛି। ରୂପା କଡ଼ା ନେବା ପାଇଁ ୧୦୮ ବର୍ଷୀୟା ମହିଳାଙ୍କ ୨ ଗୋଡ କାଟିଦେଇଛନ୍ତି ଚୋର। ଜୟପୁରର ମୀନା କଲୋନି ଗାଲଟାଗେଟର ଯମୁନା ଦେବୀ (୧୦୮) ତାଙ୍କ ଝିଅ ଗୋବିନ୍ଦୀ ଏବଂ ନାତୁଣୀ ମମତା (୨୨)ଙ୍କ ସହିତ ରୁହନ୍ତି। ରବିବାର ସକାଳ ପାଞ୍ଚଟା ବେଳେ କିଛି ଚୋର ତାଙ୍କ ଘରେ ପ୍ରବେଶ କରିଥିଲେ। ଚୋରମାନେ ଯମୁନା ଦେବୀଙ୍କୁ ବାଥରୁମକୁ ଟାଣି ନେଇ ଦୁଇ ଗୋଡ କାଟି ରୂପା କଡା ବାହାର କରିଥିଲେ। ଚୋରମାନେ ମହିଳାଙ୍କ ପାଟିକୁ ଚାପି ଦେଇଥିଲେ। ଏହି କାରଣରୁ ସେ ଚିତ୍କାର ମଧ୍ୟ କରିପାରି ନ ଥିଲେ।
ବୃଦ୍ଧ ମହିଳା ମଧ୍ୟ ତାଙ୍କ ବେକରେ ସୁନା ଚେନ୍ ପିନ୍ଧିଥିଲେ। ଏହାକୁ ଲୁଟିବା ପାଇଁ ଅଭିଯୁକ୍ତ ମହିଳାଙ୍କ ବେକ ଉପରେ ଆକ୍ରମଣ କରିଥିଲା, କିନ୍ତୁ କାହାର କେହି ଆସିବା ଭୟରେ ସେମାନେ ଘଟଣାସ୍ଥଳରୁ ପଳାଇ ଯାଇଥିଲେ। ଯମୁନା ଦେବୀ ଝିଅ ଏବଂ ନାତୁଣୀ ସକାଳ ପ୍ରାୟ ଛଅଟା ବେଳେ ଉଠିବା ପରେ ମା’ଙ୍କୁ ଖୋଜିଥିଲେ। ପରେ ଯୁମନା ଦେବୀ ବାଥରୁମ୍ରେ ଚେତାଶୂନ୍ୟ ଅବସ୍ଥାରେ ପଡିଥିଲେ।
ସୂଚନା ପାଇଁ ପୋଲିସ ଘଟଣାସ୍ଥଳରେ ପହଞ୍ଚିଥିଲା। ବର୍ତ୍ତମାନ ପୋଲିସ କ୍ରାଇମବ୍ରାଞ୍ଚର ସିସିଟିଭି ଯାଞ୍ଚ କରୁଛି। ଯମୁନା ଦେବୀ ଜୟପୁରର ଏସଏମଏସ ହସ୍ପିଟାଲରେ ଭର୍ତ୍ତି ହୋଇଛନ୍ତି।
